JUAN 1:44 - Wanaadi A'deddu

⁴⁴ Ñäädä Jediipe cönä’jaacä Wesaada ñano, Peedhodo, Antedé jataawoncomo dea.

JUAN 1:44 Iomraidhean Croise

MATEO 10:3

Jediipe mmaja; Waadotoodomé mmaja; Tomá mmaja, Mateo mmaja, ñäädä acu’shänä jödaatai i’jummanei’jödö; Jacoowo mmaja, Aadeujeeo nnedö; Deweo mmaja, ñäädä Tadheo täätö mmaja;

MATEO 11:21

—Wentumje maato’de änwanno Coodasín ñancomo, Wesaada ñancomo mmaja. Yää täneemö aneenedööcomooje wödöönedö Tiido ña, Sidhón ña mmaja wännö’jo mmaane, jenaadä tötö’tajäätödööcomo sha’duminchadö cöneiya’to; cone’da ä’döjoodö cöneiya’to töcoone’nadiiyöcoomo jäcä.

MAADOCO 3:18

Antedé mmaja cönä’ja’dea; Jediipe mmaja; Waadotoodomé mmaja; Mateo mmaja; Tomá mmaja; Jacoowo mmaja, ñäädä Aadeujeeo nnedö; Taadheo mmaja; Simón mmaja, ñäädä jäduujato dha’deddu;

MAADOCO 6:45

Yääje mma yaawä cudiiyada awä Jesuuquidiito tönoowanoomadö cönenno’jaicho towaajo, Wesaada ña, chu’jä mänsemjona. Töwö mmaane cöno’nomjoi yäätä, soto wwäiñe wääcammanääje.

MAADOCO 8:22

Yää ’jeje Jesuuquidiito cönä’döicho Wesaada ña. Yaawä chäwwadäädä soto cönnejooto dhanwa tänuuquemjönö. Tönwanno cönaajojooja’to Jesuuquidiito wwä, ejiichö’tädö wetä.

DUUCA 10:13

“Wentumje maato’de änwanno Coodasín ñancomo, Wesaada ñancomo mmaja. Yää täneemö aneenedööcomooje wödöönedö Tiido ña, Sidhón ña mmaja wännö’jo mmaane, jenaadä tötö’tajäätödööcomo sha’duminchadö cöneiya’to; cone’da ä’döjoodö cöneiya’to töcoone’nadiiyöcoomo jäcä.

DUUCA 6:14

Ñanno cönä’ja’to Simón, ñäädä Peedhodooje cöne’täichö; dhacoono Antedé mmaja; Jacoowo mmaja; Juan mmaja; Jediipe mmaja; Waadotoodomé mmaja;

DUUCA 9:10

Ñanno anonta’como wennaca’comjäcä Jesuuquidiito wwä cöneecammajäätöicho tameedä tönnö’jocoomo. Jesuuquidiito töjaadä cönaadoicho yaawä Wesaada ña, soto ’jemjönö aca.

JUAN 1:43

Yää jenamma naadöje Jesuuquidiito töötä’se cönä’jaacä Caadideea ña. Töwö Jediipe cöneedantäi; cönä’döaacä chäwwä: —Jaadä eichä; quee.

JUAN 1:45

Yääje mma yaawä Jediipe cöntämä Nataanaeede ujiiye; cönä’döaacä chäwwä: —Ñaa cöneedantäi ñäädä Moisé chääjäcä cömmennäichö, Wanaadi wa’deuwödö ecammannamo chääjäcä cömmennoichodö mmaja; Jesuuquidiito töwö, Naasade ñano, José nnedö; quee cönä’döaacä.

JUAN 1:46

Yaawä Nataanaeede cönä’döaacä chäwwä: —Naasade ñanno mmädä aashichaato eja’cadööde’; quee. Jediipe cönä’döaacä yaawä: —Ma’che’ma, meneetaiye.

JUAN 1:48

Yaawä Nataanaeede cönä’döaacä chäwwä: —¿Aaquene odhoowanääcä wannea? Jesuuquidiito cönä’döaacä: —Öwö maneeneaanä Jediipe wwä adha’dejja’dadä, waju’nä o’nä aweichö; quee.

JUAN 12:21

Tönwanno cöntonto Jediipe döiña, ñäädä Wesaada ñano, Caadideea ñano jataawono. Tönwanno cönä’döa’to chäwwä: —Jesuuquidiito ene’se ñaa na; quee.

JUAN 12:22

Yaawä Jediipe cöntämä; cöneecammai yaawä Antedé wwä. A’nädä cöntonto yaawä Jesuuquidiito wwä ecamma.

JUAN 6:5

Yaawä Jesuuquidiito cöneeneaacä ñanno jooja’como soto töwwadäädä yeejödööcomo. Töwö cönä’döaacä Jediipe wwä: —¿Äsha ejeemajai caato canno jooja’como uduucomo? quee cönä’döaacä Jesuuquidiito.

JUAN 6:7

Yaawä Jediipe cönä’döaacä: —Amoojadä sotooto ’cäwa’cä jödaata chääwa’cä’da dea eijai ña canno ewanshiñööcomo ejeematoojoje, shemeiñaasai ecaamotaame; quee cönä’döaacä Jediipe.

DOSECHO 1:13

Yaawä jataaca töwä’döa’comjäcä taawa de’cäi cönäncuicho, yää ä’sa chaaca töwä’döa’como cönä’ja’todö döiña. Chääjadäiñe cönä’ja’to Peedhodo; Jacoowo mmaja; Juan mmaja; Antedé mmaja; Jediipe mmaja; Tomá mmaja; Waadotoodomé mmaja; Mateo mmaja; Jacoowo mmaja, ñäädä Aadeujeeo nnedö; Simón mmaja chääjadäiñe cönä’ja’dea, ñäädä jäduujato dha’deddu. Juudha mmaja cönä’ja’dea, ñäädä Jacoowo acoono.