JUAN 10:11 - Wanaadi A'deddu

¹¹ Öwö ñäädä oweeja edai’chäneichomo aashichaato. Edai’chänei aashichaato töweichö nu’a oweeja jäcäinchädäiñe.

JUAN 10:11 Iomraidhean Croise

MATEO 20:28

Soto nnedöödä cöneejäne’, soto anontäneichomooje’da, chäwwäiñe tödööneije mmaane, töwä’tudu wetä mmaja jooje soto wääwanaacato’comooje; quee cönä’döaacä Jesuuquidiito.

JUAN 10:2

Ñäädä oweeja edai’chäneichomo mmaane mönaatata ai yoomomöödö.

JUAN 15:13

Töweichacoono junnei wäämanä yää yää wä’jummanä chäänöngato; anejja ’je’da na yää nöngato wä’jummanä e’jodhaato.

EUJEESIYO 5:2

Wä’jummanä ’je eichäcä, Quidiito cujummatäänedööje mmaja. Töwö saaquidiijiisiyooje cönä’tui cöjääcäinchädäiñe, oweeja nnedö’cä töweiye naichöje. Yää yä’tu’jödö Wanaadi wacö’je cönä’jaacä, Wanaadi wwä u’ajä caadono ijoodö töweiye naichöje.

TIITO 2:14

Töwö Jesuuquidiito töwäämaamöje cönä’tui cöjääcäinchädäiñe tameedä conemjönö jonno cäwaanacaadöcoomo wetä, cöcoccadööcomo wetä mmaja tösootoije cöweichöcoomo wetä, aashichaato tödöödö encano’tännamooje cöweichöcoomo wetä mmaja.

EEWEDEO 13:20

Wanaadi ñäädä täncanoode’da weiñä edhaajä, yäämaajo jonno Cädhaajotoncomo Jesuuquidiito adoncanei’jödö mmaja. Jesuuquidiito ñäädä Cädai’chäneichomo jäduujato, oweeja edai’chäneichomo töweiye naichöjaato. Töwö Jesuuquidiito taquiiyö que chäänönge cönnöi eduuwaato weiñä ecammaajä, yää yeichöödotooje naadö.

1 PEEDHODO 5:4

Yaawä, ñäädä Ädai’chänei ñeene wääneja’jäcä, äwwäiñe nu’a’de aashichaato adheeje’jocoomoje, jemi yu’tacoi töweiye naichö nönge’da.

1 JUAN 3:16

Cöjääcäinchädäiñe Jesuuquidiito wääma’jödö que cönwanno coowanoomatääne wä’jummanä chäänöngato jäcä. Yääje mmaja cönwanno cöweichöcoomo u’jai caato cöjimmotoncomo jäcäinchädä.

APOOCADIISI 7:17

Oweeja nnedö’cä tädai’chäneichomooje yeijäcä, ñäädä mude dö’tä naadö. Töwö nadääaato’de acuuwena judu wwadäädä, yää weichojo tuna. Wanaadi nichocca’de yaawä tameedä chäänacuuducoomo; quee cönä’döaacä inchomo öwwä.