EEWEDEO 5:1 - Wanaadi A'deddu

¹ Edääje Wanaadi wwono wa’deuwödööje weiñä töweiye nai: Ñäädä soto, Wanaadi wwono wa’deuwödööje e’taajä, netaadawa’caja soto jäcäinchädäiñe Wanaadi wwä töwa’deuwemööje. Täjemjönö u’ajä Wanaadi wwä ecammaneije töwö töweiye nai, saaquidiijiisiyo tödööneije mmaja, soto cone’nadiiyöcoomo choccajootojooje.

EEWEDEO 5:1 Iomraidhean Croise

DOMAANO 15:17

Quedeiyenteje weijäcä ta’cwaiñe wa Wanaadi tadaawaajui wödööaadö jäcä.

1 CODINTIYO 15:3

Awa’deene wecammajä’ne äwwäiñe öwö öwwono wä’tu’jödö mmaja. Öwö monoowanoomatääne cöcoone’nadiiyöcoomo jäcäinchädä Quidiito wääma’jödö jäcä, Wanaadi a’deddu imennaajä wä’dödö nönge dea.

EEWEDEO 10:11

Anooto waadäi ñanno Wanaadi wwä töwa’deuwaamo saaquidiijiisiyo tönnöe weneeneto weiñäje, conemjönö choccajai’cha yeichaame yää.

EEWEDEO 10:12

Jesuuquidiito mmaane tooniye mma saaquidiijiisiyooje cönä’tui yeichöödäje töweiyemööje. Yää ’jeje Wanaadi nnäcä cönaatajiimai, ämu’demjönö dö’se.

EEWEDEO 11:4

Ecamjödö que mmaja Aweede Wanaadi wwonooje saaquidiijiisiyo cönnöi, Caín cönnöichö e’jodhe’cä. Yää jäcäinchädä Wanaadi töjaadonooje Aweede cönnöi yaawä. Inchudu’jödö mmaja aashicha Wanaadi cöne’täi chea. Töwö Aweede töwääma yeichaame tacaade dea na, ecamjö’jödö weijäcä chäwwä.

EEWEDEO 2:17

Yääje yeijäcä Jesuuquidiito tameedä töweichö jäcä töjimmä nöngeiñe mmaja töwä’döeemöje cönä’jaacä, wentumje äneetä töweichö wetä yaawä soto jäcäinchädäiñe Wanaadi wwono wa’deuwödööje töwääwaaca’jäcä, chäänönge Wanaadi owaadäädä töweichö wetä mmaja, sotoocomo cone’nadiyöcoomo choccadö wetä yaawä saaquidiijiisiyooje töwä’tudu que.

EEWEDEO 7:27

Anejjacoomo Wanaadi wwä töwa’deuwaamo anooto waadäi saaquidiijiisiyo tönnöe weneeneto, awa’deene töcoone’nadiiyöcoomo coccajootojooje, yää ’jeje yaawä soto cone’nadiiyöcoomo coccajootojooje daja. Ñanno wei’yejeiñe’da Jesuuquidiito na. Töwö dea töwä’tudaawä saaquidiijiisiyo cönnöi tooniye mma, yeichöödäje töweiyemööje.

EEWEDEO 8:3

Ñäädä Wanaadi wwono wa’deuwödö ewaacadö nai Wanaadi wwä u’ajä ecammaneije, saaquidiijiisiyo tödööneije mmaja. Yääje yeijäcä Jesuuquidiito wwä töweiye mmaja eijai ña dea tu’emö.

EEWEDEO 8:4

Edä nono de’wä dea Jesuuquidiito ei’jo Wanaadi wwono wa’deuwödööje’da eichö, eetä töweiye yeijäcä ñanno Wanaadi wwä töwa’deuwaamo, chäwwä u’ajä ecammannamo, waanontänä Moisé nimennä’jödö wä’dödö nönge.

EEWEDEO 9:9

Tameedä yää na eduuwa weiñä naadö cu’tädööje. Yää yäätä Wanaadi wwä u’ajä töwä’tue weneenedö, saaquidiijiisiyo tönnöe weneenetoodö mmaja, u’nei’jödö tö’tajäätödö choonecaajai’cha na.