JUAN 1:40 - Wanaadi A'deddu

⁴⁰ Tooni Juan wa’deuwödö etaanei’jödö cönä’jaacä Antedé, Simón Peedhodo acoono. Ñäädä Antedé cönä’jaacä Jesuuquidiito jadoono wötä’jödö.

JUAN 1:40 Iomraidhean Croise

MATEO 10:2

Edä yää ñanno amoojadooto de’wä aaco’como anonta’como eetöcoomo: Awa’de Simón, Peedhodooje mmaja töwö chäätö; yää ’jeje dhacoono Antedé; yää ’jeje Jacoowo, ñäädä Seewedheeo nnedö; dhacoono Juan mmaja;

DUUCA 5:1

Jeneesade cu’jäi jawä Jesuuquidiito weichö, jooje soto cönä’döicho yöiña, Wanaadi a’deddu eta’se töweijäcäiñe. Tönwanno Jesuuquidiito cönanwacö’ja’to, yeichojo ’je’da tödööene.

JUAN 1:39

Töwö cönä’döaacä chäwwäiñe: —Ma’chomo, meneetäiye; quee. Tönwanno cöntonto yaawä; chä’sadö cöneenea’to. Yää anooto cömja’do’joicho chääjadä, cho’momöödawä yeijäcä.

JUAN 2:2

Jesuuquidiito mmaja, ñoowanoomadö mmaja cönaata’dejjajoicho dea jötaanä tödöödö döiña.

JUAN 4:33

Yaawä ñoowanoomadö cönä’döa’to tönwannoje dea: —¿Anejja’da chääwanshiñö nutui? quee.

JUAN 6:8

Yaawä Antedé cöna’deuwöi; ñäädä cönä’jaacä Jesuuquidiito nowaanomaadö, Simón Peedhodo acoono. Töwö cönä’döaacä Jesuuquidiito wwä:

DOSECHO 1:13

Yaawä jataaca töwä’döa’comjäcä taawa de’cäi cönäncuicho, yää ä’sa chaaca töwä’döa’como cönä’ja’todö döiña. Chääjadäiñe cönä’ja’to Peedhodo; Jacoowo mmaja; Juan mmaja; Antedé mmaja; Jediipe mmaja; Tomá mmaja; Waadotoodomé mmaja; Mateo mmaja; Jacoowo mmaja, ñäädä Aadeujeeo nnedö; Simón mmaja chääjadäiñe cönä’ja’dea, ñäädä jäduujato dha’deddu. Juudha mmaja cönä’ja’dea, ñäädä Jacoowo acoono.