JUAN 1:9 - Wanaadi A'deddu

⁹ Ñäädä weiyu neene, tameedä soto yeijoneichomo, edä nono de’wä wä’dönääje cönä’jaacä.

JUAN 1:9 Iomraidhean Croise

MATEO 6:23

Yaawääne’ adheenudu cone’da yeiya’jäcä, tööjano’taca ma amäädä yaawä. Yää adhaawadööjato’jödö änweijo’da yeiya’jäcä tööje äwwä eijai ña yaawä.

DUUCA 11:36

Tameedä aweichö tawaanato aca yeiya’jäcä, she’caasa tööjato ’je’da aweiya’jäcä mmaja, tawaanato aca ma’de yaawä, adhaawa niweijodö awä weiñä naichöje.

JUAN 1:4

Töwö chäwwä cönä’jaacä do’ta; yää do’ta cönä’jaacä sotoocomo weiyuuducoomoje.

JUAN 1:7

Ñäädä Juan Wautiita cöneejä weiyu jäcä ecammajä’neije, tameedä soto wwäiñe ecamjödö wetä ñeecammajäätödö etaadö’jo.

JUAN 12:46

Öwö edä nonoodö de’cäi we’ne weiyuuje, tööjano’taca’da yeecanö’nei yeichö wetä.

JUAN 14:6

Jesuuquidiito cönä’döaacä chäwwä: —Öwö ñäädä ääma neene, chäänöngato a’deu mmaja, do’ta edhaajä mmaja. Jaaja wwadäädä täjai’cha weiñä na; öwö joi mma täjai.

JUAN 15:1

Edääje Jesuuquidiito cönä’döaacä: —Öwö ñäädä chääjö, chäänöngato wejössataadö; chuu dänei nönge Jaaja na.

JUAN 6:32

Yaawä Jesuuquidiito cönä’döaacä chäwwäiñe: —Chäänönge yääje wä’döa äwwäiñe, Moiséjönööne cuntui äwwäiñe uu caju ñano; Jaajaane uu caju ñano neene nu’a äwwäiñe.

JUAN 7:12

Jooje soto cöna’deuwa’to chääjäcä. Anejjacoomo cönä’döa’to: “Aashichaato töwö;” quee; anejjacoomo ’quene cönä’döa’to: “Cone’da töwö, soto täncu’täiñe;” quee daja.

1 JUAN 1:8

Conemjönö ’je’da cöwäätä’ta’comjäcä, cöwwäädäiñe cätäncu’taato yaawä, chäänöngato ’je’da caato dea.

1 JUAN 2:8

Yääje yeichaame eduuwaato waanontänä wa’cä na dea, tööjano’taca weiñä wataamenääje yeijäcä, weiyu neene jaiñoone wawaananääje yeijäcä mmaja. Jesuuquidiito yää waanontänä wä’dödö woije töweiye weneene; änwanno mmaja yää tönnöe määnetääne dea.

1 JUAN 5:20

Cowaanäcäiñe na Wanaadi nnedö weejö’jödö. Töwö cösejje’tätääne Wanaadi chäänöngato jadoonoje cöweichöcoomo wetä. Cönwanno caato ñäädä Wanaadi chäänöngato jadoonoje, Iiñedö Jesuuquidiito jadä cöweijäcäiñe. Ñäädä ñäädä Wanaadi chäänöngato, weiñä töwaatamemjönö edhaajä.