45 Ñäädä öwö yeenenei, neneea dea yaanontänei’jödö.
Ñäädä Isaía yääje cömmennäi Jesuuquidiito jäduudu ene’jödö weijäcä töwwä; Jesuuquidiito jäcä cöna’deuwacä.
Dhantawäiñe jooje aashichaato ännö’da wei’jo äächädääjemma choone’nadiiyöcoomo eichö. Tönwanno cöneenea’to yää önnö’jödö; yääje yeichaame quiiñeme’caato, Jaaja nichiiñeme’caato dea.
Ñäädä Iiñedö eneenei, ecaanö’nei mmaja, yeichö töwaatamemjönö töweiye na, yaanontänei’jödö woije dea; öwö wadonca’de yaawä anooto wataamedaawä; quee cönä’döaacä Jesuuquidiito.
Ñäädä Wanaadi, tawaanato que tööjato yeijonei’jödö, ñaa tö’tajäätödö cönweijoi chea, yää inweijodö que aashicha Wanaadi weichö ñaa owaanäcä yä’dödö wetä, yää Jesuuquidiito jedö jäcä naadö.
Töwö Jesuuquidiito na Wanaadi äänejöönö cu’taajäje, tameedä tödööajä naadö e’jodhaato mmaja.
Töwö Jesuuquidiito aashicha Wanaadi weichö neneeja; töwö na Wanaadi weichö nönge dea. Töwö dha’deddu jäduujato que dea tameedäädä töweiye weneene. Cöcoone’nadiiyöcoomo choccadö’jo töwö Jesuuquidiito cönaatajiimai Wanaadi mudei yö’tä caju ña, ämu’demjönö dö’se.
Cowaanäcäiñe na Wanaadi nnedö weejö’jödö. Töwö cösejje’tätääne Wanaadi chäänöngato jadoonoje cöweichöcoomo wetä. Cönwanno caato ñäädä Wanaadi chäänöngato jadoonoje, Iiñedö Jesuuquidiito jadä cöweijäcäiñe. Ñäädä ñäädä Wanaadi chäänöngato, weiñä töwaatamemjönö edhaajä.
