JUAN 14:17 - Wanaadi A'deddu

¹⁷ Edä nono de’woncomo ñäädä ijummajai’cha naato, aneene’da yeichomjäcä, dhowaanäcäiñe’da yeichomjäcä mmaja. Änwanno mmaane odhoowanääcäiñe na, ajaadäiñe yeijäcä; töwö yeichöje ataacaiñe na’de.

JUAN 14:17 Iomraidhean Croise

MATEO 10:20

Änwannojöönööne adha’deuwato’de, Epíiditu Santoone na’deuwa’de äntaiñe, ñäädä Oomotoncomo dö’sennoto.

JUAN 14:16

Jaaja wwä we’ca’a’de, töwö äwwäiñe nu’a’de yaawä Ä’wa’täneichomo, yeichöje ajaadäiñe töweiyemööje, ñäädä Epíiditu Santo, chäänöngato a’deu edhaajä.

JUAN 14:23

Jesuuquidiito cöneccujä’acä: —Ñäädä öwö jummanei ya’deddu woije nödööa; Jaaja nijumma’de ñäädä. Ñaa ne’a’de yöiña; chääjadä ñaa na’de.

JUAN 15:26

“Ä’wa’täneichomo we’a’jäcä, ñäädä äwwadäädäiñe wanonta’dedö, töwö aashicha necammajä’a’de öwö jääcä. Jaaja nanontädö ñäädä Epíiditu Santo, chäänöngato a’deu edhaajä.

JUAN 16:13

Yaawääne’, Epíiditu Santo we’a’jäcä, ñäädä chäänöngato a’deu edhaajä, töwö odhoowanoomaato’de chäänöngato a’deu jäcä. Töwö töjääcä mma a’deuwö’da na’de; töneeta’jödö queene na’deuwa’de. Töwö odhoowanoomaato’de tameedä töweeja’dä’emö jäcä.

JUAN 6:40

Ñäädä Iiñedö eneenei, ecaanö’nei mmaja, yeichö töwaatamemjönö töweiye na, yaanontänei’jödö woije dea; öwö wadonca’de yaawä anooto wataamedaawä; quee cönä’döaacä Jesuuquidiito.

1 CODINTIYO 14:15

¿Aaquene eijai wanä yääje yeiya’jäcä? Edääje eijai wa: Wanaadi wwä a’deujai wa do’tadö que, yaawääne’ tö’tajäätödö que mmajaane’. Ecanta’ñäjai wa dea do’tadö que, tö’tajäätödö que mmaja.

1 CODINTIYO 2:14

Ñäädä Epíiditu Santo woijemjönö Epíiditu Santo nödöödö tömjo’ma weneene, i’jeta’jödö nönge yeijäcä chäwwä. Töwö yää etaajai’cha na, Epíiditu Santo ni’wa’tädö queene yää chö’tammecöödö yeiyajä.

1 CODINTIYO 3:16

¿Odhoowanääcäiñe’da ca’ nai Wanaadi weichojooje aweichöcoomo, Epíiditu Santo ataacaiñe yeichö mmaja?

1 CODINTIYO 6:19

¿Odhoowanääcäiñe’da ca’ nai Epíiditu Santo weichojooje adheejöcoomo weichö, ñäädä Wanaadi nutuudu ataacaiñe naadö? Ännödööcomoojönö mädä adheejöcoomo;

2 CODINTIYO 13:5

Änwanno deaane ä’mencatääcä chäänönge aneecamjödööcomo weichö jäcä. Äwwäädäiñe äänetääcä. ¿Odhoowanääcäiñe’da ca’ nai Jesuuquidiito ataacaiñe yeichö, quedeiyente neeneje aweiya’comjäcä?

2 CODINTIYO 6:16

¿Aaquene mmaja Wanaadi weichojo oojodöödö deeade’ chu’taajä acä? Änwanno Wanaadi nudooto weichojooje maato. Töwö Wanaadi chea cönä’döaacä: Öwö yo’tacaiñe wa’de; chääjadäiñe wäämannä’a’de. Yaanadiiyöcoomoje wa’de; tönwanno naato’de sootoije; quee Wanaadi cönä’döaacä.

CAADATA 4:6

Yääje yeijäcä tönnacoomoje aweijäcäiñe Wanaadi cönaanontäi Epíiditu Santo odo’tacaiñe, ñäädä Iiñedö nutuudu. Yääje yeijäcä Epíiditu Santo woije Jaajaje Wanaadi que’taato.

EUJEESIYO 2:22

Änwanno mmaja Quidiito jadä aweichomjäcä Epíiditu Santo ni’wa’tädö que tameedä anejjacoomo jadä tojoodöjo maato Wanaadi weichojooje.

EUJEESIYO 3:17

Yaawä ecamjödö jäcäinchädä Quidiito ätö’tajäätödööcomo aca eijai ña, jäduuje aweichöcoomo wetä yaawä wä’jummanä jäcä, dee tömiichato töweiye naichöje.

CODOOSENSE 1:27

Töwö tösootoi wwäiñe ecaademe’jo’se cönä’jaacä joojato aashichaato tönnödö judhíojöncomo jäcäiñe. Edä yää owaanojöönö’jödö wecammaadö: Quidiito ataacaiñe yeichö. Yää na aashichaato äwwäiñe töweiyemö onwomo’to’comooje.

2 TIIMOTEO 1:14

Tädai’chääne edai’chäcä yää äwwä Wanaadi nutuudu; Epíiditu Santo ni’wa’tädö que tödööcä, ñäädä cötaacaiñe naadö.

1 JUAN 2:27

Änwanno Epíiditu Santo ’je maato, ñäädä Jesuuquidiito nutuudu äwwäiñe. Yääje yeijäcä odhoowanoomaneichomo tujunne’da na, töwö Epíiditu Santo dea tameedä odhoowanoomatäiñe yeijäcä. Chäänönge ñäädä Epíiditu Santo nowaanomaadö, wätäncu’tänääjönö. Yääje yeijäcä Quidiito jadä eichäcä, Epíiditu Santo nowaanomaadö nönge deaane.

1 JUAN 3:24

Ñäädä Wanaadi waanontädö tödöönei Wanaadi jadoono ñäädä, Wanaadi chaaca na dea töwö. Wanaadi cötaacaiñe yeichö cowaanäcäiñe na Epíiditu Santo woije, ñäädä cöwwäiñe Wanaadi nutuudu.

1 JUAN 4:4

Önnacoomo’cä, änwanno maato Wanaadi sotoije. Anwanno me’jodheinchatääne ñanno ecammajä’nnamo chäänöngemjöncomo, jäduuje’cä yeijäcä ñäädä Epíiditu Santo ataacaiñe naadö, edä nono de’wono e’jodhe’cä.

1 JUAN 4:6

Cönwanno mmaane Wanaadi sotoije caato. Ñäädä Wanaadi jadoono ca’dedducoomo töneeta weneene; ñäädä Wanaadi jadoonojöönö mmaane ca’dedducoomo aneeta’da na. Mädääje ene’ju’jai caato ñäädä chäänöngato woije ecammajä’nei, chäänöngemjönö woije ecammajä’nei mmaja.

1 JUAN 5:7

Aaduwaawä naato yää ecammannamo caju ña; ñanno naato Cumöötoncomo, ñäädä A’deu mmaja, Epíiditu Santo mmaja. Tönwanno naato tooni mma.

APOOCADIISI 2:17

Eta’sato neta’ñojo Epíiditu Santo wa’deuwödö quedeiyentecoomo wwä: Ñäädä e’jodheinchanei’jödö wwä wänu’a’de ädeeja owaanojöönö. Chäwwä wu’a’dede täju’cä tajääde’dato, äätö eduuwaato imennaajä chääjäcä. Anejja dhowaanäcä’da na yää äätö, tääquemö mmaane dhowaanäcä;” quee cönä’döaacä öwwä ñäädä soto nnedö nöngato.