JUAN 12:23 - Wanaadi A'deddu

²³ Jesuuquidiito cönä’döaacä chäwwäiñe: —Eduuwa chu’nädö aca nä’döi Soto nnedö aashichaatoje töweichö eneejotoojo.

JUAN 12:23 Iomraidhean Croise

MATEO 25:31

“Cajiichaanaje töweichö wetä Soto nnedö we’a’jäcä, tamoodedö aashicha’como töjaadä, yaawä töwö nataajima’de tumuudei ye’wä, tawaanato töjääcä.

MATEO 26:45

Yaawä tönoowanoomadö döiñaiñe cönennacai chea; cönä’döaacä chäwwäiñe: —¿Wönö’näje deaane ca maato? Eneetäcä’ma chu’nädö aca yä’döaajä naadö. Soto nnedö nä’tuja eduuwa conemjönö dönnamo wwäiñe.

MAADOCO 14:35

Mänseedä’cä cöntämä yaawä; tu’dhe cöneemo’täi nono jo. Wanaadi wwä cöna’deuwacä; cöne’ca’acä töjääcä töweeja’dä’emö weja’do’tojo.

MAADOCO 14:41

Yääje mma yaawä aaduwaawädeeto ai Jesuuquidiito yöiñaiñe cöneejä dea; cönä’döaacä chäwwäiñe: —¿Wönö’näje deaane ca maato? Na’ñojo eduuwa; chu’nädö aca yä’döaajä mädä eduuwa. Soto nnedö nä’tuja eduuwa conemjönö dönnamo wwäiñe.

JUAN 12:16

Awa’deene Jesuuquidiito nowaanomaadö yää imennaajä äntö’tammecö’da cönä’ja’to. Jesuuquidiito wöta’jäcä caju ña yaawääne cöntö’taicho yää imennaajä Jesuuquidiito jäcä yeichö; yää weja’dätä’jödö jäcä cöntö’taicho dea.

JUAN 12:27

“Eduuwa cone’da wa yeewanö jäcä. ¿Aaquene ä’döjai wanä? Yääje ä’döjai’cha wa Jaaja wwä: “Cowontäcä mädä jääcä töweeja’dä’emö jonno;” quee ä’döjai’cha wa, mädä shinchääne we’eetö’da.

JUAN 13:1

Tooni anooto mmädä a’que cönä’jaacä Weja’dätä’jä anooto comjedensiyai’chädö tödöötojo cu’nädö aca yä’dötoojo. Yaawä Jesuuquidiito dhowaanäcä cönä’jaacä chu’nädö aca yä’dödö Tumö döiña töötotoojo edä nono de’wonno. Yääje yeichaame töjaadoncomo jäcäiñe tötö’tajä’e dea cönä’jaacä, ñanno edä nono de’woncomo; ijummadööcomooje dea cönä’jaacä, tumjummaiñe cönä’ja’döje dea.

JUAN 7:39

Töwö cöna’deuwacä Epíiditu Santo jäcä, ecaanö’nnamo wwäiñe tu’emö. Eejö’da dea cönä’jaacä ñäädä Epíiditu Santo, Jesuuquidiito tä’da dea yeijäcä caju ña.