JUAN 14:13 - Wanaadi A'deddu

¹³ Tameedä yeetö joi ane’catäädöcoomo öwö wödööa’de, aashicha Tumö weichö Iiñedö wwä eneejodö wetä.

JUAN 14:13 Iomraidhean Croise

MATEO 21:22

Tameedä ecaanö’ancädä Wanaadi wwä ane’catäädöcoomo äwwäiñe nä’tua’de; quee cönä’döaacä Jesuuquidiito tösootoi wwäiñe.

MATEO 7:7

“Ane’ca’täcä, äwwäiñe Wanaadi äntuiye; anuujichääcä, maneedantätäiye; a’dejjatääcä, mönaatata äwwäiñe ata’ducaiye.

MAADOCO 11:24

Yääje yeijäcä yääje wä’döä äwwäiñe, tameedä Wanaadi wwä ane’catäädöcoomo ecaanö’täcä utuudu; yaawä äwwäiñe nä’tua’de.

DUUCA 11:9

Yääje yeijäcä yääje wä’döa äwwäiñe: Ane’ca’täcä, äwwäiñe Wanaadi äntuiye; anuujichääcä, maneedantätäiye; a’dejjatääcä, mönaatata äwwäiñe ata’deucaiye.

JUAN 10:30

Öwö mmaja, Jaaja mmaja, ñäädä dea ñaa; quee cönä’döaacä Jesuuquidiito.

JUAN 12:44

Yääje mma yaawä Jesuuquidiito töcä’de cöna’deuwöi; cönä’döaacä: —Ñäädä öwö yeecanö’nei, öwö mma’da necaanö’a, yaanontänei’jödö mmajaane.

JUAN 13:31

Yaawä Juudha weja’ca’jeje Jesuuquidiito cönä’döaacä: —Eduuwa näänea aashicha Soto nnedö weichö; aashicha Wanaadi weichö mmaja näänea dea Soto nnedö jäcä.

JUAN 14:14

Öwö wödööa’de tameedä öwö yeetö joi ane’catäädöcoomo.

JUAN 14:6

Jesuuquidiito cönä’döaacä chäwwä: —Öwö ñäädä ääma neene, chäänöngato a’deu mmaja, do’ta edhaajä mmaja. Jaaja wwadäädä täjai’cha weiñä na; öwö joi mma täjai.

JUAN 15:16

Änwanno yei’cha meiya’quene; öwööne maneichäne. Öwö mane’tätääne aweejössataadöcoomo wetä, yeichöje adheejedöödöcoomo yeichö wetä. Tameedä öwö yeetö joi Jaaja wwä ane’catäädöcoomo, töwö nu’a’de.

JUAN 15:7

“Jaadä dea aweiya’comjäcä, neecammajäätödö chö’taqueejö’da aweiya’comjäcä mmaja, yaawä tameedä ane’catäädöcoomo äwwäiñe nä’tua’de.

JUAN 16:23

“Yaawä änwanno ane’catä’da maato’de öwwä. Chäänönge yääje wä’döa äwwäiñe, Jaaja wwääne me’ca’ato’de; tameedä öwö yeetö joi ane’catäädöcoomo töwö nu’a’de äwwäiñe.

JUAN 16:26

Yaawä öwö yeetö joi me’ca’ato’de. Yääje ä’dö’da wa äwwäiñe, Jaaja wwä äjääcäiñe ya’deuwa’de; ca’da.

JUAN 16:7

Chäänöngato mädä wecammaadö, aashicha äwwäiñe eijai ña öötädö. Tä’da weiya’jäcä Ä’wa’täneichomo eejö’da eijai ña yaawä. Dha’da ööta’jäcä öwö wanonta’de äwwadäädäiñe.

JUAN 4:10

Yaawä Jesuuquidiito cöneccujä’acä: —Wanaadi nutuudu odhoowanääcä ei’jo, äwwä tuna ne’ca’aadö odhoowanääcä ei’jo mmaja, amäädääne e’catäädö meiya öwwä, öwö utuudu weiya yaawä äwwä weichojo tuna; quee cönä’döaacä Jesuuquidiito wodi wwä.

JUAN 4:14

Öwö untudu ennei mmaane emjätö’se’da na’de yaawä yeichöje. Öwö untudu na’de tuna weja’catoojo nönge yo’taca, yeichöödäje yeichojooje; quee cönä’döaacä Jesuuquidiito.

JUAN 5:19

Yaawä Jesuuquidiito cönä’döaacä chäwwäiñe: —Chäänönge yääje wä’döa äwwäiñe, Wanaadi nnedö töwoije mma tödööjai’cha na, Tumö nödöödö eneedö’jo mmaane tödööjai. Tameedä Tumö nödöödö tönnöe mmaja Iiñedö.

JUAN 7:37

Yää comjedensiya wataamedö anootoi’chädö cönä’jaacä anooto täneejucaato. Yää anooto awä Jesuuquidiito cönammöi soto we’jumma’como antawäiñe; cönä’döaacä: —Ñäädä emjätö’sato neejö’ñojo öwwadäädä, aneenöiye.

1 CODINTIYO 14:13

Ñäädä anejja a’deucwato wa’deuwödö Wanaadi wwä e’ca’jai ña töwa’deuwö’jödö ecammatoojo soto wwäiñe.

EUJEESIYO 2:18

Tameedä cönwanno, judhío, judhíojöncomo mmaja, Quidiito jäcäinchädä täjai caato Cumöötoncomo wwadäädä, ñäädä dea Epíiditu Santo ni’wa’tädö que.

EUJEESIYO 3:12

Quidiito jadä cöweichomjäcä, töneecanö’e cöweichomjäcä mmaja, tösaade’da Wanaadi wwadäädä täjai caato.

EUJEESIYO 3:14

Yääje yeijäcä Cädhaajotoncomo Jesuuquidiito umö wwadäädä tä’mudhe wä’döa, ya’demeecödööje.

JIDIIPENSE 4:13

Tameedä tödööjai wa ñäädä jäädu’tänei Quidiito ni’wa’tädö que.

CODOOSENSE 3:17

Tameedä awa’deuwödööcomo, ännödööcomo mmaja, Cajiichaana Jesuuquidiito wwonooje tödöötäcä, Cumöötoncomo Wanaadi wwä aashicha awa’deuwancädäiñe Quidiito joi.

EEWEDEO 13:15

Yääje yeijäcä yeichöödäje Wanaadi quiiya’deme’täiye Jesuuquidiito eetö joi. Mädääjatoone saaquidiijiisiyo tödööjai caato cönwanno, yää aashicha Wanaadi jäcä cöwa’deuwödööcomo.

EEWEDEO 4:15

Ñäädä Jesuuquidiito, Tumö wwä cöjääcäinchädäiñe töwa’deuwemööje naadö, wentumje cäneetäiñe’da’da weneene jäduuje’da cöweichawäiñe, töwö töwä’yunaacajo’jödö weijäcä mmaja tameedä conemjönö jäcä, cönwanno cäänetäänedööje mmaja; yaawääne’, conemjönö ännö’daane’ töwö cöneiyacä.

EEWEDEO 7:25

Yääje yeijäcä töwö yeichöödäje ewaanacaajai ñaato ñanno töjoinchomo Wanaadi wwadäädoncomo wötäädö, yeichöödäje nudä töweijäcä; chääjäcäinchädäiñe töwö töwa’deuwe weneene Wanaadi wwä.

SANTIYAACO 1:5

Anejja adhantawäiñe tösejjeque’da tötö’ta’jäcä, Wanaadi wwä nane’cato’ñojo, ä’tuiye chäwwä. Töwö Wanaadi tameedä soto wwäiñe tunu’e, ewontancädä’da, euwancädä’da mmaja.

SANTIYAACO 5:16

Yääje yeijäcä ocoone’nadiiyöcoomo töneecamma eichäcä ajimmotoncomo wwä; Wanaadi wwä adha’deutäcä ääjäcäiñe, täjiichö’tääne meichäiye. Ñäädä soto chäänöngato Wanaadi wwä sa’donna ya’deuwödö jäduuje na.

1 PEEDHODO 2:5

Änwanno mmaja täju yeichöödoto töweiye naichöje maato. Wanaadi woije oojodö’täcä Epíiditu Santo ewöötöje aweichöcoomo wetä, maa amääajä töweiye naichöje, Wanaadi wwä töwa’deuwaamo shooma’comooje aweichöcoomo wetä mmaja. Yaawä Jesuuquidiito ai Wanaadi wwono saaquidiijiisiyo aashichaato u’jai maato, Wanaadi wacö’je.

1 JUAN 3:22

Tameedä cöne’catäädöcoomo töwö u’jai ña yaawä, ñaanontä’jödö tönnöe cöweijäcäiñe, yaacötö tönnöe cöweijäcäiñe mmaja.

1 JUAN 5:14

Cönwanno queecanö’ato chäänönge Wanaadi weichö. Töwö yoije ane’cä’cä chäwwä e’ca’a’jäcä cöwwäiñe, töwö töneeta yaawä.