JUAN 13:1 - Wanaadi A'deddu

¹ Tooni anooto mmädä a’que cönä’jaacä Weja’dätä’jä anooto comjedensiyai’chädö tödöötojo cu’nädö aca yä’dötoojo. Yaawä Jesuuquidiito dhowaanäcä cönä’jaacä chu’nädö aca yä’dödö Tumö döiña töötotoojo edä nono de’wonno. Yääje yeichaame töjaadoncomo jäcäiñe tötö’tajä’e dea cönä’jaacä, ñanno edä nono de’woncomo; ijummadööcomooje dea cönä’jaacä, tumjummaiñe cönä’ja’döje dea.

JUAN 13:1 Iomraidhean Croise

MATEO 26:45

Yaawä tönoowanoomadö döiñaiñe cönennacai chea; cönä’döaacä chäwwäiñe: —¿Wönö’näje deaane ca maato? Eneetäcä’ma chu’nädö aca yä’döaajä naadö. Soto nnedö nä’tuja eduuwa conemjönö dönnamo wwäiñe.

MATEO 28:20

Owaanomaatäcä’de tameedä äwwäiñe manaanontätäänedö tödöödö jäcä. Öwö ajaadäiñe wa’de yeichöödäje, anooto wataamedö jonaane; quee cönä’döaacä Jesuuquidiito. Amén.

DUUCA 22:53

Anooto waadäi Wanaadi weichojo taca ajaadäiñe wei’jödö weichaame yaajojo’da töweiye mä’ja’quene. Chäänönge na, äcu’nädööcomo mädä eduuwa naadö, tööjano’tacaano jäduuje yeichojo mmaja; quee cönä’döaacä Jesuuquidiito.

DUUCA 9:51

Yääje mma yaawä caju ña töötotoojo cu’nädö amoinche’da yä’döa’jäcä, Jesuuquidiito Jeduusadén ña töötädö jäcä cönä’jädu’täi.

JUAN 11:55

Yaawä amoinche’da cönä’jaacä Weja’dätä’jä anooto comjedensiyai’chädö, yää judhío we’jummato’como cu’nädö. Jooje soto cöntonto Jeduusadén ña töwaatamoichadööcomo wetä yää anootoi’chädö owaajo.

JUAN 12:23

Jesuuquidiito cönä’döaacä chäwwäiñe: —Eduuwa chu’nädö aca nä’döi Soto nnedö aashichaatoje töweichö eneejotoojo.

JUAN 13:29

Ñäädä Juudha cönä’jaacä töjöödataichomo edhaajäje ñeewaacadööcomo; yääje yeijäcä anejjacoomo cöntö’tajä’a’to äwanshi ejeema anontaatäi jeiñe mma, wentumja’como wwä jödaata u’jaatäi jeiñe mma.

JUAN 13:34

Eduuwaato waanontänä wecamma äwwäiñe: Ä’jummatääcä; änwanno mämjummaatoodöje mmaja ajimmotoncomo ijummajai maato.

JUAN 14:28

Änwanno metaato äwwäiñe ya’deuwöichö: “Öwö wöta, yää ’jeje we’a’dede adöiñaiñe”; quee wä’döannö. Äwwäiñe jumma’jäcä ta’cwaiñe meichädö Jaaja döiña öötädö eta’jäcä, Jaaja ye’jodhe yeijäcä.

JUAN 14:31

Yääje yeichaame mädä yeeja’do’tojo na, tameedä soto owaanäcäiñe yeichö wetä Jaaja tumjumma weichö, Jaaja waanontä’jödö tönnöe weichö mmaja. Ääma’tätääcä eduuwa; cöötätäiye; quee cönä’döaacä Jesuuquidiito.

JUAN 16:28

Jaaja joono we’ne edä nono de’cäi; eduuwa edä nono jonno wöta dea, Jaaja döiña mmaja; quee cönä’döaacä Jesuuquidiito.

JUAN 17:1

Yääje töwa’deuwö’jeje Jesuuquidiito Tumö wwä cöna’deuwöi, caju ña ene’mancädä. Töwö cönä’döaacä: —Jaaja, eduuwa nä’döi chu’nädö aca. Aashicha Ännedö weichö eneejocä, aashicha mmaja aweichö eneejoiyede töwö.

JUAN 17:16

Tönwanno edä nono de’woncomoojönö, öwö edä nono de’wonooje’da waadöje mmaja.

JUAN 17:26

Aweichö weneejone chäwwäiñe; eneejodööje dea wa’de, wä’jummanä ’je eiyeto, amäädä cujummaadöje mmaja, öwö dhacaiñe weichö wetä mmaja; quee cönä’döaacä Jesuuquidiito Tumö wwä töwa’deuwödaawä.

JUAN 17:5

Eduuwa, Jaaja, adöiña mmaja wennaca’jäcä, aashicha weichö eneejocä, yää dea, ajaadä weichö aashicha wä’jaaquennö dea, edä nonoodö amoode’nädö owaajodä.

JUAN 18:4

Jesuuquidiito dhowaanäcä cönä’jaacä tameedä töjääcä yeeja’do’tojo; yääje yeijäcä töwö cöntämä ñanno wwadäädäiñe; cönä’döaacä chäwwäiñe: —¿Änääcö mujiiyato? quee.

JUAN 19:28

Yää ’jeje Jesuuquidiito dhowaanäcä cönä’jaacä tameedä chäänönge töwä’döe yeichö. Yaawä Wanaadi a’deddu imennaajä wä’dödö nönge yeichö wetä töwö cönä’döaacä: —Emjätö’se wa; quee.

JUAN 2:13

Yaawä amoinche’da cönä’jaacä Weja’dätä’jä anooto, yää judhíocoomo comjedensiyai’chädö tödöötojo cu’nädö. Yääje yeijäcä Jesuuquidiito cöntämä Jeduusadén ña.

JUAN 6:4

Yaawä amoinche’da cönä’jaacä Weja’dätä’jä anooto, judhíocoomo comjedensiyai’chädö tödöötojo cu’nädö

JUAN 7:30

Yaawä ñanno judhíocoomo Jesuuquidiito ajäi’she cönä’ja’todö’je; anaajäi’chaane cöneiya’to, chu’nädö aca ä’dö’da dea yeijäcä.

JUAN 7:6

Yaawä Jesuuquidiito cönä’döaacä chäwwäiñe: —Ä’dö’da dea na wäänejootojo cu’nädö aca; änwanno mmaane äcu’nädööcomo töweiye weneene.

JUAN 8:20

Jesuuquidiito yääje cöna’deuwacä Wanaadi weichojo taca töweichö, jödaata ewöötö dö’tä. Ñanno soto anaajäi’cha cöneiya’to, chu’nädö aca ä’dö’da dea yeijäcä.

DOMAANO 8:37

Yääje yeichaame, töwäntunaanö’emööje cöweichaameiñe, to’jodheinchaane e’jodheinchajai caato ñäädä cujummaneichomo ni’wa’tädö que.

1 CODINTIYO 1:8

Töwö Wanaadi adheedai’chaato’de yaatameedö jonaane, ejääduqueejö’da aweichöcoomo wetä, anejja wwä äämentojo’da aweichöcoomo wetä yaawä Cädhaajotoncomo Jesuuquidiito we’a’jäcä.

EEWEDEO 3:14

Cönwanno Quidiito jadoncomooje caato, yaatameedö jona tödööene ejääduqueejö’da cöweiya’comjäcä cöneecamjödööcomo jäcä, yää yaajäntä’jödö jonnoto’jödöödä queecanö’täneedö.

EEWEDEO 3:6

Quidiito mmaja chäänönge na dea Wanaadi sotoi edai’chädööcomo jäcä. Yaawääne’, Wanaadi nnedööjeene töwö na, dhanoonöje mma’da. Ñanno cönwanno Wanaadi sotoi tädai’chaamo, yaatameedö jona tödööene ejääduqueejö’da cöweiya’comjäcä cöneecamjödööcomo jäcä, ta’cwaiñe cöweiya’comjäcä mmaja yää cönwomoocödööcomo jäcäinchädä.

EEWEDEO 6:11

Mädääje dea tameedä aweichonse ñaa na, yaatameedö jonaane, chäänönge äwwäiñe yä’dödö wa’cä yää onwomoocödööcomooje naadö.

1 PEEDHODO 1:13

Yääje yeijäcä ätö’tajäätödööcomo ijäädu’tätääcä; odhoowadäädäiñe eichäcä. Chäänönge yoomo’täcä Wanaadi nutuudu aashichaato, yää Jesuuquidiito wäänejoodawä äwwäiñe töwä’tueemö.

1 JUAN 4:19

Cönwanno Wanaadi quiijummaato chäwwä awa’deene cumjumma’jocoomo weijäcä.

APOOCADIISI 1:5

Jesuuquidiito nutuudu mmaja, ñäädä ecammajä’nei chäänöngato, awa’deenato töwäämaajo jonno weja’caajä, ñäädä edä nono de’woncomo cajiichaanacoomo Edhaajotoncomo. Töwö Jesuuquidiito cujummaneichomo, cöcoone’nadiiyöcoomo jonno cöcoccatääne taquiiyö que.