EEWEDEO 10:1 - Wanaadi A'deddu

¹ Jenaado’jä waanontänä Moisé nimennä’jödö cönä’jaacä aashichaato töwe’emö chu’täneije mma, ñeenejöönö mma. Yääje weiñä necamma wedu waadäi yää dea saaquidiijiisiyo tödöödö. Yää ecammajai’cha cönä’jaacä soto wecoonecaato’como, ñanno yää tödöödö que Wanaadi wwadäädä iicha’como.

EEWEDEO 10:1 Iomraidhean Croise

DOMAANO 8:3

Yääje cödööjaiñe’da cönä’jaacä waanontänä, yää Moisé nimennä’jödö, cujuunucoomo nijummadö tämu’däneije yeijäcä. Wanaadi mmaane yääje cödöötäne Tönnedö anontädö que. Töwö Tönnedö cönaanontäi sadä. Ñäädä Iiñedö cönä’jaacä sotooje, cönwanno cönöngeiñe, conemjönö tödööjaicho mmaja. Töwö saaquidiijiisiyooje cönäämai yaawä, conemjönö coccatoojoje. Mädääje Wanaadi conemjönö cöne’jodheinchai Jesuuquidiito ai, ñäädä sotooje cönä’ja’dö ai.

CODOOSENSE 2:17

Tameedä mädoocomo cönä’jaacä töwe’emö ecaato mma; Quidiitoone na täcaatoqueemöje.

EEWEDEO 10:22

Yääje yeijäcä Wanaadi wwadäädä cöötätäiye chäänönge cötö’tajäätödööcomo yeiyancädä, chäänönge ecaanö’ancädä mmaja, conemjönö jonno cötö’tajäätödööcomo chocca’jödö weijäcä chäwwä, cäjööcomo chocca’jödö weijäcä mmaja tuna aashichaato que.

EEWEDEO 7:11

Waanontänä imennaajä cönä’tui iisadaaediita wwäiñe ñanno dewiitacoomo Wanaadi wwä töwa’deuwaamoje yeichawäiñe, ñanno Aadón atöödö. Yääje yeichaame ñanno dewiitacoomo chäänönge tödööjaiñe’da cönä’ja’to ñanno soto, yää waanontänä tödönnamo. Yääje yeijäcä anejjejaato Wanaadi wwono wa’deuwödö tujunne cönä’jaacä, Aadón cönä’ja’döje’daane, Mequiisedeeque cönä’ja’döjeene.

EEWEDEO 8:5

Canno edä nono de’woncomo Wanaadi wwä töwa’deuwaamo caju ñano cu’tädööje mma naato. Edääje Wanaadi cönä’döaacä Moisé wwä, chäwwä töweichojo amoojooje: “Tameedä tödööcä’de jöö de’wä aweichö äwwä weneejoneedö nönge;” quee cönä’döaacä Wanaadi.

EEWEDEO 9:11

Eduuwa mmaane Jesuuquidiito töwe’e na. Töwö na Wanaadi wwä töwa’deuwaamo edhaajotoncomooje, mädä aashicha weiñä naadö tödööneije. Töwö cönoomomöi Wanaadi weichojo neene taca, Aashichaato Jaiñoone taca, soto namäädöcoomojöönö, edä nono de’wonoojönö mmaja.

EEWEDEO 9:23

Mädääje na; jenaadä yää saaquidiijiisiyo tödööjätöödö tujunne cönä’jaacä yää caju ñano cu’taajä amoichatoojoje. Caju ñano neene mmaane saaquidiijiisiyo aashichaato que jeene tödööemje na.

EEWEDEO 9:25

Ñäädä Wanaadi wwä töwa’deuwaamo edhaajotoncomo Aashichaato Jaiñoone taca töwoomonge weneene wedu waadäi, tönaamiiñä’ca’jödö aquiiyö dha’me. Jesuuquidiito mmaane weiñäje saaquidiijiisiyooje ä’tu’da na.