JUAN 10:16 - Wanaadi A'deddu

¹⁶ Anejja oweeja töweiye mmaja naato dea öwwä, edä cudaada acancomoojönö; tönwanno mmaja täne’emje naato dea. Tönwanno netaato’de ya’deddu; tooni mma na’de cudaada, tooni mmaja oweeja edai’chäneichomo.

JUAN 10:16 Iomraidhean Croise

MATEO 17:5

Yääje ya’deutaame dea ca’dutu tawaanato cöneejä immai’chäiñe. A’deu cönäätaacä yaawä ca’dutu do’taca: —Määdhä ñäädä Önnedö umjummadö, ta’cwaiñe chääjäcä waadö. Dha’deddu etaatäcä; quee cönäätaacä a’deu.

DUUCA 15:8

“Wodi jödaatai amoojadä yeiya’jäcä, tooni yääma’jäcä yaawä, ¿tameedä yeichö wa’cä anuuji’cha ca eijai ñai, tä’sadö semeecancädä mmaja, edantädö wa’cä?

JUAN 10:11

Öwö ñäädä oweeja edai’chäneichomo aashichaato. Edai’chänei aashichaato töweichö nu’a oweeja jäcäinchädäiñe.

JUAN 10:2

Ñäädä oweeja edai’chäneichomo mmaane mönaatata ai yoomomöödö.

JUAN 10:27

Öwö sootoi ya’deddu töneeta weneeneto, tädhaajä a’deddu oweeja töneeta töweiye naichodööje. Yoowanääcä tönwanno; tönwanno öncäcä töötä weneeneto.

JUAN 10:3

Ñäädä wwääne mönaatata edai’chänei na’duca; oweeja töneeta weneeneto töwö dha’deddu. Töwö täcöntomo oweeja töna’dejjaiñe weneeneto chäätöcoomo ai, tömja’canö’joiñe yaawä.

JUAN 10:4

Tameedä ija’canö’ja’comjäcä dhowaajoiñe töötä yaawä töwö. Oweeja nötaato yaawä inchäcä, dhowaanäcäiñe yeijäcä dha’deddu.

JUAN 10:5

Towaanojöncomo ncäcä mmaane tä’da weneeneto ñanno oweeja; töwääneje mma näänejeeaato, dhowaanäcäiñe’da yeijäcä anejja a’deddu; quee cönä’döaacä Jesuuquidiito.

JUAN 11:52

Judhío jäcäinchädäiñe mma’da Jesuuquidiito wäämadö; tameedä soto jäcäinchädäiñeene, tameedä Wanaadi nnacoomo wäämecanta’como i’jummadööcomo wetä.

JUAN 17:20

“Canno jäcäiñe mma’da ya’deuwa, ñanno jäcäiñe mmajaane, canno necammajäätödööcomo etaadö’jo yeecanö’nenaamo.

JUAN 6:37

Tameedä öwwonooje Jaaja nutuudu ne’a öwwadäädä. Ñäädä öwwadoodono we’ajä änquiiñemeecö’da wa.

DOSECHO 15:14

Simón Peedhodo cöwwäiñe necammajäätöi awa’deene judhíojöncomo wentumje ene’jödö Wanaadi wwä, tösootoije töweiyaamoje ei’jocoomo mmaja chäwwä.

DOSECHO 18:10

Öwö ajaadä wa; anejja conemjönö tödööjai’cha na äjääcä. Jooje edä jataawä naato sootoi; quee cönä’döaacä Cajiichaana Jesuuquidiito Paudo wwä.

DOSECHO 22:14

Yaawä töwö cönä’döaacä öwwä: “Ñäädä cadai’choncomo Wanaadiyö jenaadä adhe’täne töwoije tödööneije aweichö wetä, ñäädä aashichaato eneedö wetä mmaja äwwä, dha’deddu etaadö wetä mmaja.

DOMAANO 11:25

Änwanno jimmä, edä owaanojöönö’jödö odhoowanääcäiñe yei’she wa, o’jodhe ätö’tajäätödööcomo queiñe: Ñanno iisadaaediitacoomo dhantai cöntäijamöicho, ñanno judhíojöncomo Wanaadi sotoije töwä’döaamo yääwanaacadööcomo wa’cä mma.

2 TEESADOONISENSE 2:13

Änwanno jimmä, Cajiichaana nijummadö, yeichöje Wanaadi wwä aashicha a’deujai ñaa na äjääcäinchädäiñe, jenaadä Wanaadi wwä töwääwanaacaamoje adhe’to’jocoomo weijäcä. Töwö Wanaadi osoomatääne Epíiditu Santo que, äwwäiñe chäänöngato ecamjödö que mmaja.

EEWEDEO 13:20

Wanaadi ñäädä täncanoode’da weiñä edhaajä, yäämaajo jonno Cädhaajotoncomo Jesuuquidiito adoncanei’jödö mmaja. Jesuuquidiito ñäädä Cädai’chäneichomo jäduujato, oweeja edai’chäneichomo töweiye naichöjaato. Töwö Jesuuquidiito taquiiyö que chäänönge cönnöi eduuwaato weiñä ecammaajä, yää yeichöödotooje naadö.

1 PEEDHODO 2:10

Jenaadä Wanaadi sotoije’da mä’ja’quene; eduuwa mmaane shootoije maato. Jenaadä anejja wentumje adheenetäiñe’da cönä’jaacä; eduuwa mmaane Wanaadi wentumje adheeneaato.

1 PEEDHODO 2:25

Jenaadä änwanno mä’ja’quene oweeja sadiijanga’como töweiye naichodööje. Eduuwaane adhennacaatäne Quidiito wwadäädä, ñäädä adhe’se’täneichomo, odo’tadööcomo edai’chänei mmaja.

1 PEEDHODO 5:4

Yaawä, ñäädä Ädai’chänei ñeene wääneja’jäcä, äwwäiñe nu’a’de aashichaato adheeje’jocoomoje, jemi yu’tacoi töweiye naichö nönge’da.

APOOCADIISI 3:20

Eneecä’ma, eetä wa öwö mönaatajo, adha’dejjadööje. Ya’deddu eta’jäcä anejja wwä, öwwä a’duca’jäcä, yoomonga’de; chääjadä wääwashincha’de; töwö mmaja jaadä nääwashincha’dede.