JUAN 1:38 - Wanaadi A'deddu

³⁸ Jesuuquidiito cönä’jedennacai yaawä, cöneeneaacä töncäcä yeejödööcomo. Töwö cönä’döaacä chäwwäiñe: —¿Ane’cäämö mujiiyato? quee. Tönwanno cönä’döa’to: —Owaanomaanei, ¿äsha adhe’sadö nai?

JUAN 1:38 Iomraidhean Croise

DUUCA 10:39

Ñäädä acoono cönä’jaacä Madíaje chäätö. Ñäädä Madía cönaatajiimai Jesuuquidiito o’wawä, chäwwä ecammajäätödö etaadö wetä.

DUUCA 14:25

Yaawä jooje soto cönäämannä’a’to Jesuuquidiito jadä. Töwö cönä’jedennacai chäwwadäädäiñe; cönä’döaacä chäwwäiñe:

DUUCA 15:20

Cönääma’täi yaawä; tumö döiña cönennacai. “Amoinche yeichö dea yuumö cöneedantäi; wentumje cöneeneaacä. Töwö cöneeca’tömöi tönnedö wwadäädä. Ijöncäcä cönaajäi yaawä shuumadö wetä.

DUUCA 19:5

Yää ai töweeja’dätäädawä Jesuuquidiito cacäi cöneeneaacä; cönä’döaacä: —Ma’da’cä ädhä’täcä, Saqueeo, eduuwa ämmai chaca öötotoojo na; quee cönä’döaacä.

DUUCA 22:61

Yaawä Cädhaajotoncomo cönä’jedennacai Peedhodo wwadäädä; yäätäädä cöneene’maacä. Peedhodo cöntö’tai yaawä töwwä Jesuuquidiito wa’deuwö’jödö jäcä: “Edä coijaichawä dea amäädä aaduwaawäde cöjoome’da’de, wameedi wetöömödö owaajodä;” quee yä’dö’jödö jäcä.

DUUCA 8:38

Ñäädä chaacanno odo’shancomo weja’ca’jödö cönä’döaacä Jesuuquidiito wwä: —Ajaadä wötäiye; quee. Jesuuquidiito anaadä’da cöneiyacä; cönä’döaacä chäwwä:

JUAN 1:37

Ñanno aaconcomo Juan nowaanomaadö cöneeta’to yääje yä’dödö; Jesuuquidiito ncäcä cöntonto yaawä.

JUAN 1:39

Töwö cönä’döaacä chäwwäiñe: —Ma’chomo, meneetäiye; quee. Tönwanno cöntonto yaawä; chä’sadö cöneenea’to. Yää anooto cömja’do’joicho chääjadä, cho’momöödawä yeijäcä.

JUAN 1:49

Yaawä Nataanaeede cönä’döaacä: —Owaanomaanei, Wanaadi nnedö amäädä. Ñäädä amäädä iisadaaediitacoomo Cajiichaanaichomo; quee cönä’döaacä.

JUAN 12:21

Tönwanno cöntonto Jediipe döiña, ñäädä Wesaada ñano, Caadideea ñano jataawono. Tönwanno cönä’döa’to chäwwä: —Jesuuquidiito ene’se ñaa na; quee.

JUAN 18:4

Jesuuquidiito dhowaanäcä cönä’jaacä tameedä töjääcä yeeja’do’tojo; yääje yeijäcä töwö cöntämä ñanno wwadäädäiñe; cönä’döaacä chäwwäiñe: —¿Änääcö mujiiyato? quee.

JUAN 18:7

Yaawä Jesuuquidiito cöneecamma’joicho dea: —¿Änääcö mujiiyato? quee cönä’döaacä. Tönwanno cönä’döa’to: —Ñaa nujiiya Jesuuquidiito, Naasade ñano; quee.

JUAN 3:2

Töwö cöntämä Jesuuquidiito döiña, coijai; cönä’döaacä chäwwä: —Owaanomaanei, ñaa owaanäcä na Wanaadi nanontä’jödööje aweichö ñaa owaanomaaneije. Anejja tödööjai’cha mädä täneemö tönnöe määneneedö Wanaadi chääjadä’da yeiya’jäcä; quee cönä’döaacä Niicodheemo Jesuuquidiito wwä.

JUAN 3:26

Tönwanno cöntonto yaawä Juan döiña; cönä’döa’to chäwwä: —Owaanomaanei, ñäädä Joodadán mänsemjo ajaadä cönä’ja’dö, ñäädä mecammajä’aquennö, wautisaaje soto tödöödöcoomoje na. Tameedä soto chäwwadäädä nötaato; quee cönä’döa’to.

JUAN 4:31

Soto ä’dö’dadooto ñoowanoomadö cönä’döa’to Jesuuquidiito wwä: —Ääwashinchäcä Owaanomaanei.

JUAN 6:25

Yääje mma yaawä mänsemjona töwä’döa’comjäcä Jesuuquidiito cöneedantoicho. Tönwanno cöneecamma’joicho: —Owaanomaanei, ¿ächännauwä’cä me’ne dea sadä? quee cönä’döa’to.

DOSECHO 10:21

Peedhodo cönä’täi yaawä Conneediyo nenno’jadö döiñaiñe; cönä’döaacä chäwwäiñe: —Öwö ñäädä mujiiyatoodö. ¿Ane’cä döe me’to? quee cönä’döaacä.

DOSECHO 10:29

Yääje yeijäcä, äwwäiñe ya’dejja’jäcä wäämu’däjä’ancädä’da sadä we’ne. Edääje adheecamma’jo’seiñe wa eduuwa: ¿Ane’que’nei cäne’joto sadä? quee cönä’döaacä Peedhodo.