JUAN 11:41 - Wanaadi A'deddu

⁴¹ Yaawä täju cöneesecaicho yäämaajä a’duaajä de’wonno. Caju ña ene’mancädä Jesuuquidiito cönä’döaacä: —Jaaja, ta’cwaiñe wa ya’deddu töneeta aweijäcä.

JUAN 11:41 Iomraidhean Croise

MATEO 11:25

Yääje mma yaawä Jesuuquidiito cönä’döaacä: —Ta’cwaiñe wäänene äjääcä Jaaja, amäädä caju Edhaajä, nono Edhaajä mmaja, edä anaawanaanö’ca’da awei’jödö weijäcä towaanojo’na’como wwä, töseedujä’na’como wwä mmaja. Mudeeshi’chä nönga’como wwä mmaane mawaananö’cane.

MATEO 11:26

Chäänönge na, Jaaja, mädääje tödö’se aweiyeetö’da; quee cönä’döaacä Jesuuquidiito Tumö wwä.

MATEO 27:60

Töwö täwaadöje töweiyemööjato’jödö tödööenö aca cöneewaacai yaawä, täju töncajoodö aca. Äwa nata’tajo täju adai’joto i’wodiiñacaajodö’jo cöntämä yaawä.

MAADOCO 15:46

Yääje mma yaawä töwö José saawana tajääde’dato cöneejemai. Cuduusa jäconno Jesuuquidiito equeejödö enö’ta’jäcä yää saawana que cönaiñantäi yaawä. Yää ’jeje cöneewaacai yaawä äwa aca, täju töcaajä aca. Äwa nata’tajo täju cöni’wodiiñacai yaawä, dha’dutuuje.

DUUCA 10:21

Yaawä Jesuuquidiito cöna’cwainchai Epíiditu Santo woije. Töwö cönä’döaacä: —Ta’cwaiñe wäänene äjääcä Jaaja, amäädä caju Edhaajä, nono Edhaajä mmaja, edä anaawanaanö’ca’da awei’jödö weijäcä towaanojo’na’como wwä, töseedujä’na’como wwä mmaja. Mudeeshi’chä nönga’como wwä mmaane mawaananö’cane. Chäänönge na, Jaaja, mädääje tödö’se aweiyeetö’da.

DUUCA 18:13

Ñäädä acu’shänä jödaatai i’jummanei mmaane amoinche cönä’jaacä; caju wwadäädä ene’se’da’jödö jadäädä. Tu’dhe mma cönä’jaacä. Wentumje cöna’deuwacä; cönä’döaacä: “Amäädä Wanaadi, wentumje cäneecä, öwö conemjönö tödöönei;” quee cönä’döaacä ñäädä acu’shänä jödaatai i’jummanei.

DUUCA 24:2

Töwä’döa’comjäcä täseeca täju cöneedantoicho äwa nata’tajonno.

JUAN 11:22

Yääje yeichaame yoowanääcä na Wanaadi u’jai yeichö tameedä chäwwä ane’catäädö; quee cönä’döaacä.

JUAN 17:1

Yääje töwa’deuwö’jeje Jesuuquidiito Tumö wwä cöna’deuwöi, caju ña ene’mancädä. Töwö cönä’döaacä: —Jaaja, eduuwa nä’döi chu’nädö aca. Aashicha Ännedö weichö eneejocä, aashicha mmaja aweichö eneejoiyede töwö.

JUAN 20:1

Semaana waajäntädö anootoi’chädö wawaanadaawä Madía Maacadeena cöntämä äwa döiña, tööje yeichö dea. Yaawä täseeca täju cöneedantäi äwa nata’tajonno.

DOSECHO 7:55

Yaawä töwö Eteewa cönä’jaacä Epíiditu Santo jäduudu ’je; caju ña cöneene’maacä; Wanaadi nnataadö cöneeneaacä yaawä. Jesuuquidiito mmaja cöneenea’dea jiid Wanaadi nnäcä, ämu’demjönö dö’se.

JIDIIPENSE 4:6

Ane’cä’cä jäcäinchädä mma maaquiñu’tätäi; töwa’deuwe mmaane adha’deutäcä Wanaadi wwä, tameedä ännödööcomo jäcä. Ämjummadööcomo ane’ca’täcä chäwwä, aashicha awa’deuwancädäiñe chäwwä.