JUAN 1:45 - Wanaadi A'deddu

⁴⁵ Yääje mma yaawä Jediipe cöntämä Nataanaeede ujiiye; cönä’döaacä chäwwä: —Ñaa cöneedantäi ñäädä Moisé chääjäcä cömmennäichö, Wanaadi wa’deuwödö ecammannamo chääjäcä cömmennoichodö mmaja; Jesuuquidiito töwö, Naasade ñano, José nnedö; quee cönä’döaacä.

JUAN 1:45 Iomraidhean Croise

MATEO 10:3

Jediipe mmaja; Waadotoodomé mmaja; Tomá mmaja, Mateo mmaja, ñäädä acu’shänä jödaatai i’jummanei’jödö; Jacoowo mmaja, Aadeujeeo nnedö; Deweo mmaja, ñäädä Tadheo täätö mmaja;

MATEO 13:55

¿Ñäädäjöönö ca määdhä, jatuuwa tödööjä’nei nne’jödööjönö? ¿Yeenö jönca Madía, dhacontomo Jacoowo, José mmaja, Simón mmaja, Juudha mmaja?

MATEO 2:23

Iiña töwä’döa’jäcä Naasade ña cöneejata’täi. Yää cöneeja’dätäi Wanaadi wa’deuwödö ecammannamo wä’dö’jocoomo nönge yeichö wetä, yää: “Naasade ñanooje Äwaanacaanei nätä’täja’de;” quee yä’dö’jocoomo naichö.

MATEO 21:11

Anejjacoomo soto cönä’döa’to yaawä: —Jesuuquidiito määdhä, Naasade ñano, yää Caadideea ñano jata. Wanaadi wa’deuwödö ecammanei töwö; quee cönä’döa’to.

MAADOCO 14:67

Peedhodo wääsunuudu edanta’jäcä töwwä, yäätäädä cöneene’maacä; cönä’döaacä chäwwä: —Amäädä mmaja Jesuuquidiito Naasade ñano jadä mä’jaaquennea; quee cönä’döaacä.

MAADOCO 6:3

¿Ñäädäjöönö ca määdhä jatuuwa döjä’nei? ¿Yeenö jönca Madía, dhacontoncomo Jacoowo, José mmaja, Juudha mmaja, Simón mmaja? ¿Tameedä jönca cöjaadäiñe naicho ijaadui’chomo? quee cönä’döa’to soto. Tönwanno cone’da cönä’ja’to chääjäcä.

DUUCA 18:37

Yäätoncomo soto cönä’döa’to chäwwä: —Jesuuquidiito Naasade ñano edä ai neja’dä’a; quee cönä’döa’to.

DUUCA 2:4

José mmaja cöntännea yaawä Naasade ñanno, Caadideea nono de’wonno. Wedén ña cöntämä, Dawí jata’jödö ña, yää Judheea ñano jataaca, Dawí atö’jödööje töweijäcä.

DUUCA 2:48

Töwwäiñe edanta’jäcä yuumö, yeenö mmaja, cönääcatoncaicho. Yeenö cönä’döaacä chäwwä: —¿Ane’que’nei mädääje ñaa mödööanä, dhanwa? A’que ñaa manuujiyaanä oomo acä. Jooje cone’da ñaa nä’jaanä; quee cönä’döaacä Madía.

DUUCA 24:27

Töwö cönaajäntäi yaawä chäwwäiñe ecammajäätödö töjääcä Wanaadi a’deddu imennaajä jäcä, Moisé nimennä’jödö jonno tameedä Wanaadi wa’deuwödö ecammannamo nimenno’jocoomo tacoicha tödööene.

DUUCA 24:44

Yaawä töwö cönä’döaacä chäwwäiñe: —Yää öwö jääcä cöneeja’dätäichö cönä’jaacä ajaadäiñe weichö töneecammajä’e wä’jaaquennö nönge dea. Öwö äwwäiñe töneecammajä’e wä’jaaquene jääcä Moisé nimennä’jödö töweeja’dä’emooje yeichö, Wanaadi wa’deuwödö ecammannamo nimenno’jocoomo töweeja’dä’emooje yeichö mmaja, Wecanta’ñotoojo jajeedai’chädö jäcä naadö mmaja; quee cönä’döaacä Jesuuquidiito.

DUUCA 3:23

Tooni sotooto de’wä amoojadä wedu cönä’jaacä Jesuuquidiito ecammajäätödö jäcä töwaajäntädaawä. Töwö cönä’jaacä José nnejaajä, ñäädä Edí nnedö.

DUUCA 4:22

Tönwanno aashicha cöna’deuwa’to chääjäcä yaawä. Yaacö’comje cönäätaacä ya’deuwödö. Tönwanno cönä’döa’to: —¿Ñäädäjöönö ca määdhä, José nne’jödööjönö?

JUAN 1:44

Ñäädä Jediipe cönä’jaacä Wesaada ñano, Peedhodo, Antedé jataawoncomo dea.

JUAN 12:21

Tönwanno cöntonto Jediipe döiña, ñäädä Wesaada ñano, Caadideea ñano jataawono. Tönwanno cönä’döa’to chäwwä: —Jesuuquidiito ene’se ñaa na; quee.

JUAN 14:8

Yaawä Jediipe cönä’döaacä chäwwä: —Cajiichaana, Oomo eneejocä ñaa wwä, täncanoode’da ñaa eiye yaawä; quee.

JUAN 18:5

Tönwanno cönä’döa’to: —Ñaa nujiiya Jesuuquidiito, Naasade ñano; quee cönä’döa’to. Jesuuquidiito cönä’döaacä chäwwäiñe: —Öwö ñäädä; quee. Juudha mmaja chääjadäiñe cönä’ja’dea, ñäädä Jesuuquidiito u’nei.

JUAN 18:7

Yaawä Jesuuquidiito cöneecamma’joicho dea: —¿Änääcö mujiiyato? quee cönä’döaacä. Tönwanno cönä’döa’to: —Ñaa nujiiya Jesuuquidiito, Naasade ñano; quee.

JUAN 19:19

Pidaato cömmennäjoi yaawä ta’de’täämö; cönaajoijojoi yaawä cuduusa jäcä. Edääje cönä’jaacä yää imennaajä: “Määdhä ñäädä Jesuuquidiito Naasade ñano, judhío Cajiichaanaichomo;” quee imennaajä cönä’jaacä.

JUAN 21:2

Tujuumä cönä’ja’to Simón Peedhodo, Tomá mmaja, ñäädä Canaacu täätö; Nataanaeede mmaja cönä’ja’dea, ñäädä Caná ñano, Caadideea ñano jataawono; Seewedheeo nnacoomo cönä’ja’to dea; aacä mmaja anejjacoomo Jesuuquidiito nowaanomaadö.

JUAN 6:42

Tönwanno cönä’döa’to: —¿Jesuuquidiitojöönö ca määdhä, José nnedö? ¿Cowaanäcäiñe jönca yuumö, yeenö mmaja? ¿Ane’que’nei caju ñanooje nätä’tannea? quee cönä’döa’to.

JUAN 6:5

Yaawä Jesuuquidiito cöneeneaacä ñanno jooja’como soto töwwadäädä yeejödööcomo. Töwö cönä’döaacä Jediipe wwä: —¿Äsha ejeemajai caato canno jooja’como uduucomo? quee cönä’döaacä Jesuuquidiito.

JUAN 6:7

Yaawä Jediipe cönä’döaacä: —Amoojadä sotooto ’cäwa’cä jödaata chääwa’cä’da dea eijai ña canno ewanshiñööcomo ejeematoojoje, shemeiñaasai ecaamotaame; quee cönä’döaacä Jediipe.

DOSECHO 10:38

Odhoowanääcäiñe mmaja Jesuuquidiito Naasade ñano wwä Wanaadi nutuudu Epíiditu Santo jäduudu. Ñäädä Jesuuquidiito, Wanaadi töjaadä yeijäcä, aashichaato tödööancädä töwäämannä’e cönä’jaacä, tameedä odo’sha wäntunamjödö adoncancädä mmaja.

DOSECHO 2:22

“Yääje yeijäcä ya’deddu etaatäcä änwanno iisadaaediitacoomo. Ñäädä Jesuuquidiito Naasade ñano cönä’jaacä dhanwa chäänöngato. Äwwäiñe Wanaadi cöneene’ju’joi yääje yeichö täneemö tödööjodö que, ene’ju’tojo tödööjodö que mmaja, aashichaato tödööjodö que mmaja, yää Wanaadi chäwwä tönnöjo cönä’ja’dö aneenedööcomooje. Änwanno odhoowanääcäiñe na yääje yeichö.

DOSECHO 22:8

Öwö wä’döaaquene yaawä: “ ¿Änääcö amäädä Cajiichaana?” quee wä’döaaquene. Yaawä töwö cönä’döaacä öwwä: “Jesuuquidiito Naasade ñano öwö, miyuunacaadö dea;” quee cönä’döaacä.

DOSECHO 26:9

“Jenaadä öwö mmaja tötö’tajä’e wä’jaaquene Jesuuquidiito Naasade ñano sotoi maminchadööcomo aashicha yeiyaatäi.

DOSECHO 3:6

Yaawä Peedhodo cönä’döaacä chäwwä: —Jödaata ’je’da öwwä na, oodo ’je’da mmaja. Yaawääne’, öwwä naadö mmaane wu’a äwwä. Jesuuquidiito Naasade ñano eetö joi edääje wä’döa äwwä: Aanöncä owoojoimadööje mma; quee cönä’döaacä Peedhodo.