EEWEDEO 1:9 - Wanaadi A'deddu

⁹ Chäänönge weiñä awaacö’je na; chäänönge’da weiñä mmaane awaacö’je’da. Yääje yeijäcä Wanaadi, ñäädä Awaanadiiyöje naadö, ajimmä e’jodhe’cä adha’cwaniiyö cuntui; quee Wanaadi nä’döa Tönnedö jäcä.

EEWEDEO 1:9 Iomraidhean Croise

DUUCA 4:18

Epíiditu Santo ’je wa; Cajiichaana Wanaadi ye’täne wentumja’como wwäiñe aashichaato wätunnä ecammajä’neije. Töwö yaanontäne wentumja’como tö’tajäätödö i’wa’täiñe, jedeesoja’como tö’tajäätödö i’wa’täiñe mmaja, tänuuquemjöncomo enu’täneichomooje mmaja; yäntunamjödööcomo i’wa’täneichomooje mmaja töwö yaanontäne dea,

JUAN 1:41

Yaawä dea mma töwö tudui Simón ujiiye cöntämä; cönä’döaacä chäwwä: —Ñaa cöneedantäi Mesía; quee cönä’döaacä. Äwaanacaanei, quee töwä’dö’se yeichö yää Mesía.

JUAN 10:17

“Jaaja jummatä weneene weichö tunu’e weijäcä, nudä weichö wetä mmaja yaawä yää ’jeje.

JUAN 20:17

Jesuuquidiito cönä’döaacä chäwwä: —Canaajäi; äncu’da dea wa Jaaja döiña. Äjääne jimmä döiñaiñe; chäwwäiñe ecammacä’de Jaaja döiña wäncudu, ñäädä Oomotoncomo mmaja, öwö Waanadiiyö, änwanno Awaanadiiyöcoomo mmaja; quee cönä’döaacä chäwwä.

JUAN 3:34

Ñäädä Wanaadi nanontädö Wanaadi a’deddu necamma; Wanaadi Epíiditu Santo nu’a chäwwä ewontancädä’da.

DOSECHO 10:38

Odhoowanääcäiñe mmaja Jesuuquidiito Naasade ñano wwä Wanaadi nutuudu Epíiditu Santo jäduudu. Ñäädä Jesuuquidiito, Wanaadi töjaadä yeijäcä, aashichaato tödööancädä töwäämannä’e cönä’jaacä, tameedä odo’sha wäntunamjödö adoncancädä mmaja.

DOSECHO 4:26

Tameedä cajiichaanacoomo cöne’jummaicho, soto edhaajotoncomo cöne’jummaicho dea, Cajiichaana chu’de’tädö wetä, Quidiito chu’de’tädö wetä mmaja, ñäädä Cajiichaana anoonö; quee mä’döaaquene Dawí nchai.

DOSECHO 4:27

“Edä jataawä dea Edoodhe cöne’jummaicho Ponsiyo Pidaato jadä, judhíojöncomo jadä mmaja, iisadaaediitacoomo jadä mmaja. Tönwanno cöne’jummaicho ännedö aashichaato Jesuuquidiito chu’de’tädö wetä, ñäädä Äwaanacaaneije ane’tä’jödö.

DOMAANO 12:9

Wätäncu’tänä que’da ä’jummatääcä. Conemjönö chiiñu’tätääcä; aashichaatoone ijummatääcä.

DOMAANO 15:13

Ñäädä Wanaadi, cönwomoocödööcomo u’neije na; töwö adha’cwaniiyöcoomo nu’a, täncanoode’da aweicho’como mmaja, täcamjödö jäcäinchädä. Yaawä Epíiditu Santo woije wo’womo’nä ’je eijai maato.

1 CODINTIYO 1:9

Chäänöngato ñäädä Wanaadi, töwö dea adha’dejjatääne Tönnedö Jesuuquidiito jimmäje aweichöcoomo wetä, ñäädä Cädhaajotoncomo.

2 CODINTIYO 11:31

Cädhaajotoncomo Jesuuquidiito Wanaadiyö, ñäädä Yuumö, dhowaanäcä na wäätäncu’tädööje’da yeichö mädääje wä’dödö; ñäädä Wanaadi ña yeichöödäje aashicha wa’deutojooje.

CAADATA 5:22

Epíiditu Santo nödöödö weja’caajä mmaane wä’jummanä, ta’cwaiñe weiñä mmaja, täncanoode’da weiñä mmaja, aashicha shinchädö mmaja, tamääne’da weiña mmaja, aashichaato jummadö mmaja, chäänönge weiñä mmaja,

EUJEESIYO 1:3

Aashicha wa’deutojooje na Cädhaajotoncomo Jesuuquidiito Wanaadiyö, ñäädä Yuumö. Töwö Wanaadi Quidiito jadä cöweichomjäcä tameedä aashichaato caju ñano cöwwäiñe cuntui.

JIDIIPENSE 2:9

Yääje yeijäcä Wanaadi tameedä o’jodhe cönnöi; chäätö cuntui tameedä äätö e’jodhaato,

EEWEDEO 2:11

Ñanno shooma’como, shoomaneichomo’jödö mmaja, ñäädä dea Yuumötoncomooje na. Yääje yeijäcä töwö Jesuuquidiito, ñäädä Wanaadi nnedö, ijöichöje’da na töjimmäje ñanno e’tädööcomo.

EEWEDEO 2:9

Jesuuquidiito o’jodhe yeichö mmaane queeneaato, ñäädä a’dhe amoode o’näiñe cönä’ja’nei. Töwö Jesuuquidiito cönäämai tameedä cöjääcäinchädäiñe, aashicha Wanaadi weichö woije. Eduuwa töwö na o’jodhaatoje, aashicha wa’deutojooje mmaja, töwäntunamjö’jödö weijäcä töwäämadaawä.

EEWEDEO 7:26

Cöwwäiñe tujunne töweiye cönä’jaacä yääjato cöjääcäinchädäiñe Wanaadi wwä töwa’deuwemö. Aashichaato töwö, conemjönö ’jemjönö mmaja, conemjönö dönnamo jonnoto wä’sancwajaajä mmaja, tameedä caju ñancomo e’jodhaato mmaja.

1 PEEDHODO 1:3

Aashicha wa’deutojooje na Cädhaajotoncomo Jesuuquidiito Wanaadiyö, ñäädä Yuumö. Töwö Wanaadi wentumje äneetä töweichö woije eduuwaatoje cännuichatääne töwäämaajo jonno Jesuuquidiito waadoncadö que. Yääje yeijäcä cöwo’womoocödööcomo töwaatamemjönö cöwwäiñe töweiye na.

1 JUAN 1:3

Töneene’jödö, töneeta’jödö mmaja ñaa necammajä’a äwwäiñe, ääjimmäje cöweichöcoomo wetä. Cönwanno caato Cumöötoncomo jadoonoje, Iiñedö Jesuuquidiito jadoonoje mmaja.

APOOCADIISI 2:15

Töweiye mmaja naato dea adhantawäiñe niicodaaiitacoomo nowaanomaadö enaanö’nnamo mmaja, yää waacö’jönö.