JUAN 11:47 - Wanaadi A'deddu

⁴⁷ Yaawä jaadiseeo cöne’jummaicho Wanaadi wwä töwa’deuwaamo edhaajotoncomo jadäiñe, äcamma’jonnamo jadäiñe mmaja. Tönwanno cönä’döa’to: —¿Aaquene tödööjai caato? Ñäädä dhanwa jooje ene’ju’tojo tönnöe weneene.

JUAN 11:47 Iomraidhean Croise

MATEO 26:3

Yaawä cöne’jummaicho Wanaadi wwä töwa’deuwaamo edhaajotoncomo, judhío owaanomannamo mmaja, inchoncomo mmaja, ñanno judhío edhaajotoncomo. Tönwanno cönä’ja’to Wanaadi wwä töwa’deuwaamo edhaajotoncomo mmai chaca, ñäädä Caijaasaje chäätö cönä’ja’dö.

MATEO 5:22

Öwö mmaane yääje wä’döa äwwäiñe: Ñäädä töweichacoono euwö’sato, nätääcamma’jaja’de. Näädä töweichacoono chiimajä’nei nätääcamma’jaja’de äcamma’jonnamo wwä. Ñäädä töweichacoono eunei wa’to nwaca töötädö nijumma.

MAADOCO 14:1

Aacä anooto mmädä a’que cönä’jaacä yaawä Weja’dätä’jä anootoi’chädö aca yä’dötoojo, yää judhío we’jummato’como cu’nädö. Yää cönä’jaacä uu ummannä’cajootojo ’jemjönö täu’tojo anootoi’chädö. Yaawä Wanaadi wwä töwa’deuwaamo edhaajotoncomo, judhío owaanomannamo mmaja, tacaade’da Jesuuquidiito ajäichö cöna’de’ta’to, emaadö wetä.

DUUCA 22:2

Yaawä Wanaadi wwä töwa’deuwaamo edhaajotoncomo, judhío owaanomannamo mmaja, a’que cunuujiya’to Jesuuquidiito emaatojo. Tönwanno soto cönnonta’to.

JUAN 11:57

Ñanno jaadiseeo, Wanaadi wwä töwa’deuwaamo edhaajotoncomo mmaja, cönä’döa’to: —Jesuuquidiito eneea’jäcä äwwäiñe ecammatantäcä’de ñaa wwä, jedeesoje ñaa tödöiye yaawä; quee.

JUAN 12:19

Yaawä jaadiseeo cönä’döa’to tönwannoje dea: —Tödöötojo ’je’da na; tameedä soto Jesuuquidiito nijummaato; quee cönä’döa’to.

JUAN 2:11

Yää cönä’jaacä awa’deeto täneemö Jesuuquidiito wwä tödöödö. Yää cönnöi Caná ña, Caadideea ñano jataawä. Yää tödöödö que töwö täjäädudu cöneenejoi; ñoowanoomadö cöneecamjöicho yaawä.

JUAN 6:2

Jooje soto cöntonto chääjadä töwwäiñe ene’jödö weijäcä ene’ju’tojo iiñö’jödö, yää cädäija’como adoncadööcomo.

JUAN 7:32

Yaawä jaadiseeo cöneeta’to Jesuuquidiito jäcä soto wa’deuwödööcomo. Yääje yeijäcä tönwanno mmaja, Wanaadi wwä töwa’deuwaamo edhaajotoncomo mmaja, waadiya cönaanontoicho Jesuuquidiito ajäiye. Ñanno waadiya cönä’ja’to Wanaadi weichojo edai’chännamo.

JUAN 7:45

Yaawä ñanno waadiya, Wanaadi weichojo edai’chännamo, cönennacaicho dea jaadiseeo döiñaiñe, Wanaadi wwä töwa’deuwaamo edhaajotoncomo döiñaiñe mmaja. Ñanno jaadiseeo Jesuuquidiito jäcä cöneecamma’joicho: —¿Ane’que’nei tajäiye ännejö’da meiyato dea? quee cönä’döa’to waadiya wwäiñe.

DOSECHO 5:21

Yää eta’jäcä ñanno anonta’como cöneeja’caicho. Jenamma naadöje tönwanno cöntonto yaawä Wanaadi weichojo taca, jenaadäne; yäätä soto cönoowanooma’to. Yaawä Wanaadi wwä töwa’deuwaamo edhaajotoncomo, chääjadoncomo mmaja, cöni’jummaicho tameedä äcamma’jonnamo, ñanno iisadaaediitacoomo ntonta’como. Yää ’jeje jedeeso ewöötö’tädö tacanno anonta’como cönne’ja’to.

DOSECHO 5:24

Yää eta’jäcä Wanaadi wwä töwa’deuwaamo edhaajotoncomo wwä, Wanaadi weichojo edai’chännamo edhaajotoncomo wwä mmaja, anejjacoomo Wanaadi wwä töwa’deuwaamo wwäiñe mmaja, tönwanno cöntö’tajä’a’to: “ ¿Aaquene töwä’döeemö mädä?” quee.