EEWEDEO 3:1 - Wanaadi A'deddu

¹ Yääje yeijäcä jimmä shooma’como, änwanno Wanaadi sotoije a’dejja’como, Jesuuquidiito jäcä ätö’tajä’täcä, ñäädä Anontaajä, cöjääcäinchädäiñe Wanaadi wwä töwa’deuwemö, ñäädä queecanö’atoodö.

EEWEDEO 3:1 Iomraidhean Croise

JUAN 17:3

Yeichöödoto weiñä yää tooniyaano Wanaadi chäänöngato towaanäcä tödöödö, Jesuuquidiito towaanäcä tödöödö mmaja, ñäädä menno’janeedö.

JUAN 20:21

Yää ’jeje Jesuuquidiito cönä’döa’dea chäwwäiñe: —Täncanoode’da aweicho’como äwwäiñe yei’she wa. Jaaja yenno’janeedöje mmaja manenno’jaato öwö; quee cönä’döaacä.

JUAN 20:27

Yaawä Jesuuquidiito cönä’döaacä Tomá wwä: —Adhaamädö dhadaadö que cajoojocä; yaamädö eneecä; suudadö ajoojocä. Aneecamjö’da’daane eichä, töneecanö’eene; quee cönä’döaacä.

DOSECHO 1:15

Yaawä Peedhodo cönammöi quedeiyente antawäiñe; ñanno cönä’ja’to ijaatoodea sotooto de’wä tooni soto. Töwö Peedhodo cönä’döaacä chäwwäiñe:

DOMAANO 11:17

Dhantai judhío cönä’sancwajoicho, dee ajääcadö töweiye naichöje. Amäädä inwacaanoje määwaacajoone ijaata’jödö awä, dee jönaawono ajäädö yaatajääcajo’jödö aca töwaatöta töweiye naichöje. Mädääje aweichojo mejoodöne, dhajäädö neene wei’jödö nönge mmaja dee watö’taajä sheene töwä’döe töweiye naichöje, yää dea imiichöje yeijäcä.

DOMAANO 15:27

Aashicha chäwwäiñe cöntö’taacä yääje töwwäiñe tödöödö. Chäänönge mädääje nichö’tajä’aato; ejeeque’näjöödöcoomo nönge mädä na. Ñanno judhío quedeiyentecoomo judhíojöncomo wwä cuntuicho Wanaadi a’deddu; yääje yeijäcä judhíojöncomo yää inwacaamajai ñaato eduuwa edä nono de’wono que.

DOMAANO 15:8

Edääje wä’döa äwwäiñe: Quidiito cöneejä judhío wwäiñe tödööneije, chäänönge tödöödö wetä yää ñaa adaichö wwäiñe Wanaadi necamma’jödö, eneejodö wetä mmaja chäänönge Wanaadi töneecamma’jödö tönnöe yeichö.

DOMAANO 9:24

Töwö Wanaadi ca’dejjatääne judhíocoomo, judhíojöncomo mmaja.

1 CODINTIYO 1:2

nimenna äwwadäädäiñe, änwanno ñaa jimmä, Wanaadi ecaanö’nnamo Codinto ñancomo. Änwanno Wanaadi sotoije mä’dötääne Jesuuquidiito jadä äwä’dödööcomo que. Wanaadi adha’dejjatääne aashicha aweicho’comooje tameedä yeichö wa’co’como Cädhaajotoncomo Jesuuquidiito ecaanö’nnamo jadäiñe. Töwö Jesuuquidiito na ñanno edhaajotoncomooje, cönwanno Cädhaajotoncomooje mmaja.

1 CODINTIYO 10:17

Wanna cöweichaameiñe yää dea uu cäu’cato, tooniyaano; yääje yeijäcä tooni chääjöje caato.

1 CODINTIYO 9:23

Aashichaato wätunnä ecammajäätödö jäcäinchädä mädääje wäänene, öwwä aashichaato ä’tuiye yaawä, yää aashichaato wätunnä necammadö.

2 CODINTIYO 1:7

Yäätäädä äjääcäiñe ñaa tö’tajäätödö na, ñaa owaanäcä yeijäcä äwäntunaanö’taameiñe Wanaadi ä’wa’tätäiñe yeichö.

2 CODINTIYO 9:13

Tönwanno aashicha Wanaadi jäcä na’deuwaato’de chäänönge Quidiito a’deddu tönnöe aweichöcoomo äwäänejo’jocoomo weijäcä. Wanaadi jäcä aashicha na’deuwaato’dede töwwäiñe äntuduucomo jäcäinchädä, anejjacoomo wwä äntuduucomo jäcäinchädä mmaja.

EUJEESIYO 3:6

Edä yää owaanojöönö’jödö: Aashichaato wätunnä ecammajäätödö que ñanno judhíojöncomo naato eduuwa Wanaadi nutuudu eiñamooje, judhío naatoodöje mmaja. Tönwanno judhíojöncomo naato dea yää dea ejööje mmaja, Wanaadi necamma’jödö enennamooje töweiyaamoje mmaja, yää Jesuuquidiito jäcäinchädä cöneecammaichö.

EUJEESIYO 4:1

Yääje yeijäcä edääje mänwätuujaato, öwö Cajiichaana jo’tädööje jedeesojaato: Chäänönge eichäcä, Wanaadi na’dejjadö weichö nöngeene, ña’dejjadööne aweiya’como.

EUJEESIYO 4:4

Tooni chääjö na, tooni mmaja Epíiditu Santo, tooni mmaja onwomoocödööcomo, yää äwwoncomooje yeichö wetä Wanaadi adha’dejjatäänedö.

JIDIIPENSE 3:14

Nwaadädä dea wöta, chu’nä’taajä döiña tödööene, caju ñano aashichaato wichaana’caiye, yää chääjäcäinchädä Wanaadi tanoonöje cödöötäneedö, Jesuuquidiito sotoije cöweijäcäiñe.

CODOOSENSE 1:12

Mädääje eijai maato aashicha awa’deuwancädäiñe Cumöötoncomo wwä, ñäädä tösootoi wwä tu’emö eiñamooje cödööneichomo’jödö, tawaanato aca cödööneichomo’jödö mmaja.

CODOOSENSE 1:22

Quidiito wäämadö que, yaawä sotooje cönä’ja’dawä cönäämaichö. Töwö Wanaadi mädääje ayöödötääne töwwonooje aweichöcoomo wetä, tösoomaiñe, conemjönö ’je’da mmaja, täcammajä’aamoje’da mmaja.

CODOOSENSE 3:12

Wanaadi nijummadö änwanno, töwö ñei’jödö mmaja, töwwonooje aweichöcoomo wetä. Yääje yeijäcä aashicha weiñä äwwäiñe tödööjai maato, yää wentumje äneetä weiñä, soto jäcäiñe ta’cwaiñe weiñä mmaja, o’jodhe chö’tajäätö’da weiñä mmaja, soto jäcäiñe jäduuje’da weiñä mmaja, aashicha shinchädö mmaja.

1 TEESADOONISENSE 2:12

Edääje äwäätuujatäiñe ñaa cönä’jaacä: “Wanaadi sotoi weichö nönge deaane eichäcä, ñäädä tösootoije adhe’täneichomo’jödö, aashicha töweichö enennamooje adhe’täneichomo’jödö mmaja;” quee töwä’döe ñaa cönä’jaacä äwwäiñe.

1 TEESADOONISENSE 5:27

Edääje wä’döa äwwäiñe Cajiichaana woije: Edä jajeeda a’de’tätääcä’de tameedä quedeiyentecoomo netaadöcoomoje.

2 TEESADOONISENSE 1:11

Yääje yeijäcä Wanaadi wwä töwa’deuwe ñaa weneene äjääcäiñe. Töne’ca’e ñaa weneene tanoonöje ayöödöto’como. Ijäädudu que ä’wa’tojootäiñe ñaa weneene dea, tameedä aashichaato tödö’se määnetäänedö jäcä, ännödööcomo jäcä mmaja, yää aneecamjödööcomo que tönnöe määnetäänedö.

2 TEESADOONISENSE 2:14

Mädääjatooje töwö Wanaadi adha’dejjatääne, aashichaato wätunnä ñaa necammajäätö’jödö que, aashicha Cädhaajotoncomo Jesuuquidiito weichö ejoodödö wetä äwwäiñe.

1 TIIMOTEO 6:12

Aashicha adheewänä’täcä cöneecamjödööcomo jäcäinchädä; chäänönge ajäichä yeichöödoto weiñä, yää chääjäcäinchädä mata’dejjajoonedö wannacoomo soto netaadöcoomoje määcammaaquennawä.

1 TIIMOTEO 6:2

Ñanno quedeiyente chäädhajootoncomo töjimmäje yeijäcäiñe mma onnontä’da eijai’cha naato. Aashicha’cä mmaane tödööjai ñaato, quedeiyenteje yeichomjäcä ñanno tötaadawa’cajonnamo, Wanaadi nijummadööje yeichomjäcä mmaja. Mädääje owaanomaacoto, yäätuujacooto’dede.

2 TIIMOTEO 1:9

Töwö Wanaadi cäwaanacaatäne; ca’dejjatääne dea töwwonooje cöweichöcoomo wetä. Töwö cäwaanacaatäne aashichaato cönnödööcomo jäcäinchädä’da, tumjummadö woijeene, Jesuuquidiito jäcäinchädä cujummatäiñe töweijäcä mmaja. Töwö Wanaadi cujummatääne edä nono tödöödö owaajodääde.

2 TIIMOTEO 2:7

Chö’tamme’cä mädä wecammaadö; Cajiichaana äwwä nu’a’de tameedä chö’tamme’tojo.

EEWEDEO 10:19

Yääje yeijäcä jimmä, Jesuuquidiito aquiiyö jäcäinchädä tösaade’da omomjai caato eduuwa yää Aashichaato Jaiñoone taca.

EEWEDEO 10:21

Jesuuquidiito ñäädä cöjääcäinchädäiñe Wanaadi wwä töwa’deuwemö o’jodhaato, Wanaadi sotoi edhaajotoncomo.

EEWEDEO 10:23

Yäätäädä cötö’tajäätödööcomo cöödöto’ñojo cöwo’womoocödööcomo jäcä, cöweejäduuqueancädäiñe’da, cowaanäcäiñe yeijäcä chäänönge Wanaadi wwä tödöötojo yää cöwwäiñe töneecamma’jödö.

EEWEDEO 13:22

Änwanno jimmä, aashichaane etaatäcä edä äwäätuujadööcomo öwwä; tawe’daasa mma wimennäi äwwadäädäiñe.

EEWEDEO 2:11

Ñanno shooma’como, shoomaneichomo’jödö mmaja, ñäädä dea Yuumötoncomooje na. Yääje yeijäcä töwö Jesuuquidiito, ñäädä Wanaadi nnedö, ijöichöje’da na töjimmäje ñanno e’tädööcomo.

EEWEDEO 2:17

Yääje yeijäcä Jesuuquidiito tameedä töweichö jäcä töjimmä nöngeiñe mmaja töwä’döeemöje cönä’jaacä, wentumje äneetä töweichö wetä yaawä soto jäcäinchädäiñe Wanaadi wwono wa’deuwödööje töwääwaaca’jäcä, chäänönge Wanaadi owaadäädä töweichö wetä mmaja, sotoocomo cone’nadiyöcoomo choccadö wetä yaawä saaquidiijiisiyooje töwä’tudu que.

EEWEDEO 3:12

Jimmä, odhoowadäädäiñe eichäcä, anejja mma adhantawäiñe cone’da chö’tajäätö’no, Wanaadi nudooto jonno ä’sancwajo’no yaawä aneecamjö’da töweichö woije.

EEWEDEO 3:14

Cönwanno Quidiito jadoncomooje caato, yaatameedö jona tödööene ejääduqueejö’da cöweiya’comjäcä cöneecamjödööcomo jäcä, yää yaajäntä’jödö jonnoto’jödöödä queecanö’täneedö.

EEWEDEO 6:20

Iiña Jesuuquidiito womongajä na, cäämadööcomo a’ducaaneije. Mädääje soto jäcäinchädäiñe Wanaadi wwä töwa’deuwemööje töwö cönä’döi, yeichöödäje töweiyemööje, Mequiisedeeque cönä’ja’döje mmaja.

EEWEDEO 7:26

Cöwwäiñe tujunne töweiye cönä’jaacä yääjato cöjääcäinchädäiñe Wanaadi wwä töwa’deuwemö. Aashichaato töwö, conemjönö ’jemjönö mmaja, conemjönö dönnamo jonnoto wä’sancwajaajä mmaja, tameedä caju ñancomo e’jodhaato mmaja.

EEWEDEO 7:28

Waanontänä Moisé nimennä’jödö woije Wanaadi wwono wa’deuwödööje töwääwaaca weneeneto conemjönö tödönnamo mma. Yää waanontänä wä’tu’jeje töwö Wanaadi töwääcammadö que anejja cöneewaacai yaawä töwwono wa’deuwödööje, ñäädä Tönnedö, yeichöödäje chäänönge tödööajä naadö.

EEWEDEO 9:11

Eduuwa mmaane Jesuuquidiito töwe’e na. Töwö na Wanaadi wwä töwa’deuwaamo edhaajotoncomooje, mädä aashicha weiñä naadö tödööneije. Töwö cönoomomöi Wanaadi weichojo neene taca, Aashichaato Jaiñoone taca, soto namäädöcoomojöönö, edä nono de’wonoojönö mmaja.

EEWEDEO 9:15

Yääje yeijäcä töwö Jesuuquidiito na eduuwaato weiñä ecammaajä tödööneije. Quidiito wääma’jödö weijäcä töweiye na eduuwa conemjönö choccatoojo, yää awa’deeto’jä weiñä cönä’ja’dawä soto cönnöichodö choccatoojoje. Yääje yeijäcä ñanno Wanaadi na’dejjadö wwäiñe ä’tujai ña yää töwaatamemjönö tu’emö, chäwwäiñe Wanaadi cöneecammaichö dea.

1 PEEDHODO 2:9

Änwanno mmaane soto eiya’como, Cajiichaana Wanaadi wwä töwa’deuwaamo mmaja, soto coneeca’como mmaja, Wanaadi sotoije mmaja. Yääje yeijäcä änwanno ecammajä’jai maato Wanaadi nödöödö aashichaato, ñäädä tööjano’tacanno adha’dejjaneichomo’jödö tönaawanaanö’cadö aashichaato aca.

1 PEEDHODO 3:5

Mädääje mmaja jenaadä wodiiñamo aashicha’como Wanaadi ecaanö’nnamo töwennataama töweiye cönä’ja’to; töiñonootoncomo woije töweiye cönä’ja’to.

1 PEEDHODO 5:1

Edääje mänwätuujaato änwanno quedeiyente antawäiñe ansiyaanoje maatoodö, öwö mmaja ansiyaanoje weijäcä, Jesuuquidiito wäntunamjödö eneenei’jödö mmaja; aashichaato täneejoomöje naadö eneeneije töweiyemö mmaja öwö dea.

1 PEEDHODO 5:10

A’dhe äwäntunamjö’jejeiñe Wanaadi ocoonecaato’de. Töwö ä’wa’taato’de, yäätäädä äjäädu’taato’dede. Wanaadi ñäädä aashichaato edhaajä. Töwö ca’dejjatääne aashichaato töwaatamemjönö enennamooje cöweichöcoomo wetä, Jesuuquidiito jadä.

1 JUAN 1:3

Töneene’jödö, töneeta’jödö mmaja ñaa necammajä’a äwwäiñe, ääjimmäje cöweichöcoomo wetä. Cönwanno caato Cumöötoncomo jadoonoje, Iiñedö Jesuuquidiito jadoonoje mmaja.

JUUDHA 1:1

Öwö Juudha, Jesuuquidiito anoonö, Jacoowo acoono, edä jajeeda wimenna äwwadäädäiñe, änwanno Cumöötoncomo Wanaadi na’dejjadö, shootoije shooma’como. Änwanno Jesuuquidiito jadoonoje aweijäcäiñe tädai’chä maato chäwwä.

APOOCADIISI 17:14

Tönwanno newäänä’taato’de Oweeja nnedö’cä jadä. Töwö Oweeja nnedö’cä ne’jodheinchaato’de, cajiichaanacoomo Cajiichaanaichomooje töweijäcä, ädhaamo Edhaajotoncomooje töweijäcä mmaja. A’dejja’como ñanno Oweeja nnedö’cä jadoncomo, Wanaadi neichö mmaja, chäänönga’como mmaja; quee cönä’döaacä amoode öwwä.

APOOCADIISI 18:20

Yaatame’jödö weijäcä adha’cwainchatääcä änwanno caju ñancomo, änwanno mmaja Wanaadi sotoi, anonta’como’jödö mmaja, Wanaadi wa’deuwödö ecammannamo’jödö mmaja. Ta’cwaiñe eichäcä Wanaadi wwä ojo’to’jocoomo weijäcä chääjäcä.