JUAN 10:36 - Wanaadi A'deddu

³⁶ Jaaja ye’täne edä nono de’cäi töwe’emööje. Yääje yeijäcä ¿ane’que’nei cone’da Wanaadi jäcä wa’deuwödö me’taato iiñedööje wäätä’tädö weijäcä?

JUAN 10:36 Iomraidhean Croise

MATEO 27:43

Wanaadi ecaanö’nei töwö. Wanaadi wwä ijumma’jäcä, töwö newaanaca’ñojo, Wanaadi nnedööje yäätä’täätö’da; quee cönä’döa’to.

MATEO 27:54

Nono wätu’medö eneea’jäcä, tameedä yääje yeeja’dätäädö eneea’jäcä suddau edhaajotoncomo wwä, Jesuuquidiito edai’chännamo wwäiñe mmaja, tönwanno jooje cönääcatoncaicho; cönä’döa’to: —Wanaadi nnedö dämma määdhä nä’jaanä; quee cönä’döa’to.

DUUCA 1:35

Amoode cönä’döaacä: —Epíiditu Santo nä’ta’de äjääcä; O’jodhaato jäduudu aneejonta’de. Yääje yeijäcä ñäädä ännedö töwennueemö Aashichaatoje nätä’täja’de, Wanaadi nnedööje.

JUAN 10:35

Ñäädä Wanaadi ta’deddu tödönnamo wanaadija’comooje cöne’ta’to; cowaanäcäiñe na Wanaadi a’deddu imennaajä töquiiñeme’quemje’da yeichö.

JUAN 17:18

Edä nono de’cäi canontäneedöje mmaja wanontäneeto dea tönwanno, tameedä yeichö wa’cä.

JUAN 17:21

Äwwä we’ca’a äänönge chö’tajäätödööcomo weichojo, cöwö caadöje mmaja. Amäädä taaca maadö naane’, öwö mmaja ataaca; mädääje mmaja cöjaadä yeicho’como we’ca’a äwwä. Mädääje yeiya’comjäcä edä nono de’woncomo ecaanö’jai ñaato yaawä yaanontänei’jödööje aweichö.

JUAN 17:8

Öwö wowaanomaaneto äwwä yoowanooma’jödö que; tönwanno aashicha cöneeta’to. Tönwanno dhowaanäcäiñe na ojonno weejö’jödö weichö; necaanö’aato dea äwwä yaanontä’jödö.

JUAN 19:7

Judhíocoomo cöneccujä’a’to yaawä: —Ñaa wwä töweiye na waanontänä imennaajä; yää wä’dödö woije tämamje na määdhä, Wanaadi nnedööje töwäätä’tä yeijäcä.

JUAN 20:28

Yaawä Tomá cönä’döaacä: —Yeedhajä amäädä, Waanadiiyö mmaja; quee.

JUAN 20:31

Eetä naadö mma tömennä na ecamjödö wetä äwwäiñe Jesuuquidiito Äwaanacaaneije yeichö, Wanaadi nnedööje yeichö mmaja. Yaawä äwwäiñe ecaanö’a’jäcä aweichöcoomo töweiye na’de, töwö chääjäcäinchädä.

JUAN 3:17

Wanaadi Tönnedö cönaanontäi edä nono de’cäi tameedä soto ennanö’caiñe’da, ewaanacaiñeene.

JUAN 3:34

Ñäädä Wanaadi nanontädö Wanaadi a’deddu necamma; Wanaadi Epíiditu Santo nu’a chäwwä ewontancädä’da.

JUAN 5:30

“Öwö jäädudu que mma tödööjai’cha wa. Wanaadi wwä yaanontädö woije tönemmenca öwö. Chäänönge öwö nemmencadö. Öwö woije mma ännö’da wa, ñäädä Jaaja, yaanontänei’jödö woijeene.

JUAN 6:27

Äwanshi töwaatameemö cana’cadööje mma adheetadaawa’cajootäi’che; äwanshi töwaatamemjönö cana’cadööjeene adheetadaawa’cajootäcä, yää yeichöödäje aweicho’comooje. Yääjato äwanshi tunu’e öwö, Soto nnedö; ñäädä Jaaja Wanaadi cuntui öwwä yääje tödöötojo; quee cönä’döaacä Jesuuquidiito.

JUAN 6:38

Öwö caju ñanno we’ne öwö woijato tödööe’da, yaanontänei’jödö woijeene.

JUAN 6:57

Ñäädä yaanontänei’jödö wwä töweiye na do’ta; öwö töweiye wäänene töwö inchudu que. Yääje mmaja ñäädä öwö jääcuinchato, öwö untudu que yeichojo na’de.

JUAN 6:69

Ñaa maneecanö’a; ñaa owaanäcä na Äwaanacaaneije aweichö, Wanaadi nudooto nnedööje aweichö; quee cönä’döaacä Simón Peedhodo Jesuuquidiito wwä.

JUAN 8:42

Jesuuquidiito cönä’döaacä chäwwäiñe: —Wanaadi oomotoncomooje ei’jo mmaane änwanno cujummatäädö, Wanaadi döiñanno we’eetö’da. Öwö woije’da we’ne, Wanaadiiñe yaanontäne.

DOMAANO 1:4

Töwäämaajo jonno Jesuuquidiito waadoncadö que Epíiditu Santo cöneecadeeme’joi Wanaadi nnedö jäduujatooje yeichö.

DOMAANO 8:3

Yääje cödööjaiñe’da cönä’jaacä waanontänä, yää Moisé nimennä’jödö, cujuunucoomo nijummadö tämu’däneije yeijäcä. Wanaadi mmaane yääje cödöötäne Tönnedö anontädö que. Töwö Tönnedö cönaanontäi sadä. Ñäädä Iiñedö cönä’jaacä sotooje, cönwanno cönöngeiñe, conemjönö tödööjaicho mmaja. Töwö saaquidiijiisiyooje cönäämai yaawä, conemjönö coccatoojoje. Mädääje Wanaadi conemjönö cöne’jodheinchai Jesuuquidiito ai, ñäädä sotooje cönä’ja’dö ai.

DOMAANO 9:5

Ñanno iisadaaediitacoomo naato ñaa adaichö atöödöje. Ñanno atöödöje mmaja Äwaanacaanei cönennui, ñäädä Wanaadi, tameedä Ädhaajä, yeichöje aashicha wa’deutojooje naadö. Amén.

CAADATA 4:4

Yaawä chu’nädö aca yä’döa’jäcä Wanaadi Tönnedö cönaanontäi; wodi ai cönennui. Töwö cönä’jaacä judhíoje, jenaado’ja waanontänä woije.