JUAN 11:44 - Wanaadi A'deddu

⁴⁴ Yaawä ñäädä yäämaajä’jödö cöneeja’cai. Dhamäädö, i’judu mmaja tömööjä’e cönä’jaacä yäämaajä iwontotoojo que. Ijeedö töwonque cönä’jaacä jaañaweeda que. Yaawä Jesuuquidiito cönä’döaacä soto wwäiñe: —Yoncatääcä eduuwa, oojoimaiye; quee.

JUAN 11:44 Iomraidhean Croise

MAADOCO 5:43

Jesuuquidiito soto wwäiñe aneecammajoojätö’da cöneiyacä yääje tönnö’jödö jäcä. Chäwwäiñe ajei’choto’jaato cöneewashinchajoi yaawä.

DUUCA 19:20

Anejja dhanoonö daja cöneejä dea yaawä; cönä’döaacä: “Cajiichaana, edä yää ajöödatai. Camiisha aca önsomaadö cönä’jaacä.

DUUCA 7:15

Yääje mma yaawä ñäädä yääma’jödö shuucu cönammöi; töwa’deuwödö cönaajäntäi. Jesuuquidiito cuntui yaawä yeenö wwä.

JUAN 10:30

Öwö mmaja, Jaaja mmaja, ñäädä dea ñaa; quee cönä’döaacä Jesuuquidiito.

JUAN 11:39

Jesuuquidiito cönä’döaacä: —Täju eseecatääcä; quee. Yaawä Maadata, ñäädä yäämaajä jaduichömjödö, cönä’döaacä: —Owaanomaanei, töcääque na töwö eduuwa; aacäichea anooto nä’döi eduuwa yääma’jödö jonno yeichö; quee cönä’döaacä.

JUAN 11:43

Yääje töwa’deuwödö’jo täta cöna’deuwöi: —Dáasado, adheeja’cacä; quee cönä’döaacä.

JUAN 19:40

Ñanno José, Niicodheemo mmaja, Jesuuquidiito equeejödö cönaiñantoicho saawana que, yää juu shimi’jotoojo ’jano que, judhío newaacadööcomo nönge dea.

JUAN 20:5

Töwö cönootommoi yaawä eneedö wetä. Saawana cöneeneaacä yäätäädä tödööajä; töwö omoomö’da cöneiyacä äwa aca.

JUAN 20:7

Jesuuquidiito ju’jä womö’jödö cöneenea’dea. Saawana jadä’da cönä’jaacä yää, töudäjeene cönä’jaacä ñongajä.

JUAN 5:21

Jaaja yä’ja’a’como tönaadonca, yeichöcoomo tunu’e. Mädääje mmaja Iiñedö tumjummadö wwäiñe tunu’e yeichöcoomo.

JUAN 5:25

Chäänönge yääje wä’döa äwwäiñe, chu’nädö aca wä’dönääje na eduuwa yä’ja’a’como nönga’como wwä etaatojo Wanaadi nnedö a’deddu. Ñanno etannamo’jödö wwäiñe töweiye na’de yeichöcoomo.

JIDIIPENSE 3:21

Töwö ninwacaama’de cäjööcomo conemjönö töwö täjö aashichaato nönge. Yää nödööa’de töjäädudu que, yää tameedä to’nä tönnöe weneenedö que dea.

APOOCADIISI 1:18

Öwö ñäädä nudooto; wääma’jödö weichaame nudä wa eduuwa yeichöödäje. Wäämanä edhaajä öwö dea, yä’ja’a’como weicho’como edhaajä mmaja.