JUAN 13:14 - Wanaadi A'deddu

¹⁴ Öwö odhoowanoomaneichomooje weichaame, adheedhajootoncomooje weichaame mmaja, ä’juduucomo wichoccai; töwaacö’je änwanno choccajai maato äjimmotoncomo ’judu.

JUAN 13:14 Iomraidhean Croise

JUAN 11:2

Ñäädä Madía cönä’jaacä juu shimi’jotoojo accanei’jödö Jesuuquidiito ’judu de’cäcä, tuju’jädö que choccanei’jödö mmaja; ñäädä jiyö cädäije cönä’jaacä.

DOSECHO 20:35

Weiñäje odhoowanoomatäiñe töweiye wä’jaaquene wentumja’como i’wa’tädö jäcä ataadawaajuichomo eje’jödö que. Weiñäje ätö’tamme’jotäiñe töweiye wä’jaaquennea Cajiichaana Jesuuquidiito wa’deuwö’jödö jäcä: “Ta’cwaiñe’cä jeene ñäädä u’nei, eiñei e’jodhe’cä jeene;” quee cönä’döa’dö jäcä; quee cönä’döaacä Paudo ñanno Eujeeso ñancomo ansiyaano wwäiñe.

DOMAANO 12:10

Ä’jummatääcä töweichacoono ijummadö töweiye naichöje deaane, äwä’jummadö e’jodhe’cä aweichacoono ijummancädä, owo’nontancädäiñe mmaja.

DOMAANO 12:16

Ä’tu’de’tä’daane eichäcä änwannoje dea. O’jodhe awei’sheiñe’da eichäcääde; ema’jödööja’como jadä mmaja ääweichacoonoje eichäcä. Äwwäädäiñe mma towaanojo’ne määcanö’täi.

1 CODINTIYO 12:3

Yääje yeijäcä odhoowanääcäiñe yei’she wa Epíiditu Santo woije soto edääje ä’dö’da yeichö: “Jesuuquidiito conemjönö;” quee ä’döjai’cha. Ñäädä Cajiichaanaje Jesuuquidiito e’tänei mmaane Epíiditu Santo woije yääje nä’döa.

1 CODINTIYO 8:13

Yääje yeijäcä yää äwanshi weichacoono ema’jotoojoje yeiya’jäcä änäänä’daane eijai wa, conemjönö aca mma weichacoono waneema’jo’no.

2 CODINTIYO 10:1

Öwö Paudo dea ya’deuwa äwwäiñe, Quidiito nutuudu ta’cwaiñe weichö que, tumjunne weichö que mmaja. Edääje dhantai jääcä töwä’döe määnetääne: “Cöjaadäiñe yeichawä jäduuje’da weneene; cöjääcäiñe amoinche töweichawä mmaane jäduuje weneene;” quee jääcä töwä’döe määnetääne.

2 CODINTIYO 8:9

Odhoowanääcäiñe aashicha Cädhaajotoncomo Jesuuquidiito nödö’jödö. Tameedä töwwä yei’jödö weichaame töwö äjääcäinchädäiñe a’cato nönge cönä’döjoi, tameedä äwwäiñe töweiye yeichö wetä yaawä töwö a’cato nönge yä’döjo’jödö que.

CAADATA 5:13

Jimmä, Wanaadi adha’dejjatääne jedeeso nönge’da aweichöcoomo wetä. Yääje yeichaame mädääje aweichöcoomo ajuunucoomo nijummadö woije tödöötojooje tödööjai’cha maato. Ootowoije mmaane eichäcä, äwä’jummancädäiñe.

JIDIIPENSE 2:11

tameedä Jesuuquidiito Cajiichaanaje e’täiyetoode. Mädääje Cumöötoncomo Wanaadi aashicha wa’deutojooje eijai ña.

1 TIIMOTEO 5:10

Tacaade eijai ña aashichaato iiñö’jödö, mude’cä’cä iiñejenca’jödö jeiñe mma, aashicha soto tödöiñano womoomödö tödö’jödö jeiñe mma, quedeiyentecoomo i’wa’tä’jödö jeiñe mma, wentumja’como i’wa’tä’jödö jeiñe mma, anejja aashichaato tödö’jödö jeiñe mma.

EEWEDEO 12:2

Jesuuquidiito ene’mancädä queichäiye, ñäädä cöneecamjödööcomo äjäntänei’jödö, chäänönge tödöönei mmaja. Töwö Jesuuquidiito cuduusa jäcä cönäntunamjöi yääje töwäämadö ijöichancädä’da. Töwö dhowaanäcä cönä’jaacä töwäntunamjö’jeje ta’cwaiñe töweichojo, aashicha töweichojo mmaja. Yää ’jeje töwö cönaatajiimai Wanaadi mudei yö’tä, ämu’demjönö dö’se.

1 PEEDHODO 4:1

Jesuuquidiito sotooje töweichö yäntunamjö’jödö weijäcä änwanno mmaja yääje chö’tajä’jai maato dea, äwäntunamjödööcomo owaajo aweesomaajätöödöcoomoje mma. Ñäädä wäntunaanö’nä oneejanei conemjönö to’nomja na.

1 PEEDHODO 5:5

Chäänönge mmaja änwanno mudeeshi, adhe’jodha’como woijeiñe eichäcä. Tameedäädääne ootowoije eichäcä, o’jodhe ätö’tajä’ancädäiñe’da, Wanaadi töni’wa’tä yeijäcä ñäädä o’jodhe chö’tajä’jönö, o’jodhaato tö’tajäätödö jäcä mmaane nä’jädu’ta töwö.