JUAN 12:16 - Wanaadi A'deddu

¹⁶ Awa’deene Jesuuquidiito nowaanomaadö yää imennaajä äntö’tammecö’da cönä’ja’to. Jesuuquidiito wöta’jäcä caju ña yaawääne cöntö’taicho yää imennaajä Jesuuquidiito jäcä yeichö; yää weja’dätä’jödö jäcä cöntö’taicho dea.

JUAN 12:16 Iomraidhean Croise

MAADOCO 16:19

Chäwwäiñe yääje töwa’deuwödö’jo Cädhaajotoncomo Jesuuquidiito cönaatadoojoi yaawä caju ña. Wanaadi nnäcä cönaatajiimai yaawä, ämu’demjönö dö’se.

MAADOCO 9:32

Ñoowanoomadö dhowaanäcäiñe’da cönäätaacä yääje ya’deuwödö. Tönwanno tösaade cönä’ja’to, yää jäcä ecamma’jo’se’da.

DUUCA 18:34

Ääta’da cönä’jaacä chäwwäiñe yääje ya’deuwö’jödö. Dhowaanäcäiñe’da Jesuuquidiito cöna’deuwacä, etaajai’cha yeichomjäcä.

DUUCA 24:25

Yaawä Jesuuquidiito cönä’döaacä chäwwäiñe: —¿Aaquene mädä wa’cä aneene’jutu’da maato dea? Mädä wa’cä tameedä Wanaadi wa’deuwödö ecammajä’nnamo nimenno’jocoomo aneecamjö’da maato.

DUUCA 24:45

Yaawä töwö cuntui shejjedööcomo Wanaadi a’deddu imennaajä dhowaanäcäiñe yä’dötoojo.

DUUCA 9:45

Ñoowanoomadö dhowaanäcäiñe’da cönäätaacä yääje ya’deuwödö, etaatojo ’je’da yeijäcäiñe. Tösaade cönä’ja’to, Jesuuquidiito ecamma’jo’se’da yääje yä’dö’jödö jäcä.

JUAN 12:23

Jesuuquidiito cönä’döaacä chäwwäiñe: —Eduuwa chu’nädö aca nä’döi Soto nnedö aashichaatoje töweichö eneejotoojo.

JUAN 14:26

Öwö ne’catäädö woije Jaaja nanonta’de Ä’wa’täneichomo, ñäädä Epíiditu Santo. Ñäädä Epíiditu Santo odhoowanoomaato’de tameedäädä; ätö’tamme’jaato’de tameedä neecammajäätö’jödö.

JUAN 16:4

Mädä wecammajä’a äwwäiñe; yaawä chu’nädö aca yä’döa’jäcä chö’tajai maato wa’deuwö’jödö jäcä. “Awa’deene yääje a’deuwö’da wä’jaaquene äwwäiñe, ajaadäiñe weijäcä.

JUAN 17:5

Eduuwa, Jaaja, adöiña mmaja wennaca’jäcä, aashicha weichö eneejocä, yää dea, ajaadä weichö aashicha wä’jaaquennö dea, edä nonoodö amoode’nädö owaajodä.

JUAN 2:22

Äcuude’cä, töwäämaajo jonno Jesuuquidiito waadonca’jäcä, ñoowanoomadö cöntö’taicho yaawä yääje yä’dö’jödö jäcä. Tönwanno cöneecamjöicho yaawä Wanaadi a’deddu imennaajä; Jesuuquidiito wa’deuwö’jödö mmaja cöneecamjöicho dea.

JUAN 7:39

Töwö cöna’deuwacä Epíiditu Santo jäcä, ecaanö’nnamo wwäiñe tu’emö. Eejö’da dea cönä’jaacä ñäädä Epíiditu Santo, Jesuuquidiito tä’da dea yeijäcä caju ña.

DOSECHO 2:33

Töwö Jesuuquidiito caju ña cönaatannä’joi yaawä; Wanaadi nnäcä na eduuwa, ämu’demjönö dö’se. Yuumö cuntui chäwwä Epíiditu Santo, ñäädä töneecamma’jödö dea. Tameedä mädä mene’maatoodö, metaatoodö mmaja, Jesuuquidiito nutuudu woije na.

DOSECHO 2:36

“Yääje yeijäcä tameedä iisadaaediitacoomo chäänönge towaanäcäiñe tödööjai ñaato ñäädä dea Jesuuquidiito cajiichaanaje tödö’jödö yeichö Wanaadi wwä, Äwaanacaaneije mmaja, ñäädä cuduusa jäcä majoijotäänedö dea; quee cönä’döaacä Peedhodo soto wwäiñe.

DOSECHO 3:13

Wanaadiiñe mädä nödöi, ñäädä cadai’choncomo Aawadán Wanaadiyö, Isaaca Wanaadiyö dea, Jacoowo Wanaadiyö dea. Töwö Wanaadi aashicha Tönnedö weichö neneejoi äwwäiñe, ñäädä Jesuuquidiito, mu’täneedö. Yaawä u’ca’se Pidaato weichaame änwanno u’cajo’se’da mä’ja’quene.

EEWEDEO 12:2

Jesuuquidiito ene’mancädä queichäiye, ñäädä cöneecamjödööcomo äjäntänei’jödö, chäänönge tödöönei mmaja. Töwö Jesuuquidiito cuduusa jäcä cönäntunamjöi yääje töwäämadö ijöichancädä’da. Töwö dhowaanäcä cönä’jaacä töwäntunamjö’jeje ta’cwaiñe töweichojo, aashicha töweichojo mmaja. Yää ’jeje töwö cönaatajiimai Wanaadi mudei yö’tä, ämu’demjönö dö’se.

EEWEDEO 8:1

Edääje wä’dö’se weichö mädä: Cöwwäiñe töweiye na wecammaadöjaato cöjääcäinchädäiñe Wanaadi wwä töwa’deuwemö. Töwö caju ña na Wanaadi mudei yö’tä yaatajiimaajä, ämu’demjönö dö’se.