EEWEDEO 12:3 - Wanaadi A'deddu

³ Yääje yeijäcä ñäädä jäcä ätö’tajä’täcä, ñäädä conemjönö dönnamo wwäiñe tutuushimaadö shinchänei’jödö, aquinchadööcomo queiñe, aweejäduuquejöödöcoomo queiñe mmaja.

EEWEDEO 12:3 Iomraidhean Croise

MATEO 11:19

Yää ’jeje Soto nnedö cöneejä, öwö waadö. Öwö mmaane soto jadäiñe töwääwashinchä wääene, woocödö tönenque mmaja. Ämiijatooje daja ye’tätä määnetääne, töwä’dau’cwatooje mmaja. “Conemjöncomo wacöötö mä’dä, acu’shänä jödaatai i’jummannamo wacöötö mmaja;” quee töwä’döe määnetääne jääcä. Yääje yeichaame wätunnä ecaanö’nnamo chäänönge yeiya’comjäcä owaanäcä yaawä yää wätunnä chäänönge yeichö; quee cönä’döaacö Jesuuquidiito.

MATEO 12:24

Jaadiseeo cöneeta’to yääje ya’deuwödööcomo. Tönwanno cönä’döa’to: —Mä’dä dhanwa odo’shancomo tömja’canö’jo weneene Weesewú jäduudu que, ñäädä odo’sha edhaajotoncomo; quee cönä’döa’to.

MATEO 15:2

—¿Ane’que’nei onoowanoomadö ei’cha naicho jenaado’jocoomo wätunnäichomo nönge? Tönwanno tamäädöcoomo amoichadööjo’da töwääwashinchä weneeneto; quee cönä’döa’to.

MATEO 21:23

Jesuuquidiito cönoomomöi yaawä Wanaadi weichojo taca. Chäwwä soto owaanomaadawäiñe Wanaadi wwä töwa’deuwaamo edhaajotoncomo cöneejoto yöiña, judhío edhaajotoncomo mmaja, ñanno inchoncomo. Tönwanno cönä’döa’to: —¿Änääcö woije mädä tönnöe määnene? ¿Änääcö cuntui mädä tödöötojo äwwä? quee cönä’döa’to.

MATEO 21:46

Tönwanno ajäi’she cönä’ja’to. Yaawääne’ soto cönnonta’to, töneecanö’e yeichomjäcä Wanaadi wa’deuwödö ecammaneije Jesuuquidiito weichö.

MATEO 22:15

Yääje mma yaawä jaadiseeo cöntonto; tönwannoje dea cöna’deuwa’to cone’da Jesuuquidiito a’deudeme’jotoojo jäcä, chääjäcä cone’da töwa’deuwödööcomo wetä yaawä.

DUUCA 14:1

Yääje mma yaawä wäädeetatoojo anooto awä Jesuuquidiito cönoomomöi jaadiseeo täneejucaato mmai chaca, ääwashinchä. Anejjacoomo jaadiseeo yäätä cönä’ja’to dea chu’de’tä’se ene’madööje.

DUUCA 15:2

Yääje yeijäcä ñanno jaadiseeocoomo, judhío owaanomannamo mmaja, Jesuuquidiito jäcä cönenta’me’ca’to; cönä’döa’to: —Mä’dä conemjönö dönnamo jadä weneene, chääjadäiñe töwääwashinchä mmaja; quee cönä’döa’to.

DUUCA 16:14

Ñanno jaadiseeo, jödaata jummannamo, yääje yä’dödö cöneetajä’a’to; Jesuuquidiito cönenno’jä’a’to yaawä.

DUUCA 2:34

Yaawä Simeón Wanaadi wwä cöna’deuwöi chääjäcäiñe. Cönä’döaacä yaawä yeenö Madía wwä: —Edääje wä’dö’se wa äwwä: Määdhä mude’cä’cä na’de jooje iisadaaediitacoomo wejuccato’comooje; dhantai mmaane yaadoncato’comooje na’de. Töwö ta’dumi ñönge na’de; töwä’quiiñeme’jo mma nä’quiiñeme’ja’de.

DUUCA 5:21

Yääje mma yaawä ñanno judhío owaanomannamo, jaadiseeocoomo mmaja, cöntö’tajä’a’to: “ ¿Änääcöömä mä’dä, mädä wa’cä cone’da na’deuwanä Wanaadi jäcä? Anejja conemjönö encwanno’jojai’cha na, Wanaadi mmaane;” quee cöntö’tajä’a’to.

JUAN 10:20

Dhantai cönä’döa’to: —Odo’sha ’je na; tö’jeta na. ¿Ane’cotoojo dha’deddu metaato? quee.

JUAN 18:22

Yääje ya’deuwa’jäcä Wanaadi weichojo edai’chänei Jesuuquidiito cömjojeeta’moi; cönä’döaacä chäwwä: —¿Mädääje Wanaadi wwä töwa’deuwaamo edhaajotoncomo meccujä’anä? quee cönä’döaacä.

JUAN 5:16

Yääje yeijäcä judhíocoomo yuunaca’se töweiye cönä’ja’to Jesuuquidiito. Tönwanno ema’se cönä’ja’to yää tönnöe yeijäcä wäädeetatoojo anooto awä.

JUAN 7:12

Jooje soto cöna’deuwa’to chääjäcä. Anejjacoomo cönä’döa’to: “Aashichaato töwö;” quee; anejjacoomo ’quene cönä’döa’to: “Cone’da töwö, soto täncu’täiñe;” quee daja.

JUAN 8:13

Yaawä jaadiseeo cönä’döa’to chäwwä: —Amäädä deja mma määcamma; yääje yeijäcä chäänönge’da äwääcammadö na; quee cönä’döa’to.

JUAN 8:52

Yaawä ñanno judhíocoomo cönä’döa’to chäwwä: —Eduuwa ñaa owaanäcä na odo’sha ’je aweichö. Aawadán töwääma na, tameedä Wanaadi wa’deuwödö ecammannamo’jödö mmaja; yääje yeichaame yääje mä’döaanä: “Ya’deddu woije tödöönei ääma’da na’de;” quee.

JUAN 8:59

Yää etaadö’jo täju cönannä’jätöicho Jesuuquidiito töwäädö wetä, töwäädä töwö cönootone’täiñe’; tacaade’da töwö cöneeja’cai yaawä yo’tacannoiñe, Wanaadi weichojo tacanno cöntämä yaawä.

JUAN 9:40

Yäätä cönä’ja’to anejjacoomo jaadiseeo. Tönwanno eöneeta’to yääje ya’deuwödö; cönä’döa’to: —¿Tänuuque’da mmaja ca ñaa nai chea yääje yeiya’jäcä?

1 CODINTIYO 15:58

Yääje yeijäcä jimmä umjummadö, jäduujeiñe eichäcä; yäätäädä ätö’tajäätödööcomo tödöötäcä, jooje’cä Cajiichaana tadaawaajui tödööancädä aweichöcoomoje, odhoowanääcäiñe yeijäcä töwäädämmatooje’da yeichö Cajiichaana Jesuuquidiito wwonooje aweetadaawa’cajoodöcoomo.

2 CODINTIYO 4:1

Yääje yeijäcä ejääduqueejö’da ñaa na, Wanaadi nödööjo’jödö yeijäcä edä ñaa tadaawaajuije naadö, wentumje äneetä töweichö woije ñaa wwä cuntuichö.

2 CODINTIYO 4:16

Yääje yeijäcä ejääduqueejö’da ñaa weneene. Ñaa ejö wataametaame, ñaa do’tacaano mmaane anooto waadäi töwaatö’nä’e’cä mma naatö’nä’a.

CAADATA 6:9

Yääje yeijäcä chincha’da queicho’ñojo aashichaato tödöödö jäcä. Chu’nädö aca yä’döa’jäcä aashichaato nä’tua’de cöwwäiñe, ejääduqueejö’da cöweiya’comjäcä.

2 TEESADOONISENSE 3:13

Jimmä, chaaquejö’da eichäcä aashichaato tödöödö jäcä.

EEWEDEO 12:2

Jesuuquidiito ene’mancädä queichäiye, ñäädä cöneecamjödööcomo äjäntänei’jödö, chäänönge tödöönei mmaja. Töwö Jesuuquidiito cuduusa jäcä cönäntunamjöi yääje töwäämadö ijöichancädä’da. Töwö dhowaanäcä cönä’jaacä töwäntunamjö’jeje ta’cwaiñe töweichojo, aashicha töweichojo mmaja. Yää ’jeje töwö cönaatajiimai Wanaadi mudei yö’tä, ämu’demjönö dö’se.

EEWEDEO 12:5

¿Tötö’taque’e ca maato Wanaadi wwä äwäätuujadööcomo jäcä, yää tönnedö wwä wa’deunä naichöje äwwäiñe cöna’deuwöichö? Edääje nä’döa dha’deddu imennaajä jäcä: Önnedö, mänquiiñemeecöi Cajiichaana wwä äwäätuujadö. Chäwwä acuuseijadaawä mmaja ejääduqueejö’da eichä’de.

EEWEDEO 3:1

Yääje yeijäcä jimmä shooma’como, änwanno Wanaadi sotoije a’dejja’como, Jesuuquidiito jäcä ätö’tajä’täcä, ñäädä Anontaajä, cöjääcäinchädäiñe Wanaadi wwä töwa’deuwemö, ñäädä queecanö’atoodö.

1 PEEDHODO 2:23

Töwö tutuushimaadawä oojo’tä’da cöneiyacä. Täntunamjödaawä äncu’nä’täjäätö’da cöneiya’dea. Töwä’tue mmaane cönä’tui Wanaadi wwä, ñäädä chäänönge ämmencanei wwä.

APOOCADIISI 2:3

Amäädä töwäntunaanö’e määnene; aashicha tönshinchä määnene dea. Jooje na junnei aweetadaawa’cajo’jödö, aweejäduuqueancädä’da.