JUAN 1:4 - Wanaadi A'deddu

⁴ Töwö chäwwä cönä’jaacä do’ta; yää do’ta cönä’jaacä sotoocomo weiyuuducoomoje.

JUAN 1:4 Iomraidhean Croise

MATEO 4:16

ñanno tööjano’taca cönä’ja’todö, tawaanato joojato neneeaato’de. Ñanno töwä’ja’aamo jäcäiñe nawaana’de; quee Isaía cömmennäi.

DUUCA 2:32

Töwö na’de Wanaadi dhowaanojöncomo weiyuuducoomoje. Aashicha yeicho’como nu’a’de ñanno osootoi iisadaaediitacoomo wwäiñe; quee cönä’döaacä Simeón.

JUAN 11:25

Jesuuquidiito cönä’döaacä chäwwä: —Öwö ñäädä töwäämaajo jonno weja’canä edhaajä, do’ta edhaajä mmaja. Ñäädä yeecanö’nei, töwääma’jödö weichaame naadonca’de.

JUAN 12:35

Jesuuquidiito cönä’döaacä chäwwäiñe: —Numa’da mma ajaadäiñe weiyu weichojo na eduuwa. Äämannä’täcä weiyu ajaadäiñe naadawäädä, ätööjanto’no. Ñäädä tööjano’tacaano wäämannäjöödö towaanäcä’da naadema.

JUAN 12:46

Öwö edä nonoodö de’cäi we’ne weiyuuje, tööjano’taca’da yeecanö’nei yeichö wetä.

JUAN 14:6

Jesuuquidiito cönä’döaacä chäwwä: —Öwö ñäädä ääma neene, chäänöngato a’deu mmaja, do’ta edhaajä mmaja. Jaaja wwadäädä täjai’cha weiñä na; öwö joi mma täjai.

JUAN 3:19

Weiyu cöneejä edä nonoodö de’cäi. Soto cumjumma’to tööjato, weiyu e’jodhe’cä, cone’da tönnödööcomo weijäcä. Yääje yeijäcä ñanno aneecanö’jöncomo töwännanö’aamoje naato.

JUAN 5:21

Jaaja yä’ja’a’como tönaadonca, yeichöcoomo tunu’e. Mädääje mmaja Iiñedö tumjummadö wwäiñe tunu’e yeichöcoomo.

JUAN 5:26

Jaaja wwä töweiye do’ta u’tojo. Töwö Tönnedö wwä cuntui chea do’ta u’tojo.

JUAN 8:12

Yää ’jeje Jesuuquidiito cöna’deuwöi chea soto wwäiñe; cönä’döaacä: —Öwö ñäädä weiyu, sotoocomo yeijonei. Ñäädä jaadono wötäädö tööjano’taca ei’cha na’de; chäwwä töweiye na’de weichojo weiyu; quee cönä’döaacä.

JUAN 9:5

Edä nono de’wä weichawäädä edä nono de’woncomo yeijoneichomooje wa; quee cönä’döaacä Jesuuquidiito.

DOSECHO 26:23

Edääje töneecammajä’e ñanno cönä’ja’to: “Äwaanacaanei näntunaanö’a’de; töwö na’de awa’deenato töwäämaajo jonnoto waadoncadööje. Töwö judhío wwäiñe necammajä’a’de tawaanato aca weiñä jäcä, judhíojöönö wwäiñe mmaja;” quee töneecammajä’e cönä’ja’to ñanno Wanaadi wa’deuwödö ecammannamo; quee cönä’döaacä Paudo.

1 CODINTIYO 15:45

Edääje Wanaadi a’deddu imennaajä nä’döa: “Ñäädä Adhán, awa’deenato dhanwa cönä’ja’dö, soto nudootoje cönä’döi;” quee nä’döa. Yä’cadööjato Adhán mmaane weichojo u’neije na, ñäädä Quidiito.

EUJEESIYO 5:14

Yääje yeijäcä edääje wä’dönä nai: Ä’jäcä amäädä wetuujato; aanöncä awäämaajo jonno, Quidiito aweijoiye yaawä; quee.

CODOOSENSE 3:4

Ñäädä Quidiito cöweicho’comooje naadö we’a’jäcä, änwanno mmaja aashicha määnejaato’dede chääjadä.

1 JUAN 1:1

Ñäädä yaajäntä’jödö jonnoto’jödöödä töweiye cönä’ja’dö, ñäädä Weichojo A’deu edhaajä, ñaa necammajä’a äwwäiñe. Ñäädä wa’deuwödö töneeta ñaa cönä’jaacä; tänuudu que töneene ñaa cönä’ja’dea; töneene’ma ñaa cönä’ja’dea; tamäädö que tönaajojo ñaa cönä’ja’dea.

1 JUAN 1:2

Ñäädä Weichojo edhaajä cönäänejoi; ñaa cöneeneaacä. Yääje yeijäcä ñaa necammajä’e äwwäiñe Weichojo töwaatamemjönö edhaajä jäcä. Töwö cönä’jaacä Cumöötoncomo jadä; ñaa wwä cönäänejoi yaawä.

1 JUAN 5:11

Edä yää cöwwäiñe Wanaadi necamma’jödö: Töwö Iiñedö ecamjödö jäcäinchädä cöweichöcoomo töwaatamemjönö cönä’tui cöwwäiñe, Wanaadi nutuudu.

APOOCADIISI 22:1

Yaawä ñäädä amoode öwwä cöneenejoi weichojo tunai’chädö, Wanaadi mudei dö’tonnoto weja’cadö, Oweeja nnedö’cä mudei dö’tonnoto mmaja. Yää tuna cönä’jaacä acuuwena; ta’dawaane cönääneaacä, widiiqui töweiye naichö wa’cä.

APOOCADIISI 22:16

—Öwö Jesuuquidiito yaamodeedö wanontäne edä jäcä ecammajä’e quedeiyentecoomo wwäiñe. Öwö ñäädä cajiichaana Dawí adaichö, Dawí atöödö mmaja. Öwö ñäädä shidiichä tawaanato, yaawaanadaawoto.