JIDIIPENSE 1:7 - Wanaadi A'deddu

⁷ Chäänönge mädääje äjääcäiñe tötö’tajä’e wäänene, öwwä tujunne aweijäcäiñe. Jedeesoje weichö jeiñe mma, aashichaato wätunnä chu’de’tännamo ye’wononcadööje weichö jeiñe mma, ecammajäätödööje weichö jeiñe mma, tameedä änwanno jaadä tönooneja mmaja Wanaadi nutuudu aashichaato.

JIDIIPENSE 1:7 Iomraidhean Croise

DOSECHO 20:23

Edä mma yoowanääcä na, tameedä jataaca öötädö waadäi Epíiditu Santo töneecamma weneene öwwä jedeesoje wääwaacajootojo, wäntunaanö’tojo mmaja.

DOSECHO 21:33

Yaawä suddau edhaajotoncomo cöntämä yoiñaiñe; töwö Paudo cömmöjoojätöi aacä cadheena que, jedeesoje adäädö wetä. Töwö Paudo cöneecamma’joi: —¿Änääcö amäädä? ¿Ane’cäämö mödöi? quee cönä’döaacä.

1 CODINTIYO 13:7

Töwö tameedä töiñetunca ecaanö’ancädä dea, tameedä tönwomo’que mmaja, tönshinchä mmaja.

1 CODINTIYO 9:23

Aashichaato wätunnä ecammajäätödö jäcäinchädä mädääje wäänene, öwwä aashichaato ä’tuiye yaawä, yää aashichaato wätunnä necammadö.

2 CODINTIYO 3:2

Änwanno dea dajaane jajeeda imennaajä nönge maato, chäänönge ñaa weichö ecaademe’jonnamooje; änwanno maato ñaa tö’tajäätödö jäcä imennaajä eijai ñaadöje, tameedä soto owaanocoomoje, ña’de’tädööcomooje mmaja.

2 CODINTIYO 7:3

Ajiiyeme’jätöödöcoomoje’da yääje wä’döa. ¿Yaaje jönca wä’döaanä äwwäiñe, mämjummaato, quee? Yääje yeijäcä nudä weiya’jäcä jeiñe mma, wääma’jäcä jeiñe mma ajummadööcomooje dea wa’de.

CAADATA 5:6

Jesuuquidiito jadä weiñawä siicunsidaadoje weiñä täje’da na, yääje’da weiñä täje’da mmaja; ecamjödö mmaane täje na, yää wä’jummanä que towäänejo weneenedö.

EUJEESIYO 3:1

Yääje yeijäcä öwö Paudo Wanaadi wwä ya’deuwa; öwö jedeesoje wa äjääcäinchädäiñe, änwanno judhíojöncomo, Jesuuquidiito töneecanö’e weichö jo’tädööje.

EUJEESIYO 4:1

Yääje yeijäcä edääje mänwätuujaato, öwö Cajiichaana jo’tädööje jedeesojaato: Chäänönge eichäcä, Wanaadi na’dejjadö weichö nöngeene, ña’dejjadööne aweiya’como.

EUJEESIYO 6:20

Yää wätunnä ecammajä’neije weichö wetä Wanaadi yaanontäne, ijo’tädööje jedeesoje waadö. Wanaadi wwä e’ca’täcä tösaade’da neecammajo’tojo, töweiye naichöje deaane.

JIDIIPENSE 1:12

Jimmä, odhoowanääcäiñe yei’she wa mädä öwö jääcä cöneeja’dätäichö aashichaato wätunnä ejanno’to’me yeichö.

JIDIIPENSE 1:13

Tacaade na eduuwa tameedä waadiya wwäiñe ñanno acu’shänä mmai chawoncomo, anejjacoomo eetoncomo wwä mmaja, Quidiito ecamjödö jäcäinchädä jedeesoje weichö.

JIDIIPENSE 1:14

Yääje yeijäcä jooje quedeiyentecoomo jäduuje’cä naato eduuwa Wanaadi a’deddu ecammajäätödö jäcä, jedeesoje weichö nijäädu’tädööje. Tösaade’da Wanaadi a’deddu töneecammajä’e weneeneto, Cajiichaana ecaanö’ancädä.

JIDIIPENSE 1:5

ö’wa’tä’jödö weijäcä äwwäiñe aashichaato wätunnä ecammajäätödö jäcä, awa’deene äwwäiñe eta’jödö jonnoto’jödöödä eduuwa naadö jona tödööene.

JIDIIPENSE 2:22

Aashicha Tiimoteo weichö mmaane odhoowanääcäiñe na änwanno, mude’cä’cä tumö jadoono wetaadawa’cajoodö nönge jaadä yeetadaawa’cajo’jödö aashichaato wätunnä ecammajäätödö jäcä.

JIDIIPENSE 4:14

Yääje yeichaame aashichaato öwö jääcä mödöötäne yää wäntunamjödö jäcä cö’wa’tätäänedö que.

JIDIIPENSE 4:15

Odhoowanääcäiñe na änwanno Jidiipo ñancomo, Maasedooniya ñanno wääma’tädaawä, aashichaato wätunnä ecammajäätödö waajäntädaawä, anejjacoomo quedeiyentecoomo ö’wa’tä’da yei’jocoomo. Änwanno mmaane cö’wa’tätääne Wanaadi nödöödö jäcä öwwä ä’wa’to’jocoomo emeetacaamadööje.

JIDIIPENSE 4:3

Äwwä mmaja yääje wä’döa dea, amäädä weetadaawa’cajoodö weichacoono chäänöngato: I’wa’täcooto ñanno wodiiñamo, we’toichodö. Tönwanno ö’wa’täneeto aashichaato wätunnä ecammajäätödö jäcä. Quedeemente mmaja i’wa’täcä’dede, anejjacoomo ö’wa’tännamo’jödö mmaja, chäätöcoomo naadö weichojo jajeedai’chädö jäcä.

CODOOSENSE 4:18

Öwö Paudo dea edä yä’catoojo wimenna. Jedeesoje weichö jäcä mma ätö’taque’täi’che. Wanaadi nutuudu aashichaato äwwäiñe yei’she wa. Amén.

CODOOSENSE 4:3

Ñaa jäcä mmaja chäwwä adha’deutäcä, ñaa wwä ta’deddu ecammajo’tojo Cajiichaana äntuiye, Quidiito jäcä owaanojöönö’jödö ñaa wwä ecammajo’tojo äntuiyede, yää chääjäcäinchädä jedeesoje waadö.

1 TEESADOONISENSE 5:5

Änwanno maato tawaanato acancomooje, anooto awoncomooje mmaja. Cönwanno quedeiyentecoomo coijaichomoojönö, tööjano’tacancomoojönö mmaja.

2 TIIMOTEO 1:8

Yääje yeijäcä ajöichöje’da tödööcä’de Cajiichaana Jesuuquidiito ecammajäätödö; öwö mmaja cämjöichäi’chede, Jesuuquidiito jo’tädööje jedeesoje waadö. Wanaadi nutuudu äjäädudu que töshinchääne shinchäcä aashichaato wätunnä jo’tädööje äwäntunamjödö.

2 TIIMOTEO 2:9

Yää aashichaato wätunnä jo’tädööje wäntunaanö’a, tömööjä’e, soto emaanei tödöödö töweiye naichöje; Wanaadi a’deddu mmaane tömööjä’e’da na.

JIIDEMÓN 1:13

Jaadä dea tödö’se waadö’je aashichaato wätunnä jo’tädööje jedeesoje weichö wadaadäädä ö’wa’täneije, amäädä eijai maadöjaatoje.

EEWEDEO 3:1

Yääje yeijäcä jimmä shooma’como, änwanno Wanaadi sotoije a’dejja’como, Jesuuquidiito jäcä ätö’tajä’täcä, ñäädä Anontaajä, cöjääcäinchädäiñe Wanaadi wwä töwa’deuwemö, ñäädä queecanö’atoodö.

1 PEEDHODO 4:13

Ta’cwaiñe mmaane eichäcä Jesuuquidiito wäntunamjödö jimmäje aweijäcäiñe, ta’cwaiñe meichäiyede yaawä aashicha töweichö eneejodaawä chäwwä.

1 PEEDHODO 5:1

Edääje mänwätuujaato änwanno quedeiyente antawäiñe ansiyaanoje maatoodö, öwö mmaja ansiyaanoje weijäcä, Jesuuquidiito wäntunamjödö eneenei’jödö mmaja; aashichaato täneejoomöje naadö eneeneije töweiyemö mmaja öwö dea.

2 PEEDHODO 1:13

Chäänönge öwwä chö’tadö na nudä waadawäädä äwäätuujadööcomooje weichö, ätö’tamme’jodööcomo que,

1 JUAN 3:14

Cönwanno töwäämaamöje cöwei’jocoomo jonno töwäämaamöje’da cä’dötääne; yääje cöweichöcoomo cowaanäcäiñe na cöjimmotoncomo tumjumma cöweijäcäiñe. Ñäädä töweichacoono ämjummajöönö töwäämaamöjeedä na.