JUAN 12:42 - Wanaadi A'deddu

⁴² Dhantai judhíocoomo Jesuuquidiito aneecamjö’da yeichaameiñe anejjacoomo cöneecamjöicho, cajiichaanacoomo jadä’jödöödä. Tacaade’da mma cöneecamjöicho, jaadiseeo nontädööcomooje, judhío jadä töweichöcoomo jonno tu’cadööcomo queiñe.

JUAN 12:42 Iomraidhean Croise

MATEO 10:32

“Ñäädä soto netaadöcoomoje töjöiye’da yeecammajä’nei, öwö mmaja Jaaja wwä töjöiye’da wecamma’dede jaadonooje yeichö.

DUUCA 12:8

“Öwö, Soto nnedö, yääje wä’döa äwwäiñe, ñäädä soto netaadöcoomoje töjöiye’da yeecammajä’nei, öwö mmaja Wanaadi amoodedö netaadöcoomoje töjöiye’da wecamma’dede jaadonooje yeichö.

DUUCA 23:13

Yaawä Pidaato cöni’jummaicho ñanno Wanaadi wwä töwa’deuwaamo edhaajotoncomo, cajiichaanaja’como mmaja, jooje anejjacoomo soto mmaja.

DUUCA 6:22

“Ta’cwaiñe eijai maato soto wwäiñe aquiiñeme’ca’comjäcä, asancwa’comjäcä mmaja, adheetana’ta’comjäcä mmaja, conemjönööje adhe’ta’comjäcä mmaja öwö, Soto nnedö, sotoije aweichöcoomo jo’tädööje.

JUAN 11:45

Yaawä jooje judhío, ñanno Madía döiñancomo weejö’jödö, Jesuuquidiito cöneecamjöicho yääje iiñödö eneedö’jo.

JUAN 12:11

Tönwanno ema’se cönä’ja’to chääjäcäinchädä jooje judhío wwäiñe to’nomjadööcomo weijäcä Jesuuquidiito ecamjödö wetä.

JUAN 16:2

Ñanno edä nono de’woncomo ayu’caato’de töjaadäiñe aweichöcoomo jonno. Äcuude tönwanno aja’ato’de, Wanaadi wwä aashichaato töwwäiñe tödööaatäi.

JUAN 19:38

Yääje mma yaawä José Aadimaatea ñano Pidaato wwä cöne’catäi Jesuuquidiito equeejödö; Pidaato cönaadojoi chäwwä. Ñäädä José cönä’jaacä Jesuuquidiito ecaanö’nei, tacaade’daane, judhío tönnontä töweijäcä. Ñäädä cöntämä yaawä; Jesuuquidiito equeejödö cönaadäi.

JUAN 3:2

Töwö cöntämä Jesuuquidiito döiña, coijai; cönä’döaacä chäwwä: —Owaanomaanei, ñaa owaanäcä na Wanaadi nanontä’jödööje aweichö ñaa owaanomaaneije. Anejja tödööjai’cha mädä täneemö tönnöe määneneedö Wanaadi chääjadä’da yeiya’jäcä; quee cönä’döaacä Niicodheemo Jesuuquidiito wwä.

JUAN 7:13

Tönwanno tacaade’da töwa’deuwe cönä’ja’to chääjäcä, judhío nontädööcomooje.

JUAN 7:31

Jooje soto cöneecamjöicho töwö; tönwanno cönä’döa’to: —¿Äwaanacaanei we’a’jäcä jooje ene’ju’tojo tödööjai ñai, määdhä e’jodhe’cä? quee cönä’döa’to.

JUAN 9:22

Tönwanno yääje cönä’döa’to judhíocoomo nontädööje, yääje yä’dö’jocoomo weijäcä: “Anejja wwä Äwaanacaaneije Jesuuquidiito e’ta’jäcä tu’ca na’de yaawä cöjaadäiñe yeichö jonno;” quee yä’dö’jocoomo weijäcä.

JUAN 9:34

Yaawä ñanno judhío cönä’döa’to chäwwä: —¿Amäädä mmädä ñaa mowaanomannea, conemjönö acaano wennuaajä mmädä? quee cönä’döa’to. Töjaadäiñe yeichö jonno cunu’caicho yaawä.

DOSECHO 5:41

Ñanno anonta’como cöntonto yaawä täcamma’jonnamo jonnoiñe. Tönwanno ta’cwaiñe cönä’ja’to Jesuuquidiito ecamjödö jo’tädööje töwäntunamjödööcomo weijäcä, Wanaadi woije dea.

DOMAANO 10:10

Tötö’tajäätödö que ecamjödö töweiye nai, Wanaadi jadoonoje töwä’döjoodö wetä, töntadö que ’quene töneecanö’e töweichö wääcammanä nai, töwääwanaacadö wetä.

1 JUAN 4:15

Ñäädä Jesuuquidiito Wanaadi nnedööje yeichö ecammanei Wanaadi jadoono ñäädä, Wanaadi chaaca na dea töwö.

1 JUAN 4:2

Edääje ene’ju’jai maato Epíiditu Santo woijato ecammajäätödö: Ñäädä Jesuuquidiito Äwaanacaaneije yeichö ecammanei, sotooje yeejö’jödö ecammanei mmaja, Wanaadi dö’sennoto Epíiditu Santo ’jano ñäädä.