EEWEDEO 2:11 - Wanaadi A'deddu

¹¹ Ñanno shooma’como, shoomaneichomo’jödö mmaja, ñäädä dea Yuumötoncomooje na. Yääje yeijäcä töwö Jesuuquidiito, ñäädä Wanaadi nnedö, ijöichöje’da na töjimmäje ñanno e’tädööcomo.

EEWEDEO 2:11 Iomraidhean Croise

MATEO 25:40

Yaawä Cajiichaana chäwwäiñe nä’döa’de: “Chäänönge yääje wä’döa äwwäiñe, tameedä sootoi jäcä mödöötäneedö, mäccö mmädä yeichaame töwö, öwwonooje dea yää mödöötäne;” quee nä’döa’de.

MATEO 28:10

Yaawä Jesuuquidiito cönä’döaacä: —Tösaade’da eichäcä. Jimmä wwäiñe ecammajä’tantäcä, Caadideea ña täiyeto; iiña yeeneaato’de; quee cönä’döaacä.

MAADOCO 3:34

Töwö cöneene’ma’to tawoodhecooconcomo wataajimaadö; cönä’döaacä yaawä: —Canno ñanno maama, yaacontomo mmaja.

MAADOCO 8:38

Canno soto masuuduija’como, conemjöncomo antawäiñe öwö Soto nnedö jöichänei yeiya’jäcä, ya’deddu jöichänei mmaja, öwö mmaja wijöicha’dede Jaaja nnataadö ’je we’a’jäcä Jaaja amoodedö aashicha’como jadäiñe; quee cönä’döaacä Jesuuquidiito.

DUUCA 9:26

Ñäädä öwö Soto nnedö jöichänei, ya’deddu jöichänei mmaja, öwö mmaja wijöicha’dede Cajiichaanaje we’a’jäcä, Jaaja nnataadö jääcä, amoode aashicha’como nnataadö jääcä mmaja.

JUAN 17:19

Tönwanno chääjäcäinchädäiñe chäänönge wa, tönwanno mmaja chäänönge eiyetoode a’deu chäänöngato que.

JUAN 17:21

Äwwä we’ca’a äänönge chö’tajäätödööcomo weichojo, cöwö caadöje mmaja. Amäädä taaca maadö naane’, öwö mmaja ataaca; mädääje mmaja cöjaadä yeicho’como we’ca’a äwwä. Mädääje yeiya’comjäcä edä nono de’woncomo ecaanö’jai ñaato yaawä yaanontänei’jödööje aweichö.

JUAN 20:17

Jesuuquidiito cönä’döaacä chäwwä: —Canaajäi; äncu’da dea wa Jaaja döiña. Äjääne jimmä döiñaiñe; chäwwäiñe ecammacä’de Jaaja döiña wäncudu, ñäädä Oomotoncomo mmaja, öwö Waanadiiyö, änwanno Awaanadiiyöcoomo mmaja; quee cönä’döaacä chäwwä.

DOSECHO 17:26

“Töwö Wanaadi cönnöi tameedä soto yää dea dhaquiiyöje, tameedä nono weichö wa’cä yeichöcoomo wetä. Töwö cuncu’nä’täi yeicho’como, ijaatadööcomo weichojo mmaja.

DOSECHO 17:28

Töwö yoije cöweichöcoomo töweiye na, mädä nudä caatoodö; töwö yoije mmaja cä’jimi’chato dea. Änwanno äjimmotoncomo dea yääje cömmennäi: “Cönwanno Wanaadi jimmäje caato;” quee.

DOMAANO 8:29

Ñanno jenaadä töne’tä’jödö töwö Wanaadi cönnöicho Tönnedö nönge töwä’döaamoje, ñäädä Iiñedö tameedä yuichoncomooje yeichö wetä.

CAADATA 4:4

Yaawä chu’nädö aca yä’döa’jäcä Wanaadi Tönnedö cönaanontäi; wodi ai cönennui. Töwö cönä’jaacä judhíoje, jenaado’ja waanontänä woije.

EEWEDEO 10:10

Töwö Jesuuquidiito Wanaadi woije saaquidiijiisiyooje cönä’tui, tooniye mma yeichöödäje töweiyemööje. Yää saaquidiijiisiyo tödöödö jäcäinchädä Wanaadi cösoomatääne.

EEWEDEO 10:14

Tooniye töwä’tudu que töwö Jesuuquidiito yeichöödäje chäänönge cönnöicho ñanno shooma’como.

EEWEDEO 11:16

Yääje’daane cönä’ja’to; jata aashichaato jaiñoone cönencano’ta’to, caju ñanoone. Yääje yeijäcä Wanaadi ejöichä’da na Yaanadiiyöcoomoje töwäätä’tädö jäcä, ijaatädööcomo cönconeecaichö naane’.

EEWEDEO 13:12

Mädääje mmaja Jesuuquidiito cönäämai, jata tö’cäi, soto coneecadööcomo wetä taquiiyöque.

EEWEDEO 2:14

Ñanno “önnacoomo” quee naadö, soto ecammancädäiñe yääje nä’döa. Yääje yeijäcä Jesuuquidiito sotooje cönä’döi, töwäämadö que wäämanä edhaajä e’jodheinchadö wetä yaawä, ñäädä odo’shaje naanei.

EEWEDEO 3:1

Yääje yeijäcä jimmä shooma’como, änwanno Wanaadi sotoije a’dejja’como, Jesuuquidiito jäcä ätö’tajä’täcä, ñäädä Anontaajä, cöjääcäinchädäiñe Wanaadi wwä töwa’deuwemö, ñäädä queecanö’atoodö.