JUAN 11:55 - Wanaadi A'deddu

⁵⁵ Yaawä amoinche’da cönä’jaacä Weja’dätä’jä anooto comjedensiyai’chädö, yää judhío we’jummato’como cu’nädö. Jooje soto cöntonto Jeduusadén ña töwaatamoichadööcomo wetä yää anootoi’chädö owaajo.

JUAN 11:55 Iomraidhean Croise

MATEO 26:1

Yääje töwa’deuwödö töwä’ca’jäcä Jesuuquidiito cönä’döaacä tönoowanoomadö wwäiñe:

MATEO 26:2

—Änwanno odhoowanääcäiñe na jenammato ncadheeda yää Weja’dätä’jä anootoi’chädö jäcä tö’tajo’tojo anootoije yeichö. Yaawä öwö, Soto nnedö, wä’tuja’de cuduusa jäcä waatajoijojoodö wetä; quee cönä’döaacä Jesuuquidiito tönoowanoomadö wwäiñe.

MAADOCO 14:1

Aacä anooto mmädä a’que cönä’jaacä yaawä Weja’dätä’jä anootoi’chädö aca yä’dötoojo, yää judhío we’jummato’como cu’nädö. Yää cönä’jaacä uu ummannä’cajootojo ’jemjönö täu’tojo anootoi’chädö. Yaawä Wanaadi wwä töwa’deuwaamo edhaajotoncomo, judhío owaanomannamo mmaja, tacaade’da Jesuuquidiito ajäichö cöna’de’ta’to, emaadö wetä.

DUUCA 22:1

Yaawä amoinche’da cönä’jaacä uu ummannä’cajootojo ’jemjönö täu’tojo anootoi’chädö, yää Weja’dätä’jä anooto comjedensiyai’chädö tödöötojo.

JUAN 12:1

Tooni amoojato anooto mmädä a’que cönä’jaacä Weja’dätä’jä anooto comjedensiyai’chädö tödöötojo aca yä’dötoojo. Yaawä Jesuuquidiito cöntämä Wetaaniya ña, Dáasado jataacäi, ñäädä yäämaajo jonno tönaadonca’jödö.

JUAN 13:1

Tooni anooto mmädä a’que cönä’jaacä Weja’dätä’jä anooto comjedensiyai’chädö tödöötojo cu’nädö aca yä’dötoojo. Yaawä Jesuuquidiito dhowaanäcä cönä’jaacä chu’nädö aca yä’dödö Tumö döiña töötotoojo edä nono de’wonno. Yääje yeichaame töjaadoncomo jäcäiñe tötö’tajä’e dea cönä’jaacä, ñanno edä nono de’woncomo; ijummadööcomooje dea cönä’jaacä, tumjummaiñe cönä’ja’döje dea.

JUAN 18:28

Yaawä Caijaasa jonno Jesuuquidiito cönaadoicho acu’shänä ewöötö taca. Tööjanaacadä cönä’jaacä; ñanno Jesuuquidiito adännamo judhíocoomo omoomö’da cöneiya’to acu’shänä ewöötö taca töwaamoi’chädööcomo queiñe, Weja’dätä’jä anooto awoono amiiñä’caajä änäänä’da töweichöcoomo queiñe yaawä.

JUAN 2:13

Yaawä amoinche’da cönä’jaacä Weja’dätä’jä anooto, yää judhíocoomo comjedensiyai’chädö tödöötojo cu’nädö. Yääje yeijäcä Jesuuquidiito cöntämä Jeduusadén ña.

JUAN 2:6

Yäätä cönä’jaacä tooni amoojato tuna ewöötö, ädiiñä döaajä. Adai’jocoomo cönä’jaacä yää, canaawa adai’joto ’cäwa’cä. Tuna ewöötö yää cönä’jaacä, judhío nödöödöcoomo, ñaamoichato’como.

JUAN 5:1

Yää ’jeje Jesuuquidiito cönennacai chea Jeduusadén ña, judhíocoomo comjedensiyai’chädö tödöödö döiña.

JUAN 6:4

Yaawä amoinche’da cönä’jaacä Weja’dätä’jä anooto, judhíocoomo comjedensiyai’chädö tödöötojo cu’nädö

DOSECHO 21:24

Chääjadäiñe aamoichacä. Amäädä ejeemacä’de yaawä chääjetö, tuju’jocoomo töcaiyeto yää ’jeje. Yaawä soto dhowaanäcäiñe na’de chäänönge’da yeichö yää äjääcä töwääta weneenedö. Tönwanno dhowaanäcäiñe na’de yaawä jenaado’jo waanontänä woije tönnöe aweichö.

DOSECHO 21:26

Yaawä Paudo cönoojodöi ñanno töwaatamoichaamo jadäiñe. Yää jenamma naadöje töwö cönaatamoichai chääjadäiñe. Yää ’jeje töwö cönoomomöi Wanaadi weichojo taca, töwaamoichato’como wä’catoojo cu’nädö ecammadö wetä, yää töwaadäiñe saaquidiijiisiyo tödöötojo anooto.

DOSECHO 24:18

Yaawä waatamoichadö’jo yää tödöödöje wä’jaaquene Wanaadi weichojo taca; wanna’da soto jaadä cönä’ja’to; ewoodoicha’da mmaja wä’jaaquennea. Yaawä iiña weichö anejjacoomo judhío Aasiya ñancomo yeejodööneto.

1 CODINTIYO 11:28

Töwäätämmencaane ätämmencajai caato awa’de, cöwaadäiñe yää uu täu’cweeje, tängemö engeeje mmaja.

SANTIYAACO 4:8

Wanaadi wwadäädä ä’täcä, äwwadäädäiñe eejöiyede töwö. Änwatöötäcä änwanno conemjönö dönnamo. Ätö’tajäätödööcomo sha’duminchatääcä, änwanno aaco’como tö’tajäätödö, Wanaadi jadä edä nono de’wono ijumma’sa’como.