JUAN 10:30 - Wanaadi A'deddu

³⁰ Öwö mmaja, Jaaja mmaja, ñäädä dea ñaa; quee cönä’döaacä Jesuuquidiito.

JUAN 10:30 Iomraidhean Croise

MATEO 11:27

Yääje mma yaawä Jesuuquidiito cönä’döaacä soto wwäiñe: —Jaaja cuntui öwwä cajiichaanaje weichojo. Anejja owaanäcä’da na Iiñedö; Yuumö mmaane dhowaanäcä. Yuumö owaanäcä’da mmaja; Iiñedo mmaane dhowaanäcä; ñäädä mmaja Yuumö dhowaanäcä, Iiñedö nowaanomaadö.

MATEO 28:19

Yääje yeijäcä ojoncomo. Soto owaanomaatantäcä tameedä jata weichö wa’cä. Wautisaaje tödöötäcä’de Jaaja eetö joi, Iiñedö eetö joi mmaja, Epíiditu Santo eetö joi mmaja.

JUAN 10:29

Jaaja cuntuicho öwwä, ñäädä tameedä o’jodhaato; anejja sootoi che Jaaja enwajiiñajai’cha mmaja na dea.

JUAN 10:36

Jaaja ye’täne edä nono de’cäi töwe’emööje. Yääje yeijäcä ¿ane’que’nei cone’da Wanaadi jäcä wa’deuwödö me’taato iiñedööje wäätä’tädö weijäcä?

JUAN 14:23

Jesuuquidiito cöneccujä’acä: —Ñäädä öwö jummanei ya’deddu woije nödööa; Jaaja nijumma’de ñäädä. Ñaa ne’a’de yöiña; chääjadä ñaa na’de.

JUAN 14:9

Jesuuquidiito cönä’döaacä chäwwä: —¿Numa ajaadäiñe weichaame odhoowanääcä’da dea wanä, Jediipe? Ñäädä yeenenei, töneene mmaja Jaaja. ¿Aaquene yääje mä’döaanä: “Oomo enoojocä;” quee?

JUAN 16:15

Tameedä Jaaja wwono öwwonooje mmaja na dea; yääje yeijäcä yääje wä’döaanä: Öwwono wu’a’de Epíiditu Santo wwä, yää äwwäiñe töwö neneeja’de; quee wä’döannö.

JUAN 17:10

Tameedä öwö öwwoncomo amäädä äwwoncomooje naato dea; tameedä amäädä äwwoncomo öwö öwwoncomooje naato dea. Tönwanno chaiñe täne na aashicha weichö.

JUAN 5:17

Yaawä Jesuuquidiito cönä’döaacä chäwwäiñe: —Yääje yeichaame Jaaja tönnöe dea; öwö mmaja tödöödöje dea eijai wa; quee.

JUAN 5:23

Yääje yeijäcä tameedä soto tönoiñe eneejai ñaato ñäädä Iiñedö, Yuumö nontädö wa’cä mmaja. Ñäädä Iiñedö ñontäneijönö Yuumö onnontä’da mmaja na dea, ñäädä Iiñedö anontänei’jödö.

JUAN 8:58

Jesuuquidiito cönä’döaacä: —Chäänönge yääje wä’döa, Aawadán owaajodä dea öwö wa; quee.

1 TIIMOTEO 3:16

Chäänöngato mädä adai’jä cöneecamjödööcomo weichö, yää owaanojöönö’jödö, edääje yeichö: Wanaadi sotooje cönäänejoi; Epíiditu Santo chäänönge yeichö cöneenejoi; amoode cöneenea’to. Tameedä soto wwäiñe töwö cönäätäcammai chea; tameedä yeichö wa’cä cönäätäcamjöi yaawä; caju ña cönaatadoojoi chea.

TIITO 2:13

Yääje yeijäcä ta’cwaiñe quiiyomo’cato töwö ñeecamma’jödö aashichaato weja’dätäädö, yää tawaanato töjääcä Cäwaanacaaneichomo Jesuuquidiito weejödö, Cöwaanadiiyöcoomo täneejucaato weejödö.

1 JUAN 5:20

Cowaanäcäiñe na Wanaadi nnedö weejö’jödö. Töwö cösejje’tätääne Wanaadi chäänöngato jadoonoje cöweichöcoomo wetä. Cönwanno caato ñäädä Wanaadi chäänöngato jadoonoje, Iiñedö Jesuuquidiito jadä cöweijäcäiñe. Ñäädä ñäädä Wanaadi chäänöngato, weiñä töwaatamemjönö edhaajä.

1 JUAN 5:7

Aaduwaawä naato yää ecammannamo caju ña; ñanno naato Cumöötoncomo, ñäädä A’deu mmaja, Epíiditu Santo mmaja. Tönwanno naato tooni mma.