JUAN 10:2 - Wanaadi A'deddu

² Ñäädä oweeja edai’chäneichomo mmaane mönaatata ai yoomomöödö.

JUAN 10:2 Iomraidhean Croise

MATEO 15:11

Jönaawono womongaja soto choone’majai’cha na. Mänööne, yo’tacaano weja’caajääne töncone’ma; quee cönä’döaacä Jesuuquidiito.

JUAN 10:14

“Öwö ñäädä oweeja edai’chäneichomo aashichaato. Jaaja owaanäcä wa öwö; öwö mmaja Jaaja yoowanääcä na dea. Mädääje mmaja sootoi, ñanno oweeja nönga’como; yoowanääcä naato dea, öwö dhowaanäcäiñe mmaja wa dea. Chääjäcäinchädäiñe weichö wu’a’de.

JUAN 10:7

Edääje mmaja Jesuuquidiito cönä’döa’dea chäwwäiñe: —Chäänönge yääje wä’döa äwwäiñe, öwö ñäädä mönaatata, oweeja womonto’como.

JUAN 10:9

Mönaatata öwö; ñäädä öwö yaiño womoomödö nääwanaaca’de. Töwö cudaada aca nomonga, töweeja’ca mmaja, täwanshiñö töneedantä yaawä.

DOSECHO 20:28

Äädai’chätääcä’de eduuwa. Ajimmotoncomo mmaja edai’chätääcä’dede. Epíiditu Santo ayöödötääne Cajiichaana sotoi edai’chännamooje, ñanno taquiiyö que cöneewanaacaichodö.

1 TIIMOTEO 4:14

Ema’jödööje’da tödööcä Wanaadi nutuudu äwwä naadö, yää Wanaadi woije ade’wä ansiyaano tamäädöcoomo cönnöichodaawä äwwä cönä’tuichö.

TIITO 1:5

Öwö männänne Quedeeta antadö ña cötaadawaajui acoichaneije, jata waadäi ansiyaano ewaacaneichomooje mmaja, manaanontäneedöje dea.

EEWEDEO 13:20

Wanaadi ñäädä täncanoode’da weiñä edhaajä, yäämaajo jonno Cädhaajotoncomo Jesuuquidiito adoncanei’jödö mmaja. Jesuuquidiito ñäädä Cädai’chäneichomo jäduujato, oweeja edai’chäneichomo töweiye naichöjaato. Töwö Jesuuquidiito taquiiyö que chäänönge cönnöi eduuwaato weiñä ecammaajä, yää yeichöödotooje naadö.

1 PEEDHODO 2:25

Jenaadä änwanno mä’ja’quene oweeja sadiijanga’como töweiye naichodööje. Eduuwaane adhennacaatäne Quidiito wwadäädä, ñäädä adhe’se’täneichomo, odo’tadööcomo edai’chänei mmaja.

1 PEEDHODO 5:4

Yaawä, ñäädä Ädai’chänei ñeene wääneja’jäcä, äwwäiñe nu’a’de aashichaato adheeje’jocoomoje, jemi yu’tacoi töweiye naichö nönge’da.

APOOCADIISI 1:20

Yaawä ñäädä soto nnedö nöngato cönä’döa’dea: —Edääje töwä’dö’se yeichö mädä chu’tädö meneeannö, ñanno aacä amoojato’como shidiichä yaamädö ämu’demjönö jäcä meneeantodö, aacä amoojato adhaawa a’täi meneeannö mmaja, yää oodo döaajä: Ñanno aacä amoojato’como shidiichä aacä amoojato amoode weichöcoomo cu’tädööje nä’janto, ñanno aacä amoojato ijaatadööcomo naadö quedeiyentecoomo edai’chännamo. Yää aacä amoojato adhaawa a’täi meneeannö mmaane, quedeiyentecoomo cu’tädööje nä’jaanä, ñanno aacä amoojato ijaatadööcomo naadö; quee cönä’döaacä öwwä.