EEWEDEO 10:5 - Wanaadi A'deddu

⁵ Yääje yeijäcä edä nonoodö de’cäi töweejödaawä edääje Jesuuquidiito cönä’döaacä Wanaadi wwä: Amäädä saaquidiijiisiyo ämjumma’da ma, odoocojaato amiiñä’caajä utuudu ämjumma’da mmaja. Yääje yeijäcä yeejö mamoode’näne.

EEWEDEO 10:5 Iomraidhean Croise

MATEO 11:3

Jesuuquidiito döiña, ecamma’jo: —¿Ñäädä ca amäädä Äwaanacaanei, töwe’emööje tacaade naadö? ¿Anejjaane ñaa niyoomo’canä? quee cönä’döa’to ñanno Jesuuquidiito wwä.

DUUCA 1:35

Amoode cönä’döaacä: —Epíiditu Santo nä’ta’de äjääcä; O’jodhaato jäduudu aneejonta’de. Yääje yeijäcä ñäädä ännedö töwennueemö Aashichaatoje nätä’täja’de, Wanaadi nnedööje.

DUUCA 7:19

Juan cöna’dejjaicho yaawä aacä tönoowanoomadö; cönenno’jaicho Jesuuquidiito ecamma’jo: “ ¿Ñäädä ca amäädä Äwaanacaanei, töwe’emööje tacaade naadö, anejjaane ñaa niyoomo’canä?” quee ecamma’jo.

JUAN 1:14

Ñäädä A’deu sotooje cönä’döi. Töwö cöneejata’täi ñaa antawä. Aashichaato cönä’jaacä töwö, chäänöngato mmaja. Ñaa cöneeneaacä aashicha yeichö, yää yäätonno ’jemjönö Yuumö nnedö wwä töweiye naichö.

CAADATA 4:4

Yaawä chu’nädö aca yä’döa’jäcä Wanaadi Tönnedö cönaanontäi; wodi ai cönennui. Töwö cönä’jaacä judhíoje, jenaado’ja waanontänä woije.

1 TIIMOTEO 3:16

Chäänöngato mädä adai’jä cöneecamjödööcomo weichö, yää owaanojöönö’jödö, edääje yeichö: Wanaadi sotooje cönäänejoi; Epíiditu Santo chäänönge yeichö cöneenejoi; amoode cöneenea’to. Tameedä soto wwäiñe töwö cönäätäcammai chea; tameedä yeichö wa’cä cönäätäcamjöi yaawä; caju ña cönaatadoojoi chea.

EEWEDEO 1:6

Edääje Wanaadi cönä’döaacä awa’deeto Tönnedö anonta’jäcä edä nono de’cäi: Tameedä Wanaadi amoodedö niya’demeecö’ña’to; quee cönä’döaacä.

EEWEDEO 10:10

Töwö Jesuuquidiito Wanaadi woije saaquidiijiisiyooje cönä’tui, tooniye mma yeichöödäje töweiyemööje. Yää saaquidiijiisiyo tödöödö jäcäinchädä Wanaadi cösoomatääne.

EEWEDEO 10:7

Yääje yeijäcä edääje wä’döaaquene äwwä: “Eetä wa öwö, amäädä Wanaadi, owoije tödööneije, jääcä jajeedä imennaajä wä’dödö naadöje dea;” quee cönä’döaacä Jesuuquidiito Wanaadi wwä.

EEWEDEO 10:8

Awa’deene Quidiito necamma saaquidiijiisiyo ämjumma’da Wanaadi weichö, odoocojaato amiiñä’caajä utuudu ämjumma’da yeichö mmaja, saaquidiijiisiyo yau’cwaajä utuudu mmaja, yää conemjönö choccajootojo. Tameedä mädoocomo jenaado’jä waanontänä tönnöjo yeichaame, Wanaadi a’cwaincha’da na chääjäcä.

EEWEDEO 2:14

Ñanno “önnacoomo” quee naadö, soto ecammancädäiñe yääje nä’döa. Yääje yeijäcä Jesuuquidiito sotooje cönä’döi, töwäämadö que wäämanä edhaajä e’jodheinchadö wetä yaawä, ñäädä odo’shaje naanei.

EEWEDEO 5:7

Yaawä edä nono de’wä Quidiito weichö, jooje töwa’deuwe töwö cönä’jaacä Wanaadi wwä, töwaamoone; töwö töne’ca’e cönä’jaacä Wanaadi wwä, ñäädä töwäämaajo jonno täwaanacaajaicho wwä. Wanaadi cöneetai ya’deuwödö, töwwä yä’tu’jödö weijäcä.

EEWEDEO 8:3

Ñäädä Wanaadi wwono wa’deuwödö ewaacadö nai Wanaadi wwä u’ajä ecammaneije, saaquidiijiisiyo tödööneije mmaja. Yääje yeijäcä Jesuuquidiito wwä töweiye mmaja eijai ña dea tu’emö.

1 PEEDHODO 2:24

Quidiito dea cöcoone’nadiiyöcoomo töjääcä cönshinchäi cuduusa jäcä töweichö, conemjönö tödöödö jäcä yäämaajä nönge cöweichöcoomo wetä, aashichaato mmaane tödööcoije cöweichöcoomo wetä. Töwö yäätunui’chä’jödö que töwääjichö’tä maato.

2 JUAN 1:7

Jooje äncu’tännamo naato edä nono de’wä, Jesuuquidiito sotooje yeejö’jödö ijoome’dännamo. Ñäädä yääjato wä’dödö äncu’tänei ñäädä, Quidiito tu’de’tänei.