JUAN 1:19 - Wanaadi A'deddu

¹⁹ Yaawä judhío Jeduusadén ñancomo tanoonöcoomoje cönaanontoicho Wanaadi wwä töwa’deuwaamo; dewiitacoomo mmaja cönaanontoicho dea, Juan ecamma’jo. Ñanno Juan cöneecamma’joicho: —¿Änääcö amäädä? quee cönä’döa’to. Yaawä sa’donna Juan cönääcammai,

JUAN 1:19 Iomraidhean Croise

JUAN 1:7

Ñäädä Juan Wautiita cöneejä weiyu jäcä ecammajä’neije, tameedä soto wwäiñe ecamjödö wetä ñeecammajäätödö etaadö’jo.

JUAN 10:24

Judhío chäwwadäädä cöntonto yaawä; cönä’döa’to chäwwä: —¿Ächännauwä’coto mädä ñaa wwä ääcamma’da maadö? Äwaanacaaneije aweiya’jäcä tooniye ääcammacä; quee cönä’döa’to.

JUAN 10:31

Yää ’jeje yaawä judhío täju cönannä’jätöicho Jesuuquidiito töwääjätöödö wetä.

JUAN 11:19

Yääje yeijäcä jooje judhío Jeduusadén ñancomo cöntonto Wetaaniya ña, Maadata, Madía döiñaiñe, ya’dädööcomo wetä ijiiyötoncomo wääma’jödö jäcä.

JUAN 2:18

Yaawä judhíocoomo cönä’döa’to Jesuuquidiito wwä: —¿Ane’cäämö täneemöje tödööjai manä ñaa neneedöje, ñaa owaanäcä yeichö wetä mädä tödöötojo ’je aweichö?

JUAN 2:20

Yaawä judhíocoomo cönä’döa’to: —Aacä sotooto de’wä tooni amoojato wedu dajaane cönä’ja’to edä Wanaadi weichojo amäädöje. ¿Amäädä amääjai ätö’taanä aaduwaawä anooto mma? quee cönä’döa’to Jesuuquidiito wwä.

JUAN 5:10

Yääje yeijäcä judhíocoomo cönä’döa’to ñäädä cädäijato’jödö wwä: —Wäädeetatoojo anooto dajaane mädä eduuwa; adhe’wötö adääjai’cha ma.

JUAN 5:15

Ñäädä dhanwa cöntämä; judhíocoomo wwäiñe cöneecammai yaawä Jesuuquidiito tadoncanei’jödööje yeichö.

JUAN 5:16

Yääje yeijäcä judhíocoomo yuunaca’se töweiye cönä’ja’to Jesuuquidiito. Tönwanno ema’se cönä’ja’to yää tönnöe yeijäcä wäädeetatoojo anooto awä.

JUAN 5:18

Yääje yeijäcä judhíocoomo jooje’cä jeene Jesuuquidiito ema’se cönä’ja’to, wäädeetatoojo anooto awä tödööemjönö tönnöe yeijäcä, Wanaadi wa’cotooje töwäätä’tä yeijäcä mmaja iiñedööje töwäätä’tädö que.

JUAN 6:41

Yaawä judhíocoomo chääjäcä cönenta’me’ca’to, yääje yä’dö’jödö weijäcä: “Öwö ñäädä uu caju ñano we’ajä;” quee yä’dö’jödö weijäcä.

JUAN 6:52

Yaawä judhíocoomo tönwannoje dea cöna’deuwa’to: —¿Aaquene mmaja tujuunu cöwwäiñe äntudu deaade’ tänäädö wetä cöwwäiñe? quee cönä’döa’to.

JUAN 7:1

Yää ’jeje Jesuuquidiito cönäämannä’acä Caadideea chäcä. Judheea chäcä töwäämannäjö’se’da cönä’jaacä judhíocoomo täma’se yeichomjäcä.

JUAN 7:11

Comjedensiya dödaawä judhíocoomo Jesuuquidiito cunuujiya’to. Tönwanno cönä’döa’to: —¿Äsha ñäädä nai? quee.

JUAN 7:15

Ya’deuwödö etaadö’jo judhío cöneeta’jöjäätöicho; cönä’döa’to: —¿Aaquene mädä wa’cä towaanojo’ne määdhä nai, töwö oowanooma’da töwei’jödö weichaame? quee cönä’döa’to.

JUAN 8:22

Yaawä tönwannoje dea judhíocoomo cönä’döa’to: —¿Töwoije mmädä’da äämatai’che? ¿Ane’que’nei yääje nä’döaanä: “Öwö öötotoojo döiña täjai’cha maato;” quee?

JUAN 8:48

Yaawä judhío cönä’döa’to Jesuuquidiito wwä: —Chäänönge dämma samaaditaanoje adhe’tätä ñaa weneene, odo’sha ’janooje mmaja; quee cönä’döa’to.

JUAN 8:52

Yaawä ñanno judhíocoomo cönä’döa’to chäwwä: —Eduuwa ñaa owaanäcä na odo’sha ’je aweichö. Aawadán töwääma na, tameedä Wanaadi wa’deuwödö ecammannamo’jödö mmaja; yääje yeichaame yääje mä’döaanä: “Ya’deddu woije tödöönei ääma’da na’de;” quee.

JUAN 8:57

Yaawä judhíocoomo cönä’döa’to: —Aacä sotooto de’wä amoojadä weduuto ejoodöjai’cha dea ma amäädä. ¿Aaquene Aawadán maneenedö deaade’ ?

DOSECHO 13:25

Yaawä äämajai töwä’döa’jäcä edääje daja Juan cönä’döa’dea: “Ñäädäjöönö öwö, cäcaanö’atoodöjöönö. Öncäcä anejja dhanwa na’de; shaajatui u’caneije jadä’jödöödä eijai’cha wa, ye’jodhe töwö yeijäcä;” quee cönä’döaacä Juan.

DOSECHO 19:4

Yaawä Paudo cönä’döaacä chäwwäiñe: —Juan Wautiita wautisaaje soto tönnöeiñe cönä’jaacä chö’tajäätödööcomo tösa’dumincha yeichö ene’ju’tojooje mma. Töwö töwä’döe cönä’jaacä: “Ecaanö’täcä’de ñäädä öncäcä ne’aadö;” quee töwä’döe cönä’jaacä Juan Wautiita, Jesuuquidiito ecammancädä, ñäädä Äwaanacaanei; quee cönä’döaacä Paudo chäwwäiñe.

1 JUAN 1:5

Edä yää wätunnä Jesuuquidiito wwä ñaa neta’jödö; äwwäiñe ñaa necamma eduuwa: Wanaadi ñäädä tawaanato jaiñoone; tööjato ’je’da töwö.