EEWEDEO 13:2 - Wanaadi A'deddu

² Adhe’sacaiñe aneewa’tojo’da’da eichäcä aneiñajancomo we’a’como, aneewashinchäiñe’da’da mmaja. Mädääje anejjacoomo soto aashichaato cönnöicho amoode jäcäiñe, Wanaadi amoodedööje yeichöcoomo towaanäcäiñe’da yeichaame.

EEWEDEO 13:2 Iomraidhean Croise

MATEO 25:35

Öwö ämiije weichawä änwanno cäwanshinchätääne. Emjätö’se weichawä mmaja woocödö mu’täne dea öwwä. Tömmaiche’da weichawä änwanno wääwa’totoojo mecammatääne yaawä.

MATEO 25:40

Yaawä Cajiichaana chäwwäiñe nä’döa’de: “Chäänönge yääje wä’döa äwwäiñe, tameedä sootoi jäcä mödöötäneedö, mäccö mmädä yeichaame töwö, öwwonooje dea yää mödöötäne;” quee nä’döa’de.

MATEO 25:43

Tömmaiche’da weichawä mmaja änwanno wääwa’totoojo aneecamma’da mä’ja’quene. Töwonque’da weichawä woomö äntu’da mä’ja’quennea. Cädäije weichawä, jedeesoje weichawä mmaja, yeenejäätö’da mä’ja’quene;” quee nä’döa’de Cajiichaana ñanno ämu’dato dö’sencomo wwä.

DOSECHO 16:15

Yää ’jeje töwö wautisaaje cönä’döjoi, yä’jimmä’tädö mmaja. Yaawä töwö cönä’döaacä ñaa wwä: —Cajiichaana ecaanö’nei chäänöngatooje äwwäiñe tö’ta’jäcä, ömmai chaca odhoomontäcä, iiña määwa’tätäiye; quee cönä’döaacä. Töwö ñaa amonno’jone yaawä tä’saca.

DOMAANO 12:13

Quedeiyentecoomo i’wa’tätääcä chäwwäiñe a’que yeichawä. Aashicha tödöötäcä adöiñancomo wä’döa’como.

DOMAANO 16:23

Caayo mmaja ta’deujödö nadääja dea, ñäädä immai chaca öwö Paudo wä’döaajä waadö; tameedä quedeiyentecoomo wä’döto’comooje mmaja na dea edä Caayo mmai. Edaasato mmaja ta’deujödö nadääja dea äwwadäädäiñe, ñäädä jata jödaatai edhaajä; cöjimmotoncomo Cwaadoto mmaja.

1 TIIMOTEO 3:2

Yääje yeijäcä ñäädä ansiyaano aashicha eijai ña, täcammajä’emööje’da töweichö wetä. Tooni mma ijiiñamo eijai ña; wataasheje’da’da mmaja töwö eijai ña dea, acu’shämje mmaja, dhanwaaje mmaja. Tödöiñano wä’döaajä aashicha tödööjai ña töwö. Dhowaanäcä eijai ña soto owaanomaadöcoomo.

1 TIIMOTEO 5:10

Tacaade eijai ña aashichaato iiñö’jödö, mude’cä’cä iiñejenca’jödö jeiñe mma, aashicha soto tödöiñano womoomödö tödö’jödö jeiñe mma, quedeiyentecoomo i’wa’tä’jödö jeiñe mma, wentumja’como i’wa’tä’jödö jeiñe mma, anejja aashichaato tödö’jödö jeiñe mma.

TIITO 1:8

Tödöiña yä’döa’como ewanshinchäneichomooje töwö eijai ña. Aashichaato tödööneije eijai ña dea, towaadoodoto mmaja, chäänöngato mmaja, Wanaadi woijato mmaja, acu’shämjato mmaja.

1 PEEDHODO 4:9

Adhaaquiñuuducoomoje yeiyancädä’da soto adhe’sacaiñe ewa’tojootäcä, ewanshinchätääcä’dede.

3 JUAN 1:5

Weichacoono umjummadö, chäänönge töwäänejo määnene äwwä quedeiyentecoomo i’wa’tädööcomo que, odhoowanoojöncomo yeichaameiñe.