EEWEDEO 9:1 - Wanaadi A'deddu

¹ Yää awa’deeto’jä weiñä ecammaajä Wanaadi wwä tödöötojo cöneecammaacä. Yaawääne’, yääje weiñä cönä’jaacä edä nono de’wono Wanaadi weichojo taca tödööemö mma.

EEWEDEO 9:1 Iomraidhean Croise

DUUCA 1:6

A’nädä töweiye cönä’ja’to chäänöngeiñe Wanaadi owaadäädä. Tönnöe töweiye cönä’ja’to tameedä Cajiichaana waanontädö, tameedä iiñöjoodö mmaja. Yääje yeijäcä tämentämje’da tönwanno cönä’ja’to.

DOMAANO 9:4

Tönwanno naato Iisadaaeeda atöödöje; Wanaadi tönnedööje cönnöicho; chääjadäiñe töwö töweiye cönä’jaacä aashicha töweichö eneejancädä chäwwäiñe. Töwö Wanaadi chäwwäiñe cöneecammai töwwä tödöötojo, waanontänä Moisé nimennä’jödö mmaja, Wanaadi weichojo taca chäwwäiñe tödööemö mmaja, töneecamma’jödö mmaja, yää aashicha tödööto’como jäcä.

CODOOSENSE 2:8

Odhoowoinchadäiñe’da eichäcä; anejja wenta’mecöödö que mma ätö’tajäätödööcomo mänsadiijannä’cajootäi’che, ñanno soto wätunnäichomo que mma adhencu’tä’seiñe weneenetoodö. Quidiito woija’comoojönö ñanno, soto wätunnäichomo woija’como mma, edä nono de’wono tö’tajä’nä woija’como mmaja.

EEWEDEO 8:13

Anejja weiñä ecammatoojo e’tädö que Wanaadi wwä, yää awa’deeto’jä jenaado’jäje cönnöi. Yää jenaado’jä wataamenääje na eduuwa.

EEWEDEO 8:2

Töwö na Wanaadi wwono wa’deuwödööje Wanaadi weichojo neene taca, yää Cajiichaana nödöödö taca, soto nödöödöjöönö.

EEWEDEO 8:7

Yää jenaado’jä weiñä ecammaajä chäänönge ei’jo mmaane tujunne’da eichö cöneiyacä anejja.

EEWEDEO 9:24

Quidiito cönoomomöi Wanaadi weichojo neene taca, yää soto namäädöjöönö. Yää soto namä’jödö cönä’jaacä Wanaadi weichojo neene cu’taajäje mma. Caju ñaane Jesuuquidiito cöntämä. Töwö na eduuwa Wanaadi döiña, cöjääcäinchädäiñe töwa’deuwemööje.