JIDIIPENSE 1:10 - Wanaadi A'deddu

¹⁰ odhoowanääcäiñe yeichö wetä yaawä aashichaato jaiñoone edantädö. Mädääje conemjönö ’je’da eijai maato, tämentaamoje’da mmaja, Quidiito we’a’jäcä.

JIDIIPENSE 1:10 Iomraidhean Croise

MATEO 16:23

Jesuuquidiito cönä’jedennacai yaawä; cönä’döaacä: —Ääsecaacä yoowajonno, amäädä Caajuushawa. Saadijannä’ca’se’jödö mädääje adha’deuwa. Soto tö’tajäätödö nönge mma ätö’tajä’a, Wanaadi tö’tajäätödö nönge’da; quee cönä’döaacä Jesuuquidiito Peedhodo wwä.

MATEO 26:33

Yaawä Peedhodo cönä’döaacä chäwwä: —Tameedä anejjacoomo wwä adhe’nomjataame, adhe’nomja’da dea eijai wa öwö.

JUAN 1:47

Yaawä töwwadäädä Nataanaeede weejödö edanta’jäcä Jesuuquidiito cönä’döaacä chäwwä: —Määdhä ñäädä iisadaaediita chäänöngato, töwäätäncu’täjä’emjönö; quee cönä’döaacä Jesuuquidiito Nataanaeede jäcä.

JUAN 3:20

Ñäädä conemjönö tödöönei tawaanato yaacö’je’da töweiye nai; tawaanato wwadäädä eejö’da töwö tönnödö tacaade yä’dödö queiñe.

DOSECHO 24:16

Yääje yeijäcä yoowadäädä töweiye wäänene conemjönö tödöödö queiñe Wanaadi jäcä, soto jäcä jeiñe mma.

DOMAANO 12:2

Edä nono de’wono woije’da eichäcä; tösa’duminchaane ätö’tajäätödööcomo sha’duminchatääcä, aweichöcoomo mmaja esa’duminchaiyede yaawä. Yaawä Wanaadi woijato odhoowanääcäiñe ä’döjai ña, töwö yaacötö mmaja, yää aashichaato, chäänöngato mmaja.

DOMAANO 12:9

Wätäncu’tänä que’da ä’jummatääcä. Conemjönö chiiñu’tätääcä; aashichaatoone ijummatääcä.

DOMAANO 16:17

Edääje wä’dö’se wa äwwäiñe jimmä: Odhoowadäädäiñe tödöötäcä ñanno tönwannoje dea quedeiyente chu’de’tojonnamo, ñanno odhoowanooma’jocoomo juntaca asaadijannä’ca’sa’como. Ä’sancwatääcä ñanno jonnoiñe.

DOMAANO 2:18

Amäädä odhoowanääcä na Wanaadi waanontä’jödö. Waanontänä que owaanomaajäje aweijäcä tameedä aashichaato imencadö odhoowanääcä na.

DOMAANO 7:16

Yää tödö’se’da wääneneedö tödöödawä öwwä, waanontänä chäänönge yeichö töntö’tamme’que wäänene.

DOMAANO 7:22

Öwö tö’tajäätödö jaiñoone Wanaadi waanontädö waacö’je na;

DOMAANO 8:7

Ñäädä tujuunu nödöödö encano’tänei Wanaadi tu’dedööje na, Wanaadi waanontädö wwä ä’tu’da yeijäcä, ä’tujai’cha mmaja.

1 CODINTIYO 1:8

Töwö Wanaadi adheedai’chaato’de yaatameedö jonaane, ejääduqueejö’da aweichöcoomo wetä, anejja wwä äämentojo’da aweichöcoomo wetä yaawä Cädhaajotoncomo Jesuuquidiito we’a’jäcä.

1 CODINTIYO 10:32

Soto sadiijanto’comooje mma meichäi’che, judhío jeiñe mma, judhíojöönö jeiñe mma, quedeiyente jeiñe mma.

1 CODINTIYO 8:13

Yääje yeijäcä yää äwanshi weichacoono ema’jotoojoje yeiya’jäcä änäänä’daane eijai wa, conemjönö aca mma weichacoono waneema’jo’no.

2 CODINTIYO 1:12

Ta’cwaiñe ñaa weneene, aashicha tötö’tajä’e ñaa weneene dea ñaa owaanäcä yeijäcä aashicha töwei’jödö, chäänönge töwei’jödö mmaja, edä nono de’woncomo antawäiñe, änwanno adhantawäiñe mmaja. Ñaa sejjedö que’da mädääje ñaa cönä’jaacä; Wanaadiiñe ñaa ’wa’täne.

2 CODINTIYO 2:17

Töwäätätöijatoojoje Wanaadi a’deddu ännö’da ñaa na; oncone’ma’da mmaja, anejjacoomo tönnöe weneenetoodöje’da. Chäänönge töweichö queene Wanaadi a’deddu töneecammajä’e ñaa weneene, Wanaadi nanontä’jödö woije, Wanaadi owaadäädä mmaja, Quidiito jadoonoje ñaa weijäcä.

2 CODINTIYO 6:3

Soto sadiijanto’como döancädä’da ñaa weneene, cone’da ñaa tadaawaajui jäcä ya’deuwödööcomo queiñe.

2 CODINTIYO 8:8

Adhaanontädööcomooje’da yääje wä’döa. Chaanönge anejja quedeiyentecoomo weichö wecammajä’a äwwäiñe, wä’jummanä chäänöngato äwwäiñe töweiye yeichö eneedö wetä.

CAADATA 5:11

Jimmä, siicunsidaadoje soto tödööjodööcomooje dea weiya’jäcä yaawä tu’de’tä’da judhíocoomo eichöto. Yääje weiñä jäcä ecammajäätödööje dea weiya’jäcä, chäwwäiñe se’ne’daane eichö Quidiito wääma’jödö jäcä ecammajäätödö.

EUJEESIYO 4:15

Edääjeene eijai caato, chäänönge a’deujai caato cöwä’jummancädäiñe, Quidiito jadä cöwaatö’näjöödöcoomo wetä tameedä cöweichöcoomo jäcä. Töwö Quidiito cuju’jocoomoje na.

EUJEESIYO 5:10

Äwwäiñe Cajiichaana a’cwaimatoojo jäcä oowanoomatääcä.

EUJEESIYO 5:27

Yaawä töwö Quidiito towaadäädä quedeiyentecoomo nödööaato’de aashicha yeichöcoomo ’je, conemjönö ’je’da mmaja, chäänöngemjönö ’je’da mmaja, tameedä yää nöngato ’je’da mmaja, tösoomaiñeene, chäänöngeiñe mmaja.

EUJEESIYO 6:24

Wanaadi nutuudu aashichaato yei’she wa dea tameedä wä’jummanä töwaatamemjönö que Cädhaajotoncomo Jesuuquidiito jummannamo wwä. Amén.

JIDIIPENSE 1:16

Ñanno chäänöngemjöncomo Quidiito töneecammajä’e weneeneto ye’jodhe töwei’she töweichöcoomo que mmädä, chäänönge tötö’tajä’ancädäiñe’da, cone’da yöödöjo’se’jödö jedeesoje weichö jäcä.

JIDIIPENSE 1:6

Yoowanääcä na ñäädä äjääcäiñe aashichaato tödöödö cönaajäntäichö chäänönge tödöödöje dea yeichö, Jesuuquidiito weejödö wa’cä.

JIDIIPENSE 2:16

weichojo a’deu ecammajä’ancädä. Mädääje aweiya’comjäcä äjääcäinchädäiñe ta’cwaiñe eijai wa yaawä Quidiito we’a’jäcä, töwäädämma’da töwäämannä’e wei’jödö weijäcä, töwäädämma’da taadawaajui’jödö weijäcä mmaja.

1 TEESADOONISENSE 3:13

Töwö äjäädu’taato ätö’tajäätödööcomo jäcä yäätäädä aweichöcoomo wetä, tösooma mmaja, conemjönö ’je’da aweichöcoomo wetä mmaja Cumöötoncomo Wanaadi owaadäädä, tameedä tösootoi jadäiñe Jesuuquidiito we’a’jäcä.

1 TEESADOONISENSE 5:21

Tameedä chäänönge imencatääcä; aashichaato dea äwwäiñe tödöötäcä.

1 TEESADOONISENSE 5:23

Wanaadi, ñäädä täncanoode’da weichojo edhaajä, chäänönge jeene ocoonecaato. Töwö dea yä’jödöödä adheedai’chaato conemjönö ’je’da aweichöcoomo wetä odo’tadööcomo jäcä, ätö’tajäätödööcomo jäcä mmaja, adheejöcoomo jäcä mmaja, Cädhaajotoncomo Jesuuquidiito weejödö jonaane.

1 JUAN 4:1

Jimmä umjummadö, tameedä ecammajäätödö mmädä maneecanö’täi’che, ñanno Wanaadi woija’como wätä’tädö necammajäätödööcomo. Töneene’ju’eene eichäcä Wanaadi woijatooje yeichö, yoijatooje’da yeichö jeiñe mma. Jooje naato eduuwa edä nono de’wä ecammajä’nnamo chäänöngemjöncomo, Wanaadi woija’como wätä’tädö.

APOOCADIISI 2:2

Yoowanääcä na tameedä ännödö, jooje ataadawaajui weichö mmaja, aashicha tönshinchä aweichö mmaja, conemjöncomo etaajai’cha aweichö mmaja. Amäädä mene’ju’neto ñanno anontaajäja’como wätä’tädö, ñannojöönö töweichaameiñe. Töwä’duna’comooje yeichöcoomo medantäneeto.