JIDIIPENSE 3:3 - Wanaadi A'deddu

³ Cönwannoone ñanno siicunsidaadoje tödööajä chäänönga’como, Epíiditu Santo ai Wanaadi jummannamo mmaja. Cönwanno ta’cwaiñe caato Jesuuquidiito jäcäinchädä; cujuunucoomo weichö mmaane ecaanö’jai’cha caato.

JIDIIPENSE 3:3 Iomraidhean Croise

DOMAANO 1:9

Tödö’se weichö que Wanaadi wwä tönnöe wäänene, mädä Iiñedö jäcä aashichaato wätunnä töneecammajä’e wääneneedö. Töwö Wanaadi dhowaanäcä na weiñäje töwwä töwa’deuwe weichö.

DOMAANO 15:17

Quedeiyenteje weijäcä ta’cwaiñe wa Wanaadi tadaawaajui wödööaadö jäcä.

DOMAANO 7:6

Eduuwa mmaane waanontänä cödööjaiñe’da na; töwääma caato eduuwa yää jenaadä camu’däneichomooje cönä’ja’dö wwä. Wanaadi wwääne tödööjai caato eduuwa, eduuwatoje cöweichöcoomo Epíiditu Santo nutuudu que, jenaado’jä imennaajä woije mma’daane.

DOMAANO 8:15

Ñäädä Epíiditu Santo, äwwäiñe cönä’tuichö, conemjönö anoonöje ayöödöneichomoojönö, tösaade aweichöcoomo wetä; Wanaadi nnedööje cödööneichomoone töwö. Ñäädä Epíiditu Santo woije Jaajaje Wanaadi que’taato.

DOMAANO 8:39

cawoono mmaja, co’dhejeiñano mmaja, tameedä Wanaadi namoode’nädö mmaja cösancwajoojaiñe’da na dea Wanaadi jonno. Tameedä yää jona’da yeichöje Wanaadi nijummadööje caato’de. Cujummatäiñe töweichö töwö Wanaadi cöneenejoi Cädhaajotoncomo Jesuuquidiito ai.

DOMAANO 9:6

¿Aaquene yaawä, quee ’ja? ¿Chäänönge’da ca cöneiyacä yää iisadaaediita wwäiñe Wanaadi necamma’jödö? Ng’jn, chäänönge’da’da yeichaame. Edääjeene na: Tameedä’da Iisadaaeeda atöödö iisadaaediita neeneje naato.

2 CODINTIYO 11:18

Jooje anejjacoomo soto edä nono de’wono jäcä towä’wa’deme’que weneeneto; yääje yeijäcä öwö mmaja wä’wa’deme’ca dea eduuwa.

CAADATA 5:25

Epíiditu Santo woije cöweichöcoomo töweiye na; yääje yeijäcä Epíiditu Santo ne’se’tädö woije deaane queicho’ñojo.

CAADATA 6:16

Täncanoode’da yeicho’como, wentumje Wanaadi wwä yääneto’como mmaja, yei’she wa tameedä edä waanontänä tödönnamo wwäiñe, tameedä Wanaadi sotoi ñeene wwäiñe mmaja.

EUJEESIYO 6:18

Tameedä mädä tödöötäcä yeichöje Wanaadi wwä awa’deuwancädäiñe Epíiditu Santo ni’wa’tädö que; chäwwä adha’deutäcä ämjummadööcomo e’ca’ancädä. Odhoowadäädäiñe eichäcä mädä jäcä, aweejäduuque’ancädäiñe’da, tameedä Wanaadi sotoi jäcäiñe Wanaadi wwä awa’deuwancädäiñe.

JIDIIPENSE 1:1

Öwö Paudo, Tiimoteo mmaja, Jesuuquidiito anoonö, edä ñaa nimenna äwwadäädäiñe, änwanno tameedä quedeiyentecoomo Jidiipo ñancomo, Wanaadi sotoi, Jesuuquidiito jadoncomo; ansiyaano wwadäädäiñe mmaja ñaa nimenna dea, diyaacono wwadäädäiñe mmaja.

JIDIIPENSE 3:12

Mädä wecammannö aneejodö’da dea weichaame, chäänönge ä’dö’da dea weichaame mmaja; ene’jununtädööje deaane wa, ejoodödö wetä yää chääjäcäinchädä Jesuuquidiito tösootoije yöödöneedö.

JIDIIPENSE 3:14

Nwaadädä dea wöta, chu’nä’taajä döiña tödööene, caju ñano aashichaato wichaana’caiye, yää chääjäcäinchädä Wanaadi tanoonöje cödöötäneedö, Jesuuquidiito sotoije cöweijäcäiñe.

CODOOSENSE 2:11

Quidiito jadä aweichomjäcä mmaja siicunsidaadoje mä’dötääne dea, adheejöcoomo jäcä’daane, ajuunucoomo nijummadö jonno töwääwanaaca aweichöcoomo queene; yää yää Quidiito nödöödö siicunsidaadoje weiñä.

JUUDHA 1:20

Änwanno mmaane jimmä umjummadö, jooje’cä aatö’nä’täcä aneecamjödööcomo aashichaato que. Epíiditu Santo jäduudu que adha’deutäcä Wanaadi wwä.