JUAN 13:2 - Wanaadi A'deddu

^2-4 Yaawä odo’sha cönääwaacai Juudha Icaadiyoote tö’tajäätödö aca, ñäädä Simón nnedö, Jesuuquidiito utuudu jäcä chö’tamme’jodö wetä chäwwä. Jesuuquidiito dhowaanäcä cönä’jaacä Wanaadi jonno töweejö’jödö, Wanaadi döiña töötotoojo mmaja; dhowaanäcä cönä’ja’dea Tumö nutuudu töwwä tameedä o’jodhe töweichojo. Yaawä töwääwashinchädaawäiñe Jesuuquidiito cönammöi meesa dö’tonno. Töwoomö de’wono cunu’cai; tö’dhau’cwäcä jaañu que cönä’möi yaawä.

JUAN 13:2 Iomraidhean Croise

MATEO 10:4

Simón mmaja, ñäädä jäduujato wa’deuwödö; Juudha Icaadiyoote mmaja, ñäädä Jesuuquidiito u’nei’jödö.

DUUCA 22:3

Yaawä Caajuushawa cönääwaacai Juudha aca, ñäädä Icaadiyooteje chäätö cönä’ja’dö, ñäädä amoojadooto de’wä aaco’como jimmä.

DUUCA 22:31

Yaawä Cädhaajotoncomo cönä’döa’dea: —Amäädä Simón, Caajuushawa adhe’ca’täne ayuunacaadöcoomo wetä, tönö’nä momjödö töweiye naichöje.

JUAN 13:11

Töwö dhowaanäcä cönä’jaacä tu’nei; yääje yeijäcä yääje cönä’döaacä: “Tameedä’daane töcocca maato;” quee.

DOSECHO 5:3

Yaawä Peedhodo cönä’döaacä Aananía wwä: —Aananía, ¿aaquene Caajuushawa ätö’tajäätödö aca nä’döi chea Epíiditu Santo encu’tädo wetä äwwä anaudä’jödö eje’jödö jäcä?

2 CODINTIYO 8:16

Wanaadi cuntui Tiito wwä ajummato’como, öwö mämjummaatoodö wa’cä dea. Yääje yeijäcä Wanaadi jäcä ta’cwaiñe wäänene.

EUJEESIYO 2:3

Tameedä ñaa mmaja mädääje töweiye ñaa cönä’ja’dea. Cumjummadööcomo woije töweiye cä’ja’quene; cujuunucoomo nijummadö woije mma tönnöe cä’ja’quene, cötö’tajäätödööcomo woije mmaja. Yääje yeijäcä Wanaadi wwä töwäätä’maminchajaamoje cä’ja’quene, anejjacoomo soto naatoodöje mmaja.

APOOCADIISI 17:17

Wanaadi yääje nichö’tamme’jaato’de tumjummadö woije tödöödö wetä chäwwäiñe. Yääje yeijäcä yää dea chö’tajäätödööcomo na’de. Tönwanno nä’tuaato’de odoocojaato wwä Wanaadi a’deddu weja’dätäädö wa’cä; tösootoichomo mmaja odoocojaato wwä nu’aato’de, shootoije.