JUAN 1:1 - Wanaadi A'deddu

¹ Awa’deene cönä’jaacä A’deu. Ñäädä A’deu cönä’jaacä Wanaadi jadä; Wanaadi chea töwö cönä’jaacä.

JUAN 1:1 Iomraidhean Croise

MATEO 1:23

Dhanwa acä eijönö niwensu’ta’de; iiñedo nennua’de; Emanweedaje nätä’täja’de; quee cöneecammaichö. Wanaadi cöjaadäiñe na; quee töwä’dö’se yeichö mädä Emanweeda, quee naadö.

DUUCA 24:53

Wanaadi weichojo taca töweiye cönä’ja’to Wanaadi wwä aashicha wa’deunäje. Amén.

JUAN 1:14

Ñäädä A’deu sotooje cönä’döi. Töwö cöneejata’täi ñaa antawä. Aashichaato cönä’jaacä töwö, chäänöngato mmaja. Ñaa cöneeneaacä aashicha yeichö, yää yäätonno ’jemjönö Yuumö nnedö wwä töweiye naichö.

JUAN 1:18

A’que Wanaadi eneenei ’je’da na, töwäädä ñäädä yäätonno ’jemjönö Iiñedö cöwwäiñe cöneecammajäätöiñe’, ñäädä Yuumö nijummadö.

JUAN 1:2

Töwö cönä’jaacä awa’deene Wanaadi jadä.

JUAN 16:28

Jaaja joono we’ne edä nono de’cäi; eduuwa edä nono jonno wöta dea, Jaaja döiña mmaja; quee cönä’döaacä Jesuuquidiito.

JUAN 17:5

Eduuwa, Jaaja, adöiña mmaja wennaca’jäcä, aashicha weichö eneejocä, yää dea, ajaadä weichö aashicha wä’jaaquennö dea, edä nonoodö amoode’nädö owaajodä.

JUAN 20:28

Yaawä Tomá cönä’döaacä: —Yeedhajä amäädä, Waanadiiyö mmaja; quee.

JUAN 8:58

Jesuuquidiito cönä’döaacä: —Chäänönge yääje wä’döa, Aawadán owaajodä dea öwö wa; quee.

DOMAANO 9:5

Ñanno iisadaaediitacoomo naato ñaa adaichö atöödöje. Ñanno atöödöje mmaja Äwaanacaanei cönennui, ñäädä Wanaadi, tameedä Ädhaajä, yeichöje aashicha wa’deutojooje naadö. Amén.

EUJEESIYO 3:9

Wanaadi yaanontäne tameedä soto wwäiñe ecaademeecödö wetä töwwä tödöötojo yää owaanojöönö’jödö. Yää owaanojöönö’jödö numa tacaade’da cönä’jaacä, Wanaadi woije dea, ñäädä tameedä tödöönei’jödö.

JIDIIPENSE 2:6

Töwö cönä’ja’dö naane’, Wanaadije töweichaame Wanaadi wa’cä mmaja töweichö to’nomjamje’da ane’tä’da cöneiyacä.

CODOOSENSE 1:15

Töwö Jesuuquidiito na Wanaadi äänejöönö cu’taajäje, tameedä tödööajä naadö e’jodhaato mmaja.

CODOOSENSE 1:17

Töwö Quidiito cönä’jaacä tameedä tödööajä naadö owaajodä; töwö yoije tameedä töweiye weneene.

1 TIIMOTEO 3:16

Chäänöngato mädä adai’jä cöneecamjödööcomo weichö, yää owaanojöönö’jödö, edääje yeichö: Wanaadi sotooje cönäänejoi; Epíiditu Santo chäänönge yeichö cöneenejoi; amoode cöneenea’to. Tameedä soto wwäiñe töwö cönäätäcammai chea; tameedä yeichö wa’cä cönäätäcamjöi yaawä; caju ña cönaatadoojoi chea.

TIITO 2:13

Yääje yeijäcä ta’cwaiñe quiiyomo’cato töwö ñeecamma’jödö aashichaato weja’dätäädö, yää tawaanato töjääcä Cäwaanacaaneichomo Jesuuquidiito weejödö, Cöwaanadiiyöcoomo täneejucaato weejödö.

EEWEDEO 13:8

Jesuuquidiito chäänöngeedä weneene; jenaadä cönä’ja’döje dea na eduuwa, yeichöödäje.

EEWEDEO 7:3

Owaanäcä’da na ñäädä Mequiisedeeque umö, yeenö mmaja; yä’jimmä’tädö owaanäcä’da mmaja. Yennu’jödö owaanäcä’da mmaja na dea, yääma’jödö mmaja. Yääje yeijäcä Wanaadi nnedö cu’tädööje täcammajä’emööje na, yeichöödäjaato Wanaadi wwono wa’deuwödööje yeichö.

2 PEEDHODO 1:1

Öwö, Simón Peedhodo, Jesuuquidiito anoonö, ñaanontädö mmaja, äwwadäädäiñe wimenna, änwanno ñaa necamjödö aashichaato nönge mmaja ecaanö’nnamo. Yää aneecamjödööcomo mejoodötääne aashicha Jesuuquidiito weichö woije, ñäädä Cäwaanacaaneichomo, Cöwaanadiiyöcoomo mmaja.

1 JUAN 5:20

Cowaanäcäiñe na Wanaadi nnedö weejö’jödö. Töwö cösejje’tätääne Wanaadi chäänöngato jadoonoje cöweichöcoomo wetä. Cönwanno caato ñäädä Wanaadi chäänöngato jadoonoje, Iiñedö Jesuuquidiito jadä cöweijäcäiñe. Ñäädä ñäädä Wanaadi chäänöngato, weiñä töwaatamemjönö edhaajä.

1 JUAN 5:7

Aaduwaawä naato yää ecammannamo caju ña; ñanno naato Cumöötoncomo, ñäädä A’deu mmaja, Epíiditu Santo mmaja. Tönwanno naato tooni mma.

APOOCADIISI 1:11

Edääje cönäätaacä: —Öwö ñäädä awa’deeto, yaatameedö mmaja. Yää meneea’dedö imennäcä’de jajeeda jäcä; adoojocä’de yaawä Aasiya ñancomo quedeiyentecoomo wwadäädä, ñanno aacä amoojato ijaatadööcomo naadö, ñanno Eujeeso ñancomo, Eesimiidana ñancomo mmaja, Peecamo ñancomo mmaja, Tiiyatiida ñancomo mmaja, Saadisi ñancomo mmaja, Jiidadeujiya ñancomo mmaja, Daodiseea ñancomo wwadäädäiñe mmaja imennaajä adoojocä’dede; quee cönäätaacä a’deu.

APOOCADIISI 1:17

Öwwä eneea’jäcä ye’duccane yo’wawä, yaatacoichaajä nönge. Yaawä töwö yaajojoone tamäädö ämu’demjönö que; cönä’döaacä: —Määcatoncai; öwö ñäädä awa’deeto, yaatameedö mmaja.

APOOCADIISI 1:2

Töwö Juan chäänönge cöneecammajäätöi tameedä töneene’jödö jäcä, Wanaadi a’deddu mmaja, Jesuuquidiito necammajäätö’jödö mmaja.

APOOCADIISI 1:8

“Öwö ñäädä yaajäntä’jödö, yä’cadö mmaja;” quee nä’döa Cajiichaana jäduujato, ñäädä eduuwa naadö, jenaadä cönä’ja’dö dea, äcuude na’dedö dea.

APOOCADIISI 19:13

Yoomö cönä’jaacä munu que töjööe. Töwö chäätö na Wanaadi A’dedduje.

APOOCADIISI 2:8

Edääje mmaja ñäädä soto nnedö nöngato cönä’döa’dea öwwä: —Edääje imennäcä’de amoode wwadäädä, ñäädä Eesimiidana ñancomo quedeiyente edai’chäneichomo wwadäädä: “Edääje nä’döa ñäädä awa’deeto, yaatameedö mmaja, ñäädä cönäämaichö, töwäämaajo jonno cönaadoncaichö:

APOOCADIISI 21:6

Yaawä töwö cönä’döaacä öwwä: —Tödööe na. Öwö ñäädä awa’deeto, yaatameedö mmaja. Ñäädä emjätö’sato wwä täje’da wänu’a’de weichojo tunai’chädö, yää acuuwena weja’cadö.

APOOCADIISI 22:13

Öwö ñäädä awa’deeto, yaatameedö mmaja, ñäädä yaajäntä’jödö, yä’cadö mmaja.

APOOCADIISI 3:14

Edääje mmaja ñäädä soto nnedö nöngato cönä’döa’dea öwwä: —Edääje imennäcä’de amoode wwadäädä, ñäädä Daodiseea ñancomo quedeiyente edai’chäneichomo wwadäädä: “Edääje nä’döa ñäädä Chäänöngato, ecammajä’nei aashichaato, chäänöngato mmaja, tameedä Wanaadi nödöödö amoode’nänei’jödö: