JUAN 14:6 - Wanaadi A'deddu

⁶ Jesuuquidiito cönä’döaacä chäwwä: —Öwö ñäädä ääma neene, chäänöngato a’deu mmaja, do’ta edhaajä mmaja. Jaaja wwadäädä täjai’cha weiñä na; öwö joi mma täjai.

JUAN 14:6 Iomraidhean Croise

MATEO 11:27

Yääje mma yaawä Jesuuquidiito cönä’döaacä soto wwäiñe: —Jaaja cuntui öwwä cajiichaanaje weichojo. Anejja owaanäcä’da na Iiñedö; Yuumö mmaane dhowaanäcä. Yuumö owaanäcä’da mmaja; Iiñedo mmaane dhowaanäcä; ñäädä mmaja Yuumö dhowaanäcä, Iiñedö nowaanomaadö.

JUAN 1:14

Ñäädä A’deu sotooje cönä’döi. Töwö cöneejata’täi ñaa antawä. Aashichaato cönä’jaacä töwö, chäänöngato mmaja. Ñaa cöneeneaacä aashicha yeichö, yää yäätonno ’jemjönö Yuumö nnedö wwä töweiye naichö.

JUAN 1:17

Moisé ai Wanaadi cuntui cöwwäiñe jenaado’jä waanontänä; Jesuuquidiito ai mmaane aashichaato cönä’tui cöwwäiñe, chäänöngato a’deu mmaja.

JUAN 1:4

Töwö chäwwä cönä’jaacä do’ta; yää do’ta cönä’jaacä sotoocomo weiyuuducoomoje.

JUAN 10:28

Öwö wu’a chäwwäiñe töwaatamemjönö weichojo. Tönwanno ännamjö’da naato’de yeichöje. Anejja sootoi che yenwajiiñajai’cha na.

JUAN 10:7

Edääje mmaja Jesuuquidiito cönä’döa’dea chäwwäiñe: —Chäänönge yääje wä’döa äwwäiñe, öwö ñäädä mönaatata, oweeja womonto’como.

JUAN 10:9

Mönaatata öwö; ñäädä öwö yaiño womoomödö nääwanaaca’de. Töwö cudaada aca nomonga, töweeja’ca mmaja, täwanshiñö töneedantä yaawä.

JUAN 14:19

Numa’da mma na eduuwa eetä weichojo, yäätonno yaawä edä nono de’woncomo yeene’da naato’de; änwanno mmaane cäneeato’de. Öwö nudä weijäcä änwanno nudä mmaja maato’dede.

JUAN 15:1

Edääje Jesuuquidiito cönä’döaacä: —Öwö ñäädä chääjö, chäänöngato wejössataadö; chuu dänei nönge Jaaja na.

JUAN 18:37

Yaawä Pidaato cönä’döaacä chäwwä: —¿Cajiichaana ca amäädä, yääje yeiya’jäcä? Jesuuquidiito cöneccujä’acä: —Ee, cajiichaana öwö, mecammaadöje. Mädääjatooje yennune; edä nono de’cäi we’ne a’deu chäänöngato ecammajä’neije. Tameedä ñanno a’deu chäänöngato woija’como ya’deddu töneeta weneeneto; quee cönä’döaacä Jesuuquidiito.

JUAN 5:21

Jaaja yä’ja’a’como tönaadonca, yeichöcoomo tunu’e. Mädääje mmaja Iiñedö tumjummadö wwäiñe tunu’e yeichöcoomo.

JUAN 6:33

Wanaadi nutuudu yää uu caju ñano we’ajä, tameedä soto weicho’comooje; quee cönä’döaacä Jesuuquidiito.

JUAN 6:51

Öwö ñäädä uu neene, caju ñano we’ajä. Ñäädä edä täu’nei yeichöje töweiye na’de. Öwö yeejö wu’a’de tameedä soto weicho’comooje; quee cönä’döaacä Jesuuquidiito chäwwäiñe.

JUAN 6:57

Ñäädä yaanontänei’jödö wwä töweiye na do’ta; öwö töweiye wäänene töwö inchudu que. Yääje mmaja ñäädä öwö jääcuinchato, öwö untudu que yeichojo na’de.

JUAN 6:68

Simón Peedhodo cönä’döaacä chäwwä: —Owaanomaanei, ¿änääcö wwadäädä ñaa tädö deaade’ ? Amäädä äwwä mmaane yeiyajä yeichöödoto weichojo a’deu.

JUAN 8:32

Änwanno odhoowanääcäiñe na’de a’deu chäänöngato; yää a’deu chäänöngato tanontaamoje aweichöcoomo jonno ayu’caato’de; quee cönä’döaacä Jesuuquidiito.

JUAN 8:51

Chäänönge yääje wä’döa äwwäiñe, ñäädä ya’deddu woije tödöönei ääma’da na’de; quee cönä’döaacä Jesuuquidiito.

DOSECHO 3:15

Mädääje änwanno memaatäne ñäädä weichojo edhaajä. Yääje yeichaame Wanaadi cönaadoncai yäämaajo jonno; ñaa owaanäcä na yääje yeichö, eneetö’da.

DOSECHO 4:12

Anejja wwä wääwanaacatoojo ejoodöjai’cha caato; anejja äätö ’je’da na edä nono de’wä soto wääwanaacato’como; quee cönä’döaacä Peedhodo.

DOSECHO 9:2

Jajeeda imennaajä cöne’catäi chäwwä Damaacu ña töötotoojo quedeiyente ujiiyeiñe, Jeduusadén ña jedeesoje eneejödööcomo wetä yaawä, dhanwaacomo, wodiiñamo mmaja.

DOMAANO 15:16

Töwö Wanaadi yöödöne Quidiito anoonöje, judhíojöncomo wwäiñe ecammajäätödö wetä Wanaadi wätunnäi, yää aashichaato wätunnä. Yää töneecammajä’e wäänene Wanaadi wwä judhíojöncomo utuudu wetä yaawä öwwä, saaquidiijiisiyo utuudu töweiye naichöje, Wanaadi wacö’je, Epíiditu Santo nishoomadööje mmaja.

DOMAANO 5:2

Quidiito woije Wanaadi jadoonoje cä’dötääne ecamjödö que; yääje yeijäcä Wanaadi nutuudu aashichaato cöwwäiñe na. Yää Wanaadi nutuudu aashichaato cöwwäiñe yeijäcä ejääduqueejö’da caato; ta’cwäiñe mmaja caato dea cowaanäcäiñe yeijäcä aashicha Wanaadi weichö cöwwoncomooje yeichojo.

DOMAANO 5:21

Conemjönö woijatooje wäämanä o’jodhe töweiye cönä’jaacä; eduuwa aashicha Wanaadi weichö woije daja chääjadoonoje cä’döjaato, yeichöödoto cöweicho’como töweiye yeichö wetä Cädhaajotoncomo Jesuuquidiito jäcäinchädä.

1 CODINTIYO 15:45

Edääje Wanaadi a’deddu imennaajä nä’döa: “Ñäädä Adhán, awa’deenato dhanwa cönä’ja’dö, soto nudootoje cönä’döi;” quee nä’döa. Yä’cadööjato Adhán mmaane weichojo u’neije na, ñäädä Quidiito.

EUJEESIYO 2:18

Tameedä cönwanno, judhío, judhíojöncomo mmaja, Quidiito jäcäinchädä täjai caato Cumöötoncomo wwadäädä, ñäädä dea Epíiditu Santo ni’wa’tädö que.

CODOOSENSE 2:17

Tameedä mädoocomo cönä’jaacä töwe’emö ecaato mma; Quidiitoone na täcaatoqueemöje.

CODOOSENSE 2:9

Quidiito wwääne na tameedä Wanaadi weichö.

CODOOSENSE 3:4

Ñäädä Quidiito cöweicho’comooje naadö we’a’jäcä, änwanno mmaja aashicha määnejaato’dede chääjadä.

EEWEDEO 7:25

Yääje yeijäcä töwö yeichöödäje ewaanacaajai ñaato ñanno töjoinchomo Wanaadi wwadäädoncomo wötäädö, yeichöödäje nudä töweijäcä; chääjäcäinchädäiñe töwö töwa’deuwe weneene Wanaadi wwä.

EEWEDEO 9:8

Yää que Epíiditu Santo nene’ju’ja Aashichaato Jaiñoone taca womonto’me’da yeichö, awa’deeto aco’jo’jödö yäätä yeichö wadaadäädä.

1 PEEDHODO 1:21

Jesuuquidiito ni’wa’tädö que Wanaadi mecaanö’ato, ñäädä yäämaajo jonno Jesuuquidiito adoncanei’jödö, chäwwä aashichaato u’nei’jödö mmaja. Yääje yeijäcä Wanaadi mecaanö’ato, miyoomo’cato dea.

1 PEEDHODO 2:4

Jesuuquidiito wwadäädä ä’täcä. Töwö na täju yeichöödoto töweiye naichöje. Sotoocomo cönquiiñemeecöicho, Wanaadi mmaane cönei, chäwwä tujunne na.

1 PEEDHODO 3:18

Quidiito mmaja cönäntunamjöi chea; cöcoone’nadiiyöcoomo jo’tädööje töwö cönäämai, tooniye mma, yeichöje töweiyemööje. Töwö chäänönge töweichaame chäänöngemjöncomo jäcäinchädä cönäämai, Wanaadi wwadäädä cäneejödööcomo wetä. Töwö chääjö wääma’jödö weichaame, Epíiditu Santo woije cönaadoncai.

1 JUAN 1:8

Conemjönö ’je’da cöwäätä’ta’comjäcä, cöwwäädäiñe cätäncu’taato yaawä, chäänöngato ’je’da caato dea.

1 JUAN 2:23

Ñäädä Iiñedö ijo’manei Cumöötoncomo ’je’da mmaja na dea. Ñäädä Iiñedö ecammanei mmaane Cumöötoncomo ’je na dea.

1 JUAN 5:20

Cowaanäcäiñe na Wanaadi nnedö weejö’jödö. Töwö cösejje’tätääne Wanaadi chäänöngato jadoonoje cöweichöcoomo wetä. Cönwanno caato ñäädä Wanaadi chäänöngato jadoonoje, Iiñedö Jesuuquidiito jadä cöweijäcäiñe. Ñäädä ñäädä Wanaadi chäänöngato, weiñä töwaatamemjönö edhaajä.

1 JUAN 5:6

Ñäädä Jesuuquidiito weejödö cönääne’ju’joi tuna que, munu que mmaja. Tuna que mma’da Jesuuquidiito weejödö cönääne’ju’joi, dhaquiiyö que mmajaane. Epíiditu Santo dea yääje yeichö necamma; chäänöngato ñäädä Epíiditu Santo.

2 JUAN 1:9

Ñäädä shaadijangajä, Quidiito wätunnäi ija’do’jonei, Wanaadi ’je’da na ñäädä. Ñäädä Quidiito wätunnäi chäänönge tödöönei mmaane, ñäädä Wanaadi ’je na, Iiñedö ’je mmaja.

APOOCADIISI 1:5

Jesuuquidiito nutuudu mmaja, ñäädä ecammajä’nei chäänöngato, awa’deenato töwäämaajo jonno weja’caajä, ñäädä edä nono de’woncomo cajiichaanacoomo Edhaajotoncomo. Töwö Jesuuquidiito cujummaneichomo, cöcoone’nadiiyöcoomo jonno cöcoccatääne taquiiyö que.

APOOCADIISI 19:11

Yaawä weneeaqueene caju wata’ducaadö. Yäätä cönääneaacä cawaayu, tajääde’de. Ye’wono eetö cönä’jaacä Aashichaatoje, Chäänöngatooje mmaja, chäänönge tönemmenca yeijäcä, töweewänä’tä mmaja.

APOOCADIISI 20:15

Tameedä ñanno weichojo jajeedai’chädö jäcä chäätö imennaajä ’jemjöncomo cönäätämaajoicho jiyooto comootödö ña.

APOOCADIISI 22:1

Yaawä ñäädä amoode öwwä cöneenejoi weichojo tunai’chädö, Wanaadi mudei dö’tonnoto weja’cadö, Oweeja nnedö’cä mudei dö’tonnoto mmaja. Yää tuna cönä’jaacä acuuwena; ta’dawaane cönääneaacä, widiiqui töweiye naichö wa’cä.

APOOCADIISI 22:17

Epíiditu Santo mmaja, Oweeja nnedö’ca jiñamo mmaja edääje nä’döaato: —Ä’cäde; quee. Ñäädä etaanei mmaja mädääje ä’döjai ña dea: —Ä’cäde; quee. Ñäädä emjätö’sato neejö’ñojo; ñäädä enö’sato weichojo tunai’chädö nenö’ñojo, täje’da.

APOOCADIISI 3:14

Edääje mmaja ñäädä soto nnedö nöngato cönä’döa’dea öwwä: —Edääje imennäcä’de amoode wwadäädä, ñäädä Daodiseea ñancomo quedeiyente edai’chäneichomo wwadäädä: “Edääje nä’döa ñäädä Chäänöngato, ecammajä’nei aashichaato, chäänöngato mmaja, tameedä Wanaadi nödöödö amoode’nänei’jödö:

APOOCADIISI 3:7

Edääje mmaja ñäädä soto nnedö nöngato cönä’döa’dea öwwä: —Edääje imennäcä’de amoode wwadäädä, ñäädä Jiidadeujiya ñancomo quedeiyente edai’chäneichomo wwadäädä: “Edääje nä’döa ñäädä aashichaato, chäänöngato, Dawí jataadö yaawi’chädö edhaajä. Töwö ñaaducaadö anejja a’dujai’cha na; töwö ña’dudu anejja a’ducaajai’cha mmaja.