EEWEDEO 3:11 - Wanaadi A'deddu

¹¹ Yääje yeijäcä cone’da chääjäcäiñe wä’jaaquene; tumjunne’da tö’tajä’aqueene yaawä. Edääje wä’döaaquene yaawä: “Tönwanno aneejodö’da naato’de öwö untudu wäädeetatoojo;” quee wä’döaaquene; quee imennaajä nä’döa.

EEWEDEO 3:11 Iomraidhean Croise

EEWEDEO 4:3

Cönwanno ecaanö’nnamo mmaane queejodööato yää wäädeetatoojo. ¿Edääje jönca töwö Wanaadi cönä’döaacä: Yääje yeijäcä cone’da chääjäcäiñe wä’jaaquene; tumjunne’da tö’tajä’aqueene yaawä. Edääje wä’döaaquene yaawä: “Tönwanno aneejodö’da naato’de öwö untudu wäädeetatoojo;” quee wä’döaaquene; quee jönca Wanaadi cönä’döaacä? Töwö yääje cönä’döaacä tameedä tötaadawaajui jäcä töwä’ca’jödö weichaame, edä nono tödö’jödö jonnoto’jödöödä.

EEWEDEO 4:5

Edääje mmaja nä’döa dea: Tönwanno aneejodö’da naato’de öwö untudu wäädeetatoojo; quee.

EEWEDEO 4:9

Yääje yeijäcä töweiye deaane na Wanaadi nutuudu wäädeetatoojo tojoodöeemö Wanaadi sotoi wwäiñe.