EEWEDEO 4:1 - Wanaadi A'deddu

¹ Yääje yeijäcä cowoinchadäiñe’da queichäiye, Wanaadi nutuudu wäädeetatoojo ecammaajä cöwwäiñe yeichaame mma anejja adhantawäiñe aneemaicha’no.

EEWEDEO 4:1 Iomraidhean Croise

MATEO 24:48

Dha’da ’quene, ñäädä dhanoonö cone’da yeiya’jäcä, edääje chö’tajä’a’jäcä: “Yeedhajä e’jai’cha dea na;” quee chö’tajä’a’jäcä,

DOSECHO 3:19

Yääje yeijäcä ätö’tajäätödööcomo sha’duminchatääcä, Wanaadi wwadäädääne ä’jedennacaatäcä, ocoone’nadiiyöcoomo ecoccaiye. Yaawä Wanaadi nu’a’de äwwäiñe ta’cwaiñe aweicho’como.

DOMAANO 11:20

Yääje mma’ne; tönwanno cönaataco’joicho aneecamjö’da töweichöcoomo jo’tädööje. Amäädä mmaane ecamjödö que mma adhaatötaane, mädä eduuwa maadö. Yääje yeijäcä o’jodhe chö’tajä’jai’cha ma; tönontä mmaane ñontäjai ma.

DOMAANO 3:23

Tameedä soto conemjönö cönnöicho; aashicha Wanaadi weichö nönge töweicho’como ejoodöjai’cha naato.

1 CODINTIYO 10:12

Yääje yeijäcä ñäädä jäduujato tö’tadö towaadäädä nei’ñojo, e’ducca’no.

2 CODINTIYO 6:1

Yääje yeijäcä, Wanaadi jadoono wetaadawa’cajoodöje ñaa weijäcä, edääje ñaa mänwätuujaato: Töwäädämmatooje’da tödöötäcä äwwäiñe Wanaadi nutuudu aashichaato.

CAADATA 5:4

Änwanno jenaado’jä waanontänä tödöödö que Wanaadi jadoncomooje töwei’sha’como, Quidiito jonno töwä’sancwajo maato. Wanaadi nutuudu aashichaato jonno to’nomja maato.

2 TIIMOTEO 2:13

Chäänönge’da cöweiya’comjäcä, töwö mmaane chäänöngeedä na, Wanaadi enwacaamajai’cha yeijäcä; quee wä’dönä naadö.

EEWEDEO 12:15

Äädai’chätääcä, anejja mma adhantawaiñe Wanaadi nutuudu aneejodö’da ei’ño; conemjönö mma adhantawäiñe mmaja eja’ca’no tameedä ocoone’maneichomooje, adheeme’täneichomooje mmaja, imiichö conemjönö wa’taajä töjimmä töncone’ma töweiye naichöje.

EEWEDEO 12:25

Yääje yeijäcä töquiiñeme’que mma mänquiiñeme’täi’che ñäädä cöwwäiñe na’deuwaadö. Ñanno töwä’cuseijadööcomo aneemaicha’da cöneiya’todö naane’, edä nono de’wä Wanaadi wwä töwäätuujadööcomo cönquiiñemeecöichodö. Töwaacö’je cönwanno Wanaadi wwä cöwä’cuseijajoodöcoomo emaichajai’cha caato ñäädä caju ñanno cöwwäiñe na’deuwaadö chiiñeme’ca’jäcä.

EEWEDEO 13:7

Adhe’se’tännamo’jödö ijummatääcä, ñanno äwwäiñe Wanaadi a’deddu cöneecammajäätöichodö. Iiñö’jocoomo jäcä ätö’tatääcä; ñeecamjödööcomo nönge mmaja ecaanö’täcä änwanno.

EEWEDEO 3:11

Yääje yeijäcä cone’da chääjäcäiñe wä’jaaquene; tumjunne’da tö’tajä’aqueene yaawä. Edääje wä’döaaquene yaawä: “Tönwanno aneejodö’da naato’de öwö untudu wäädeetatoojo;” quee wä’döaaquene; quee imennaajä nä’döa.

EEWEDEO 4:11

Yääje yeijäcä cä’jädu’tätäiye cönwanno, yää wäädeetatoojo ejoodödö wetä, anejja mma cantawäiñe ecoone’ma’no, ñanno aneecanö’jöncomo’jödö cöneecone’maichodööje mmaja.

EEWEDEO 4:9

Yääje yeijäcä töweiye deaane na Wanaadi nutuudu wäädeetatoojo tojoodöeemö Wanaadi sotoi wwäiñe.