EEWEDEO 12:2 - Wanaadi A'deddu

² Jesuuquidiito ene’mancädä queichäiye, ñäädä cöneecamjödööcomo äjäntänei’jödö, chäänönge tödöönei mmaja. Töwö Jesuuquidiito cuduusa jäcä cönäntunamjöi yääje töwäämadö ijöichancädä’da. Töwö dhowaanäcä cönä’jaacä töwäntunamjö’jeje ta’cwaiñe töweichojo, aashicha töweichojo mmaja. Yää ’jeje töwö cönaatajiimai Wanaadi mudei yö’tä, ämu’demjönö dö’se.

EEWEDEO 12:2 Iomraidhean Croise

MATEO 16:21

Yaawä Jesuuquidiito cönaajäntäi tönoowanoomadö wwäiñe ecammajäätödö Jeduusadén ña töötotoojo jäcä, iiña inchoncomo wwä töwäätä’maminchajootojo jäcä mmaja, Wanaadi wwä töwä’deuwaamo edhaajotoncomo wwäiñe mmaja, judhío owaanomannamo wwäiñe mmaja. Chäwwäiñe tämaatojo cöneecamma’dea, aaduwaawä anoototo ai töwaadoncatoojo mmaja.

MATEO 20:28

Soto nnedöödä cöneejäne’, soto anontäneichomooje’da, chäwwäiñe tödööneije mmaane, töwä’tudu wetä mmaja jooje soto wääwanaacato’comooje; quee cönä’döaacä Jesuuquidiito.

MAADOCO 14:36

Töwö cönä’döaacä töwa’deuwödaawä: —Jaaja, tameedä tödööjai ma amäädä. Mädä wäntunaanö’tojo mäiñetuncajoi’che öwwä. Yaawääne’ amäädä ätö’tajäätödö woijeene cödööcä, öwö woije’daane; quee cönä’döaacä.

MAADOCO 15:28

Mädääje Wanaadi a’deddu imennaajä nönge cönä’döi yaawä, yää yääje yä’dödö naichö: “Conemjönö dönnamo jimmäje cöne’toicho;” quee.

MAADOCO 16:19

Chäwwäiñe yääje töwa’deuwödö’jo Cädhaajotoncomo Jesuuquidiito cönaatadoojoi yaawä caju ña. Wanaadi nnäcä cönaatajiimai yaawä, ämu’demjönö dö’se.

MAADOCO 9:12

Töwö cöneccujä’a’to; cönä’döaacä chäwwäiñe: —Chäänöngato mädä; Edía awa’de ye’tojo na, tameedä choonecaaneije. Öwö, Soto nnedö, jääcä imennaajä töweiye na, yää wäntunaanö’tojo jäcä, wä’quiiñeme’jotoojo jäcä mmaja.

MAADOCO 9:24

Yaawä mude’cä’cä umö töcä’de cöna’deuwöi; cönä’döaacä: —Wecaanö’a; cö’wa’täcä chäänönge jeene wecamjöiye; quee.

DUUCA 17:5

Yääje mma yaawä ñanno anonta’como cönä’döa’to Cädhaajotoncomo wwä: —Jooje’cä ñaa necamjödö ijäädu’täcä; quee.

DUUCA 23:11

Yaawä Edoodhe, shootoi suddau mmaja, Jesuuquidiito cönquimmajä’a’to. Tönwanno enno’jätöödöje cönwontoicho cajiichaana womö awä. Yaawä Edoodhe cöniiñacaanö’joi chea Pidaato wwadäädä.

DUUCA 24:26

¿Mädääje äntunamjö’da ca Äwaanacaanei weichojo cönä’jaacä, o’jodhe töwä’döjootojo owaajo? quee cönä’döaacä Jesuuquidiito ñanno aaco’como wwäiñe.

JUAN 1:29

Yää jenamma naadöje Juan cöneeneaacä Jesuuquidiito töwwadäädä yeejödö. Töwö Juan cönä’döaacä yaawä: —Eneetäcä, määdhä ñäädä Oweeja nnedö’cä nöngato, Wanaadi nanontädö, tameedä soto cone’nadiiyöcoomo coccanei.

JUAN 12:24

Chäänönge yääje wä’döa äwwäiñe, äiña adöödö ñaatö’taajä e’mo’da yeiya’jäcä a’tajai’cha na yaawä. Dha’da ye’moa’jäcä yaawääne a’tajai ña; jooje chääjedöödö töweiye na yaawä.

JUAN 12:32

Öwö edä nono jonno waatannä’ja’jäcä tameedä soto wene’aato’de öwwadäädä; quee cönä’döaacä Jesuuquidiito.

JUAN 6:40

Ñäädä Iiñedö eneenei, ecaanö’nei mmaja, yeichö töwaatamemjönö töweiye na, yaanontänei’jödö woije dea; öwö wadonca’de yaawä anooto wataamedaawä; quee cönä’döaacä Jesuuquidiito.

JUAN 8:56

Ñäädä adhaadai’choncomo Aawadán öwö woomocöödöje töweiye cönä’jaacä, weejödö ene’se töweijäcä. Töwö cöneeneaacä weejödö; cöna’cwainchai yaawä; quee cönä’döaacä Jesuuquidiito.

DOSECHO 2:36

“Yääje yeijäcä tameedä iisadaaediitacoomo chäänönge towaanäcäiñe tödööjai ñaato ñäädä dea Jesuuquidiito cajiichaanaje tödö’jödö yeichö Wanaadi wwä, Äwaanacaaneije mmaja, ñäädä cuduusa jäcä majoijotäänedö dea; quee cönä’döaacä Peedhodo soto wwäiñe.

DOSECHO 3:15

Mädääje änwanno memaatäne ñäädä weichojo edhaajä. Yääje yeichaame Wanaadi cönaadoncai yäämaajo jonno; ñaa owaanäcä na yääje yeichö, eneetö’da.

DOSECHO 5:31

Ñäädä Wanaadi Jesuuquidiito cönnöi tönnäcä, ämu’demjönö dö’se; o’jodhe cönnöi, Cajiichaanaje mmaja, Äwaanacaaneije mmaja, tötö’tajäätödööcomo sha’duminchadö wetä iisadaaediitacoomo wwä, choone’nadiiyöcoomo ätäncwanno’joiye yaawä.

DOSECHO 5:41

Ñanno anonta’como cöntonto yaawä täcamma’jonnamo jonnoiñe. Tönwanno ta’cwaiñe cönä’ja’to Jesuuquidiito ecamjödö jo’tädööje töwäntunamjödööcomo weijäcä, Wanaadi woije dea.

1 CODINTIYO 1:18

Cuduusa jäcä Quidiito wääma’jödö jäcä ecammajäätödö na i’jeta’jödö nönge ñanno töwännanö’aamo wwäiñe; cönwanno töwääwanaacaamo mmaane cowaanäcäiñe na Wanaadi jäduuduje yeichö.

1 CODINTIYO 1:23

Yääje yeichaame ñaa töneecammajä’e weneene Quidiito, ñäädä cuduusa jäcoono wääma’jödö. Yää ecammajäätödö na judhío cone’da yä’döjooto’comooje, judhíojöncomo wwäiñe ’quene na i’jeta’jödö nönge.

EUJEESIYO 2:16

Cuduusa jäcä töwäämadö que töwö Quidiito cönaacoichajoi yää äätu’dedööje yei’jocoomo ñanno judhío, judhíojöncomo mmaja; töwö Wanaadi jadä ääweichacoonoje cönnöicho, tooni iju’jä mma cönnöicho.

EUJEESIYO 5:2

Wä’jummanä ’je eichäcä, Quidiito cujummatäänedööje mmaja. Töwö saaquidiijiisiyooje cönä’tui cöjääcäinchädäiñe, oweeja nnedö’cä töweiye naichöje. Yää yä’tu’jödö Wanaadi wacö’je cönä’jaacä, Wanaadi wwä u’ajä caadono ijoodö töweiye naichöje.

JIDIIPENSE 1:6

Yoowanääcä na ñäädä äjääcäiñe aashichaato tödöödö cönaajäntäichö chäänönge tödöödöje dea yeichö, Jesuuquidiito weejödö wa’cä.

JIDIIPENSE 3:20

Cönwanno cöjaatadööcomo mmaane na caju ña. Iiñanno Äwaanacaanei weejödö quiiyomo’cato, ñäädä Cajiichaana Jesuuquidiito.

2 TIIMOTEO 4:8

Yääje yeijäcä öwwonooje yeeje’jödö tösooma na, yää chäänönge wei’jödö eje’jödö. Cajiichaana yää nu’a’de öwwä yää anooto awä, ñäädä chäänönge emmencanei. Öwwä mma’da yää nu’a’de, tameedä ñanno ijummadö que yeejö’sa’como’jödö wwäiñe mmajaane.

EEWEDEO 1:13

Amoode wwä’da edääje Wanaadi cönä’döaacä: Önnäcä ataajimaacä, ämu’demjönö dö’se, odho’cäi ätu’de’tännamo tödöödö wa’cä öwwä; quee.

EEWEDEO 1:3

Töwö Jesuuquidiito aashicha Wanaadi weichö neneeja; töwö na Wanaadi weichö nönge dea. Töwö dha’deddu jäduujato que dea tameedäädä töweiye weneene. Cöcoone’nadiiyöcoomo choccadö’jo töwö Jesuuquidiito cönaatajiimai Wanaadi mudei yö’tä caju ña, ämu’demjönö dö’se.

EEWEDEO 10:14

Tooniye töwä’tudu que töwö Jesuuquidiito yeichöödäje chäänönge cönnöicho ñanno shooma’como.

EEWEDEO 10:33

Änwanno soto wwäiñe mä’quiiñeme’jotääne, mätä’maminchajootäne dea tameedä täneemöje. Ajimmotoncomo wätä’maminchajoodawäiñe äwwäiñe mmaja yää se’ne cönä’ja’dea, äwäätä’maminchajoodöcoomo awooto wa’cä mmaja.

EEWEDEO 11:36

Dhantai töwäätana’tajoojä’e töweiye cönä’ja’to, töwaataiju’jojä’e mmaja, cadheena que’jödöödä töwä’möjoojä’e töweiye cönä’ja’to dea, jedeesoje töwä’döjoojä’e mmaja.

EEWEDEO 12:3

Yääje yeijäcä ñäädä jäcä ätö’tajä’täcä, ñäädä conemjönö dönnamo wwäiñe tutuushimaadö shinchänei’jödö, aquinchadööcomo queiñe, aweejäduuquejöödöcoomo queiñe mmaja.

EEWEDEO 13:13

Yääje yeijäcä Jesuuquidiito wwadäädä cöötätäiye cönwanno, jata tö’cäi; töshinchääne quiishinchätäiye Jesuuquidiito jo’tädööje cöquiiñemeecödööcomo.

EEWEDEO 5:9

Chäänönge töwä’döa’jäcä töwö Jesuuquidiito wääwanaacatoojo yeichöödoto u’neije cönä’döi yaawä, tameedä ta’deddu woije tödönnamo wwä.

EEWEDEO 7:19

Yää waanontänä, Moisé nimennä’jödö, chäänönge ännö’da cöneiyacä. Yää nwacaanoje na eduuwa aashichaato jaiñoone; yää jäcäinchädä Wanaadi wwadäädä cöötaato.

EEWEDEO 8:1

Edääje wä’dö’se weichö mädä: Cöwwäiñe töweiye na wecammaadöjaato cöjääcäinchädäiñe Wanaadi wwä töwa’deuwemö. Töwö caju ña na Wanaadi mudei yö’tä yaatajiimaajä, ämu’demjönö dö’se.

EEWEDEO 9:28

Yääje mmaja Quidiito, tooniye saaquidiijiisiyooje cönä’tui jooja’como soto cone’nadiiyöcoomo choccatoojoje. Äcuude töwö ne’a’dede sadä, conemjönö choccaneije’da yaawä, töwoomo’nenaamo ewaanacäiñeene.

SANTIYAACO 2:1

Jimmä, ooto’jodhe soto ännö’da eichäcä, Jesuuquidiito ecamjödö ’je aweiya’como, ñäädä Cädhaajotoncomo aashichaato.

1 PEEDHODO 1:11

Yeeja’dätäädö owaajodä Epíiditu Santo chäwwäiñe töneecammajä’e cönä’jaacä Quidiito wäntunaanö’tojo, aashicha weiñä yää ’jeje töweiyemö jäcä mmaja. Ñanno Wanaadi wa’deuwödö ecammannamo a’que töntö’tamme’que töweiye cönä’ja’to ñäädä Epíiditu Santo tötaacaiñe cönä’ja’dö necammadö, ñeecammadö we’tojo cu’nädö mmaja a’que töntö’tamme’que töweiye cönä’ja’to dea.

1 PEEDHODO 3:18

Quidiito mmaja cönäntunamjöi chea; cöcoone’nadiiyöcoomo jo’tädööje töwö cönäämai, tooniye mma, yeichöje töweiyemööje. Töwö chäänönge töweichaame chäänöngemjöncomo jäcäinchädä cönäämai, Wanaadi wwadäädä cäneejödööcomo wetä. Töwö chääjö wääma’jödö weichaame, Epíiditu Santo woije cönaadoncai.

1 PEEDHODO 3:22

Töwö Jesuuquidiito caju ña cöntämä; yäätä na eduuwa Wanaadi jäcä ämu’demjönö dö’se. Töwö na tameedä Wanaadi amoodedö e’jodheiñe, cajiichaanacoomo e’jodheiñe mmaja, jäduuja’como e’jodheiñe mmaja.

JUUDHA 1:21

Wanaadi nijummadööje eichäcä. Töwäämaamöje’da cöweicho’como utuutojo anootoi’chädö yoomo’täcä, yää wentumje äneetä töweichö woije Jesuuquidiito cöwwäiñe nu’a’dedö.

APOOCADIISI 1:11

Edääje cönäätaacä: —Öwö ñäädä awa’deeto, yaatameedö mmaja. Yää meneea’dedö imennäcä’de jajeeda jäcä; adoojocä’de yaawä Aasiya ñancomo quedeiyentecoomo wwadäädä, ñanno aacä amoojato ijaatadööcomo naadö, ñanno Eujeeso ñancomo, Eesimiidana ñancomo mmaja, Peecamo ñancomo mmaja, Tiiyatiida ñancomo mmaja, Saadisi ñancomo mmaja, Jiidadeujiya ñancomo mmaja, Daodiseea ñancomo wwadäädäiñe mmaja imennaajä adoojocä’dede; quee cönäätaacä a’deu.

APOOCADIISI 1:17

Öwwä eneea’jäcä ye’duccane yo’wawä, yaatacoichaajä nönge. Yaawä töwö yaajojoone tamäädö ämu’demjönö que; cönä’döaacä: —Määcatoncai; öwö ñäädä awa’deeto, yaatameedö mmaja.

APOOCADIISI 1:8

“Öwö ñäädä yaajäntä’jödö, yä’cadö mmaja;” quee nä’döa Cajiichaana jäduujato, ñäädä eduuwa naadö, jenaadä cönä’ja’dö dea, äcuude na’dedö dea.

APOOCADIISI 2:8

Edääje mmaja ñäädä soto nnedö nöngato cönä’döa’dea öwwä: —Edääje imennäcä’de amoode wwadäädä, ñäädä Eesimiidana ñancomo quedeiyente edai’chäneichomo wwadäädä: “Edääje nä’döa ñäädä awa’deeto, yaatameedö mmaja, ñäädä cönäämaichö, töwäämaajo jonno cönaadoncaichö: