JUAN 14:19 - Wanaadi A'deddu

¹⁹ Numa’da mma na eduuwa eetä weichojo, yäätonno yaawä edä nono de’woncomo yeene’da naato’de; änwanno mmaane cäneeato’de. Öwö nudä weijäcä änwanno nudä mmaja maato’dede.

JUAN 14:19 Iomraidhean Croise

JUAN 11:25

Jesuuquidiito cönä’döaacä chäwwä: —Öwö ñäädä töwäämaajo jonno weja’canä edhaajä, do’ta edhaajä mmaja. Ñäädä yeecanö’nei, töwääma’jödö weichaame naadonca’de.

JUAN 12:35

Jesuuquidiito cönä’döaacä chäwwäiñe: —Numa’da mma ajaadäiñe weiyu weichojo na eduuwa. Äämannä’täcä weiyu ajaadäiñe naadawäädä, ätööjanto’no. Ñäädä tööjano’tacaano wäämannäjöödö towaanäcä’da naadema.

JUAN 13:33

Önnacoomo’cä, numa’da mma ajaadäiñe weichojo na eduuwa. Änwanno a’que cujiiyato’de; judhío wwäiñe wä’döaaquennöje mmaja wä’döa dea äwwäiñe: Öwö öötotoojo döiña änwanno täjai’cha maato; quee.

JUAN 14:6

Jesuuquidiito cönä’döaacä chäwwä: —Öwö ñäädä ääma neene, chäänöngato a’deu mmaja, do’ta edhaajä mmaja. Jaaja wwadäädä täjai’cha weiñä na; öwö joi mma täjai.

JUAN 16:16

“Eduuwaiche mma yeene’da maato’de; yäätonno numa’da mma cäneeato’dede, Jaaja döiña öötädö weijäcä; quee cönä’döaacä Jesuuquidiito.

JUAN 16:22

Mädääje mmaja änwanno, eduuwa mma wentumje maato. Öwö maneeneaato’dede äcuude; yaawä ta’cwaiñe maato’de. Anejja adhenwajiiñajaiñe’da na’de yaawä adha’cwaniiyöcoomo que.

JUAN 6:40

Ñäädä Iiñedö eneenei, ecaanö’nei mmaja, yeichö töwaatamemjönö töweiye na, yaanontänei’jödö woije dea; öwö wadonca’de yaawä anooto wataamedaawä; quee cönä’döaacä Jesuuquidiito.

JUAN 7:33

Yaawä Jesuuquidiito cönä’döaacä: —A’dhe mma ajaadäiñe weichojo na. Yää ’jeje yennaca’de yaanontänei’jödö döiña mmaja.

JUAN 8:21

Edääje mmaja Jesuuquidiito cönä’döa’dea chäwwäiñe: —Öwö wöta’de; änwanno a’que cujiiyato’de. Mä’ja’aato’de ocoone’nadiiyöcoomo ’je dea. Öwö öötotoojo döiña täjai’cha maato; quee cönä’döaacä.

DOSECHO 10:41

Tameedä soto wwäiñe’da mma töwö cönäänejoi, ecammannamooje töweiyaamoje jenaadä Wanaadi neichö wwäiñe dea mmaane. Ñanno ñaa Wanaadi neichö, töwäämaajo jonno yaadonca’jeje Jesuuquidiito jadoono wääwashinchä’jödö.

DOMAANO 5:10

Wanaadi tu’dedööje cöweichöcoomo töwö töjaadä ääweichacoonoje cödöötäne Tönnedö wääma’jödö jäcäinchädä. Töwaacö’je mma eduuwa; chääjadä ääweichacoonoje cöweichomjäcä töwö cäwaanacaato nudä Quidiito weichö que dajaane.

DOMAANO 8:34

¿änääcö mmaja töwännanö’aamoje ane’tädööto deeade’ ? ¿Quidiito ’ja? Ng’jn, Quidiito dea dajaane cöjääcäinchädäiñe cönäämai, töwäämaajo jonno cönaadoncai chea. Töwö na eduuwa Wanaadi nnäcä, ämu’demjönö dö’se, chäwwä cöjääcäiñe wa’deunäje.

1 CODINTIYO 15:20

Yääje’daane na; töwaadoncaane Quidiito cönaadoncai töwäämaajo jonno. Töwö ñäädä awa’deenato yä’ja’a’como antawonnoiñe waadoncaajä, ñanno töwaadoncaamoje naatoodö antawonnoiñe.

1 CODINTIYO 15:45

Edääje Wanaadi a’deddu imennaajä nä’döa: “Ñäädä Adhán, awa’deenato dhanwa cönä’ja’dö, soto nudootoje cönä’döi;” quee nä’döa. Yä’cadööjato Adhán mmaane weichojo u’neije na, ñäädä Quidiito.

EEWEDEO 7:25

Yääje yeijäcä töwö yeichöödäje ewaanacaajai ñaato ñanno töjoinchomo Wanaadi wwadäädoncomo wötäädö, yeichöödäje nudä töweijäcä; chääjäcäinchädäiñe töwö töwa’deuwe weneene Wanaadi wwä.

APOOCADIISI 20:4

Yaawä weneeaqueene wanna mude, ye’woncomo wataajimaadö mmaja. Chäwwäiñe u’ajä cönä’jaacä soto emmencato’como. Weneeaquento dea ñanno Jesuuquidiito a’deddu ecammajäätödö jo’tädööja’como ijöncä’jä’a’como’jödö ecaatocoomo, ñanno Wanaadi a’deddu jo’tädööja’como wä’jajo’jocoomo, ñanno odoocojaato änwa’deme’jöncomo’jödö, chu’taajä mmaja. Ñanno dea cönä’ja’to odoocojaato wwä töjaawäiñe ä’madaaca’ñäjoojöncomo’jödö, tamäädöcoomo jäcä mmaja. Ñanno waadoncadööcomo weneeaqueene. Cajiichaanaje naato’de 1,000 wedu Quidiito jadä.