JUAN 10:4 - Wanaadi A'deddu

⁴ Tameedä ija’canö’ja’comjäcä dhowaajoiñe töötä yaawä töwö. Oweeja nötaato yaawä inchäcä, dhowaanäcäiñe yeijäcä dha’deddu.

JUAN 10:4 Iomraidhean Croise

MATEO 16:24

Yaawä Jesuuquidiito cönä’döaacä tönoowanoomadö wwäiñe: —Ñäädä jaadä töwei’shato tötö’tajäätödö woije mma eijai’cha na. Töwö cone’da tödööjai’cha na öwö jääcäinchädä töwäntunamjödö, cuduusa jäcä tajoijodö jadä’jödöödä. Öwö umjummadö woije eijai ña.

JUAN 10:16

Anejja oweeja töweiye mmaja naato dea öwwä, edä cudaada acancomoojönö; tönwanno mmaja täne’emje naato dea. Tönwanno netaato’de ya’deddu; tooni mma na’de cudaada, tooni mmaja oweeja edai’chäneichomo.

JUAN 10:27

Öwö sootoi ya’deddu töneeta weneeneto, tädhaajä a’deddu oweeja töneeta töweiye naichodööje. Yoowanääcä tönwanno; tönwanno öncäcä töötä weneeneto.

JUAN 10:3

Ñäädä wwääne mönaatata edai’chänei na’duca; oweeja töneeta weneeneto töwö dha’deddu. Töwö täcöntomo oweeja töna’dejjaiñe weneeneto chäätöcoomo ai, tömja’canö’joiñe yaawä.

JUAN 10:5

Towaanojöncomo ncäcä mmaane tä’da weneeneto ñanno oweeja; töwääneje mma näänejeeaato, dhowaanäcäiñe’da yeijäcä anejja a’deddu; quee cönä’döaacä Jesuuquidiito.

JUAN 10:8

Tameedä yoowajoodä cönä’ja’todö tämeena’como ñanno, chäänöngemjöncomo mmaja. Oweeja aneeta’da cöneiya’to dha’dedducoomo.

JUAN 12:26

Ñäädä sootoije töwei’shato waanontädö woije nödö’ñojo; öwö weichö dö’tä mmaja sootoi ña’de. Ñäädä öwö woije tödöönei jäcä Jaaja nödööa’de aashichaato.

JUAN 13:15

Mädä äjääcäiñe wödöichö äwwäiñe tödööemö weneejoi, önnö’jödö nönge mmaja tödöödö wetä äwwäiñe.

JUAN 18:37

Yaawä Pidaato cönä’döaacä chäwwä: —¿Cajiichaana ca amäädä, yääje yeiya’jäcä? Jesuuquidiito cöneccujä’acä: —Ee, cajiichaana öwö, mecammaadöje. Mädääjatooje yennune; edä nono de’cäi we’ne a’deu chäänöngato ecammajä’neije. Tameedä ñanno a’deu chäänöngato woija’como ya’deddu töneeta weneeneto; quee cönä’döaacä Jesuuquidiito.

JUAN 3:29

Jötaanawä töweiye naichö naane’, ñäädä töjöötaamööne wodi yö’tä nä’döa. Ñäädä töjöötaamö weichacoono töjöötaamö a’deddu niyoomo’ca; töwö na’cwaincha yaawä ya’deuwödö etaadö’jo. Mädääje wa öwö, ta’cwaiñe wa jooje.

1 CODINTIYO 11:1

Yääje yeijäcä öwö nönge mmaja eichäcä, Jesuuquidiito nönge wääneneedöje mmaja.

EUJEESIYO 5:1

Wanaadi nönge aweichöcoomo encano’tätääcä, iiñacoomo imjummadööje aweijäcäiñe.

EEWEDEO 12:2

Jesuuquidiito ene’mancädä queichäiye, ñäädä cöneecamjödööcomo äjäntänei’jödö, chäänönge tödöönei mmaja. Töwö Jesuuquidiito cuduusa jäcä cönäntunamjöi yääje töwäämadö ijöichancädä’da. Töwö dhowaanäcä cönä’jaacä töwäntunamjö’jeje ta’cwaiñe töweichojo, aashicha töweichojo mmaja. Yää ’jeje töwö cönaatajiimai Wanaadi mudei yö’tä, ämu’demjönö dö’se.

EEWEDEO 6:20

Iiña Jesuuquidiito womongajä na, cäämadööcomo a’ducaaneije. Mädääje soto jäcäinchädäiñe Wanaadi wwä töwa’deuwemööje töwö cönä’döi, yeichöödäje töweiyemööje, Mequiisedeeque cönä’ja’döje mmaja.

1 PEEDHODO 2:21

Mädääje töweiyaamoje Wanaadi adha’dejjatääne. Jesuuquidiito mmaja cönäntunamjöi chea äjääcäinchädäiñe, aneenedööcomooje töweiyemööje, töwö yei’jödö nönge mmaja aweichöcoomo wetä.

1 PEEDHODO 4:1

Jesuuquidiito sotooje töweichö yäntunamjö’jödö weijäcä änwanno mmaja yääje chö’tajä’jai maato dea, äwäntunamjödööcomo owaajo aweesomaajätöödöcoomoje mma. Ñäädä wäntunaanö’nä oneejanei conemjönö to’nomja na.

1 PEEDHODO 5:3

Ñanno aneedai’chädööcomo edhaajotoncomo nönge aweiyancädäiñe’da edai’chätääcä, aashicha ñeenedööcomooje aweiyancädäiñeene, anöngeiñe mmaja eiyetoode yaawä.