JUAN 1:14 - Wanaadi A'deddu

¹⁴ Ñäädä A’deu sotooje cönä’döi. Töwö cöneejata’täi ñaa antawä. Aashichaato cönä’jaacä töwö, chäänöngato mmaja. Ñaa cöneeneaacä aashicha yeichö, yää yäätonno ’jemjönö Yuumö nnedö wwä töweiye naichö.

JUAN 1:14 Iomraidhean Croise

MATEO 1:16

Jacoowo nnedö cönä’jaacä José. Ñäädä José cönä’jaacä Madía ño, Jesuuquidiito dhenö ño, ñäädä Äwaanacaaneije tä’täämö.

DUUCA 2:11

Eduuwa Adheewanaacaneichomo nennui, Dawí jataacäi’jödö, ñäädä Quidiito, Cajiichaana.

DUUCA 2:7

Cönnennui yaawä iiñedö awa’deenato, dhanwa’cä. Madía cönaiñantäi yaawä camiisha que. Cunummichai yaawä jaaca uduucomo ewöötö aca, yeicho’como ’je’da yeijäcä soto wä’döto’como taca.

DUUCA 9:32

Peedhodo, ijimmä mmaja, wetuuje töweichaameiñe, öncö’da cönä’ja’to; Jesuuquidiito nnataadö cöneenea’to yaawä, ñanno aaco’como dhanwaacomo chääjadä cönä’ja’todö nnataadö mmaja.

JUAN 1:1

Awa’deene cönä’jaacä A’deu. Ñäädä A’deu cönä’jaacä Wanaadi jadä; Wanaadi chea töwö cönä’jaacä.

JUAN 11:40

Yaawä Jesuuquidiito cönä’döaacä chäwwä: —¿Yääje jönca wä’döaanä äwwä, ecaanö’a’jäcä äwwä Wanaadi jäduudu meneea’de; quee jönca wä’döaanä? quee cönä’döaacä Jesuuquidiito.

JUAN 14:6

Jesuuquidiito cönä’döaacä chäwwä: —Öwö ñäädä ääma neene, chäänöngato a’deu mmaja, do’ta edhaajä mmaja. Jaaja wwadäädä täjai’cha weiñä na; öwö joi mma täjai.

JUAN 14:9

Jesuuquidiito cönä’döaacä chäwwä: —¿Numa ajaadäiñe weichaame odhoowanääcä’da dea wanä, Jediipe? Ñäädä yeenenei, töneene mmaja Jaaja. ¿Aaquene yääje mä’döaanä: “Oomo enoojocä;” quee?

JUAN 17:22

Yää aashichaato öwwä mu’nedö chäwwäiñe wu’ne dea, tooni mma chö’tajäätödööcomo yeichö wetä, cöwö caadöje mmaja.

JUAN 17:24

“Jaaja, canno öwwä mu’netoodö öwö weichojo dö’tä mmaja yei’sheiñe waato, o’jodhe weichö eneiyeto yaawä, yää äwwä jummadö weijäcä öwwä mu’nedö edä nono tödöödö owaajodä.

JUAN 18:37

Yaawä Pidaato cönä’döaacä chäwwä: —¿Cajiichaana ca amäädä, yääje yeiya’jäcä? Jesuuquidiito cöneccujä’acä: —Ee, cajiichaana öwö, mecammaadöje. Mädääjatooje yennune; edä nono de’cäi we’ne a’deu chäänöngato ecammajä’neije. Tameedä ñanno a’deu chäänöngato woija’como ya’deddu töneeta weneeneto; quee cönä’döaacä Jesuuquidiito.

JUAN 2:11

Yää cönä’jaacä awa’deeto täneemö Jesuuquidiito wwä tödöödö. Yää cönnöi Caná ña, Caadideea ñano jataawä. Yää tödöödö que töwö täjäädudu cöneenejoi; ñoowanoomadö cöneecamjöicho yaawä.

JUAN 3:16

“Wanaadi tameedä soto cumjumma’to jooje, chääjäcäinchädäiñe Tönnedö yäätonno ’jemjönö tu’ene’jödöödä. Iiñedö ecaanö’nei ännamjö’da na’de, yeichö töwaatamemjönö töweiye na.

JUAN 3:18

“Ñäädä ecaanö’nei töwännanö’emööje’da na. Ñäädä aneecanö’jönö mmaane töwännanö’emööje na, aneecamjö’da yeijäcä Wanaadi nnedö yäätonno ’jemjönö.

JUAN 6:51

Öwö ñäädä uu neene, caju ñano we’ajä. Ñäädä edä täu’nei yeichöje töweiye na’de. Öwö yeejö wu’a’de tameedä soto weicho’comooje; quee cönä’döaacä Jesuuquidiito chäwwäiñe.

JUAN 8:32

Änwanno odhoowanääcäiñe na’de a’deu chäänöngato; yää a’deu chäänöngato tanontaamoje aweichöcoomo jonno ayu’caato’de; quee cönä’döaacä Jesuuquidiito.

DOSECHO 13:33

Cönwanno caato ñanno atöödöje. Töwö Wanaadi yäämaajo jonno Jesuuquidiito adoncadö que chäänönge cönnöi cöwwäiñe töneecamma’jödö. Aacoto saadomo jäcä yääje nä’döa: “Önnedö amäädä; edä anooto awä aweichö wutui;” quee nä’döa yää wecanta’ñotoojo jäcä.

DOMAANO 8:3

Yääje cödööjaiñe’da cönä’jaacä waanontänä, yää Moisé nimennä’jödö, cujuunucoomo nijummadö tämu’däneije yeijäcä. Wanaadi mmaane yääje cödöötäne Tönnedö anontädö que. Töwö Tönnedö cönaanontäi sadä. Ñäädä Iiñedö cönä’jaacä sotooje, cönwanno cönöngeiñe, conemjönö tödööjaicho mmaja. Töwö saaquidiijiisiyooje cönäämai yaawä, conemjönö coccatoojoje. Mädääje Wanaadi conemjönö cöne’jodheinchai Jesuuquidiito ai, ñäädä sotooje cönä’ja’dö ai.

DOMAANO 9:5

Ñanno iisadaaediitacoomo naato ñaa adaichö atöödöje. Ñanno atöödöje mmaja Äwaanacaanei cönennui, ñäädä Wanaadi, tameedä Ädhaajä, yeichöje aashicha wa’deutojooje naadö. Amén.

1 CODINTIYO 15:47

Awa’deenato dhanwa cönä’jaacä edä nono de’wonooje, nono döaajä. Yää ’jejaato dhanwa mmaane caju ñanooje na, ñäädä Cajiichaana Jesuuquidiito.

2 CODINTIYO 12:9

edääje mma töwö cönä’döaacä öwwä: “Öwwä ä’wa’tädö mma chääwa’cä äwwä na; untudu soto jäduudu jooje’cä nääneja jäduuje’da soto weichawä;” quee mma Cajiichaana Jesuuquidiito cönä’döaacä öwwä. Yääje yeijäcä waacö’je mma na jäduuje’da weichö, Quidiito jäduudu jääcä yeejamö’se weijäcä.

CAADATA 4:4

Yaawä chu’nädö aca yä’döa’jäcä Wanaadi Tönnedö cönaanontäi; wodi ai cönennui. Töwö cönä’jaacä judhíoje, jenaado’ja waanontänä woije.

EUJEESIYO 3:8

Tameedä Wanaadi sotoi o’näiñe wa; yääje yeichaame Wanaadi mädä taadawaajui cuntui öwwä, judhíojöncomo wwäiñe ecammajäätödö wetä öwwä Quidiito nödöödö aashichaato, yäätonno ’jemjönö.

CODOOSENSE 1:19

Wanaadi woije dea tameedä Wanaadi weichö Quidiito wwä na.

CODOOSENSE 2:3

Quidiito ñäädä tameedä sejje edhaajä, towaanojo’ne weiñä edhaajä mmaja.

CODOOSENSE 2:9

Quidiito wwääne na tameedä Wanaadi weichö.

1 TIIMOTEO 3:16

Chäänöngato mädä adai’jä cöneecamjödööcomo weichö, yää owaanojöönö’jödö, edääje yeichö: Wanaadi sotooje cönäänejoi; Epíiditu Santo chäänönge yeichö cöneenejoi; amoode cöneenea’to. Tameedä soto wwäiñe töwö cönäätäcammai chea; tameedä yeichö wa’cä cönäätäcamjöi yaawä; caju ña cönaatadoojoi chea.

EEWEDEO 1:3

Töwö Jesuuquidiito aashicha Wanaadi weichö neneeja; töwö na Wanaadi weichö nönge dea. Töwö dha’deddu jäduujato que dea tameedäädä töweiye weneene. Cöcoone’nadiiyöcoomo choccadö’jo töwö Jesuuquidiito cönaatajiimai Wanaadi mudei yö’tä caju ña, ämu’demjönö dö’se.

EEWEDEO 1:5

Amoode wwä’da edääje Wanaadi cönä’döaacä: Önnedö amäädä; eduuwa aweichö wutui; quee. Amoode wwä’da mmaja edääje Wanaadi cönä’döa’dea: Öwö wa’de yuumöje, töwö önnedööje na’de; quee.

EEWEDEO 10:5

Yääje yeijäcä edä nonoodö de’cäi töweejödaawä edääje Jesuuquidiito cönä’döaacä Wanaadi wwä: Amäädä saaquidiijiisiyo ämjumma’da ma, odoocojaato amiiñä’caajä utuudu ämjumma’da mmaja. Yääje yeijäcä yeejö mamoode’näne.

EEWEDEO 2:11

Ñanno shooma’como, shoomaneichomo’jödö mmaja, ñäädä dea Yuumötoncomooje na. Yääje yeijäcä töwö Jesuuquidiito, ñäädä Wanaadi nnedö, ijöichöje’da na töjimmäje ñanno e’tädööcomo.

EEWEDEO 5:5

Yääje mmaja Quidiito cönä’jaacä; töwoije mmädä’da töwö cönääwaacai Wanaadi wwono wa’deuwödööje, Wanaadi woije deaane. Edääje Wanaadi cönä’döaacä Jesuuquidiito wwä: Önnedö amäädä; eduuwa aweichö wutui; quee.

1 JUAN 4:14

Ñaa cöneeneaacä Cumöötoncomo nanontä’jödö, ñäädä Iiñedö, edä nono de’woncomo ewaanacaaneichomooje cönaanontäichö. Ñäädä töneene’jödö töneecammajä’e ñaa weneene.

1 JUAN 4:9

Edä nono de’wä Tönnedö tooniyaano anontädö que Wanaadi cöwwäiñe cöneenejoi töwwä cujummadööcomo. Töwö Tönnedö cönaanontäi cöweichöcoomo u’neije.

2 JUAN 1:7

Jooje äncu’tännamo naato edä nono de’wä, Jesuuquidiito sotooje yeejö’jödö ijoome’dännamo. Ñäädä yääjato wä’dödö äncu’tänei ñäädä, Quidiito tu’de’tänei.

APOOCADIISI 19:13

Yoomö cönä’jaacä munu que töjööe. Töwö chäätö na Wanaadi A’dedduje.

APOOCADIISI 21:3

Caju ña a’deu wetaaquene yaawä. Jooje cönäätaacä; cönä’döaacä: —Eneecä’ma, soto jadäiñe Wanaadi weichojo na eduuwa. Töwö nejaata’ta’de chääjadäiñe; tönwanno naato’de shootoije. Töwö dea na’de chääjadäiñe, Yaanadiiyöcoomoje.