JUAN 14:2 - Wanaadi A'deddu

² Jaaja mmai chaca jooje weichojo na. Yääje’da ei’jo mmaane wecammadö äwwäiñe. Öwö wöta aweicho’como chooneca.

JUAN 14:2 Iomraidhean Croise

DUUCA 14:22

Äcuude’cä ñäädä dhanoonö cönä’döaacä yaawä: “Cajiichaana, anaanontä’jödö wödöi. Yääje yeichaame töweiye dea na soto weicho’como;” quee.

JUAN 13:33

Önnacoomo’cä, numa’da mma ajaadäiñe weichojo na eduuwa. Änwanno a’que cujiiyato’de; judhío wwäiñe wä’döaaquennöje mmaja wä’döa dea äwwäiñe: Öwö öötotoojo döiña änwanno täjai’cha maato; quee.

JUAN 13:36

Yaawä Simón Peedhodo Jesuuquidiito cöneecamma’joi: —Owaanomaanei, ¿äsha mötäätai’che? quee cönä’döaacä. Jesuuquidiito cöneccujä’acä: —Öwö öötotoojo döiña täjai’cha maato eduuwa; äcuude’cä jeene mötaato’de; quee cönä’döaacä.

JUAN 14:28

Änwanno metaato äwwäiñe ya’deuwöichö: “Öwö wöta, yää ’jeje we’a’dede adöiñaiñe”; quee wä’döannö. Äwwäiñe jumma’jäcä ta’cwaiñe meichädö Jaaja döiña öötädö eta’jäcä, Jaaja ye’jodhe yeijäcä.

JUAN 16:4

Mädä wecammajä’a äwwäiñe; yaawä chu’nädö aca yä’döa’jäcä chö’tajai maato wa’deuwö’jödö jäcä. “Awa’deene yääje a’deuwö’da wä’jaaquene äwwäiñe, ajaadäiñe weijäcä.

JUAN 17:24

“Jaaja, canno öwwä mu’netoodö öwö weichojo dö’tä mmaja yei’sheiñe waato, o’jodhe weichö eneiyeto yaawä, yää äwwä jummadö weijäcä öwwä mu’nedö edä nono tödöödö owaajodä.

DOSECHO 9:16

Chäwwä weneeja’de jääcäinchädä yäntunaanö’tojo; quee cönä’döaacä Cajiichaana Jesuuquidiito Aananía wwä.

2 CODINTIYO 5:1

Edä cäjööcomooje naadö maa töwaatameemö nönge na. Cönwanno cowaanäcäiñe na edä wataamea’jäcä anejja maa cöwwäiñe töweiye yeichö caju ña, soto namäädöjöönö, Wanaadi namäädö yeichöödäjaatoone.

1 TEESADOONISENSE 5:9

Töwäätä’maminchajaamoje’da Wanaadi ca’dejjatääne, Jesuuquidiito jäcäinchädä töwääwanaacaamojeene.

TIITO 1:2

töwaatamemjönö weichojo chäwwäiñe töweiye yeichö wetä yaawä. Edä nono woojodö’jödö owaajodä töwö Wanaadi cöneecammai yää töwaatamemjönö weichojo; ätäncu’täjöönö ñäädä Wanaadi.

EEWEDEO 11:10

Töwö Aawadán tönwomo’que töweiye cönä’jaacä jata yäätäädono, Wanaadi nödöödööne, Wanaadi namäädö mmaja.

EEWEDEO 13:14

Eetä cöjaatadööcomo yeichöödäje töweiyemö ’je’da na; ne’a’dedööne cöjaatadööcomooje quiiyomo’caato.

EEWEDEO 6:20

Iiña Jesuuquidiito womongajä na, cäämadööcomo a’ducaaneije. Mädääje soto jäcäinchädäiñe Wanaadi wwä töwa’deuwemööje töwö cönä’döi, yeichöödäje töweiyemööje, Mequiisedeeque cönä’ja’döje mmaja.

EEWEDEO 9:8

Yää que Epíiditu Santo nene’ju’ja Aashichaato Jaiñoone taca womonto’me’da yeichö, awa’deeto aco’jo’jödö yäätä yeichö wadaadäädä.

APOOCADIISI 1:5

Jesuuquidiito nutuudu mmaja, ñäädä ecammajä’nei chäänöngato, awa’deenato töwäämaajo jonno weja’caajä, ñäädä edä nono de’woncomo cajiichaanacoomo Edhaajotoncomo. Töwö Jesuuquidiito cujummaneichomo, cöcoone’nadiiyöcoomo jonno cöcoccatääne taquiiyö que.

APOOCADIISI 21:2

Öwö, Juan, weneeaqueene yää jata aashichaato wä’tädö caju ñanno, Wanaadi döiñanno, yää Jeduusadén ñano eduuwaato. Töweesomaajä’e cönä’jaacä, töiño eneeje wodi töwäätöiñonoomö töweesoma töweiye naichöje.

APOOCADIISI 3:12

Ñäädä e’jodheinchanei’jödö yeichöje wijaata’täja’de Waanadiiyö jadä, Wanaadi weichojo mu’dudui ääseca’da töweiye naichöje. Waanadiiyö eetö wimenna’de chääjäcä, Waanadiiyö jataadö eetö mmaja, yää Jeduusadén ñano eduuwaato, Waanadiiyö jonnoto caju ñanno töwä’täämö. Öwö yeetö eduuwaato mmaja chääjäcä wimenna’dede.

APOOCADIISI 3:21

Ñäädä e’jodheinchanei’jödö öwö jaadä wödööa’de cajiichaanaje. Yääje mmaja we’jodheinchane öwö; cajiichaanaje wä’döne dea yaawä Jaaja jadä.