EEWEDEO 13:3 - Wanaadi A'deddu

³ I’wa’tätääcä ñanno jedeesoja’como, amäädä chääjadäiñe jedeesoje eijai maadö wa’cä deaane. I’wa’tätääcäde ñanno töwäätä’maminchajo weneenetoodö, änwanno ätä’maminchajoojai mmaja aweichöcoomo chö’tamme’cancädä.

EEWEDEO 13:3 Iomraidhean Croise

MATEO 25:36

Töwonque’da wéichawä änwanno woomö mu’täne. Cädäije weichawä, jedeesoje weichawä mmaja, änwanno yeenetä mä’ja’quene;” quee nä’döa’de Cajiichaana.

MATEO 25:43

Tömmaiche’da weichawä mmaja änwanno wääwa’totoojo aneecamma’da mä’ja’quene. Töwonque’da weichawä woomö äntu’da mä’ja’quennea. Cädäije weichawä, jedeesoje weichawä mmaja, yeenejäätö’da mä’ja’quene;” quee nä’döa’de Cajiichaana ñanno ämu’dato dö’sencomo wwä.

DOSECHO 24:23

Yaawä töwö Jeedi suddau edhaajotoncomo cönaanontäi Paudo edai’chädö jäcä, jedeeso neeneje’daane, ijimmä omomjai cheaane yöiña, i’wa’tädö wetä.

DOSECHO 27:3

Yää jenamma naadöje ñaa cönaajäi yaawä Sidhón ña. Ñäädä Juudiyu aashicha Paudo cönnöi. Töwö chäwwä cöneecammai ijimmä döiñaiñe iichotoojo, i’wa’tädö wetä chäwwäiñe.

DOMAANO 12:15

Ta’cwaiñe eichäcä ta’cwaiña’como jadä; wentumja’como jadä mmaane töwaamo daja aamotääcäde.

1 CODINTIYO 12:26

Tooni adheejö jäcoono wäntunaanö’a’jäcä tameedä adheejö näntunaanö’a yaawä. Tööni adheejö jäcoono aashichaato oneeja’jäcä tameedä adheejö na’cwaincha yaawä.

EUJEESIYO 4:1

Yääje yeijäcä edääje mänwätuujaato, öwö Cajiichaana jo’tädööje jedeesojaato: Chäänönge eichäcä, Wanaadi na’dejjadö weichö nöngeene, ña’dejjadööne aweiya’como.

CODOOSENSE 4:18

Öwö Paudo dea edä yä’catoojo wimenna. Jedeesoje weichö jäcä mma ätö’taque’täi’che. Wanaadi nutuudu aashichaato äwwäiñe yei’she wa. Amén.

EEWEDEO 10:34

Änwanno wentumje töneene mä’ja’quene ñanno jedeesoja’como. Anejjacoomo wwäiñe ännöjäätödööcomo que adhenwajiiñataame cone’da ä’döjo’da töweiye mä’ja’quene, odhoowanääcäiñe yeijäcä caju ña äwwäiñe aashichaato jaiñoone töweiye yeichö, töwaatamemjönööne.

EEWEDEO 11:37

Täju que mmaja töweewäjoojä’e töweiye cönä’ja’to, anejjacoomo ’quene annai töwaatacä’jo; töwä’yunaacajo töweiye cönä’ja’to dea, sauda canaadoje töwäämajo mmaja. Tönwanno oweeja iji’jämjödö awä töwäämannä’e cönä’ja’to, chiiwo iji’jämjödö awä mmaja. Wentumje töweiye cönä’ja’to, täntunaanö’e mmaja, tömaamincha mmaja.

1 PEEDHODO 3:8

Edääje mmaja wä’dö’se wa dea äwwäiñe: Tameedäädä äänönge ätö’tajä’täcä; wentumje äneetä eichäcä. Ä’jummatääcä, töweichacoono ijummadö töweiye naichöje. Ta’cwaiñeiñe eichäcä, o’jodhe chö’tajäätö’da mmaja.