EEWEDEO 1:2 - Wanaadi A'deddu

² Eduuwa, anooto ataamejai yä’döa’jäcä, töwö cöna’deuwöi Tönnedö ai chaja. Tönnedö ai Wanaadi cönnöi tameedä yeichö wa’cä; chäwwä cöneecammai chea tameedä iiñödööje yeichojo.

EEWEDEO 1:2 Iomraidhean Croise

MATEO 13:39

Ñäädä chu’dedö, conemjönö ñaatö’tänei’jödö, odo’sha cu’tädö ñäädä. Yää aiyodö cu’nädö anooto wataamedö cu’tädö. Ñanno äiña aiyonnamo ñanno Wanaadi amoodedö cu’tädö.

MATEO 17:5

Yääje ya’deutaame dea ca’dutu tawaanato cöneejä immai’chäiñe. A’deu cönäätaacä yaawä ca’dutu do’taca: —Määdhä ñäädä Önnedö umjummadö, ta’cwaiñe chääjäcä waadö. Dha’deddu etaatäcä; quee cönäätaacä a’deu.

MATEO 21:38

Ñäädä iiñedö eneea’jäcä audaajä edai’chännamo wwäiñe, tönwannoje dea cönä’döa’to: “Määdhä ñäädä tumö ca’semjödö töwwä tödöönei. Queematäiye ja, cönaudädööcomooje eiye yaawä edä;” quee cönä’döa’to.

MATEO 26:63

Äucwätä’da cönä’jaacä Jesuuquidiito. Yaawä Wanaadi wwä töwa’deuwaamo edhaajotoncomo cönä’döaacä chäwwä: —Ääcammacä eduuwa, Wanaadi nudooto netaadöje. ¿Ñäädä ca amäädä, Äwaanacaanei, Wanaadi nnedö? quee.

MATEO 28:18

Yaawä Jesuuquidiito yöiñaiñe jeene cöneejä; cöna’deuwöi chäwwäiñe; cönä’döaacä: —Tameedä tödöötojo öwwä tu’e na, caju ña mmaja, edä nono de’wä mmaja.

MATEO 3:17

A’deu cönäätaacä yaawä caju ña: —Määdhä ñäädä Önnedö umjummadö, ta’cwaiñe chääjäcä waadö; quee cönäätaacä a’deu.

MAADOCO 1:1

Edä yää Jesuuquidiito wätunnäi aashichaato waajäntädö, ñäädä Wanaadi nnedö.

MAADOCO 12:6

“Iiñedö mma cönä’jaacä yaawä, tooniyaano, töwö imjummadö. Ñäädä cönaanontäi chea yaawä, yä’cadööje. “ ¿Önnedö jaiñoone ca ñontäjai ñaicho?” quee cöntö’tajä’acä.

MAADOCO 12:7

Yaawä ñanno audaajä edai’chännamo tönwannoje dea cönä’döa’to: “Määdhä ñäädä tumö ca’semjödö töwwä tödöönei. Queematäiye ja, cönaudädööcomooje eiye yaawä edä;” quee cönä’döa’to.

JUAN 1:10

Ñäädä A’deu cönä’jaacä edä nono de’wä. Töwö dhai tameedä yeichö wa’cä tödö’jödö weichaame Wanaadi wwä, edä nono de’woncomo aneene’jutu’da cöneiya’to.

JUAN 1:14

Ñäädä A’deu sotooje cönä’döi. Töwö cöneejata’täi ñaa antawä. Aashichaato cönä’jaacä töwö, chäänöngato mmaja. Ñaa cöneeneaacä aashicha yeichö, yää yäätonno ’jemjönö Yuumö nnedö wwä töweiye naichö.

JUAN 1:3

Ñäädä ai Wanaadi cönnöi tameedä yeichö wa’cä. A’que na tödööajä iiñödööjönö.

JUAN 13:32

Aashicha Wanaadi weichö töneenejo weijäcä eduuwaiche mma töwö neneeja dea aashicha öwö weichö.

JUAN 15:15

Yaanonööje adhe’tätäiñe’da wa eduuwa. Dhanoonö dhowaanäcä’da töweiye nai tädhaajä wwä tödöötojo. Jimmäjeene mane’taato eduuwa, äwwäiñe ecamma’jödö weijäcä tameedä Jaaja wwä neeta’jödö.

JUAN 16:15

Tameedä Jaaja wwono öwwonooje mmaja na dea; yääje yeijäcä yääje wä’döaanä: Öwwono wu’a’de Epíiditu Santo wwä, yää äwwäiñe töwö neneeja’de; quee wä’döannö.

JUAN 17:2

Amäädä Ännedö wwä mu’ne tameedä soto e’jodheiñe yeichojo, yeichöödoto weiñä utuiye yaawä tameedä chäwwä mu’netoodö wwäiñe.

JUAN 3:16

“Wanaadi tameedä soto cumjumma’to jooje, chääjäcäinchädäiñe Tönnedö yäätonno ’jemjönö tu’ene’jödöödä. Iiñedö ecaanö’nei ännamjö’da na’de, yeichö töwaatamemjönö töweiye na.

JUAN 3:25

Yaawä Juan nowaanomaadö cönäätäccujä’a’to judhío jadäiñe, wataamoichanä jäcä.

JUAN 5:26

Jaaja wwä töweiye do’ta u’tojo. Töwö Tönnedö wwä cuntui chea do’ta u’tojo.

JUAN 5:27

Töwö cuntui chea chäwwä soto emmencato’como, Soto nnedööje yeijäcä.

JUAN 9:29

Ñaa owaanäcä na Moisé wwä Wanaadi wa’deuwö’jödö. Ñäädä dhanwa mecammaadö mmaane yeejö’jödö jadä’jödöödä ñaa owaanäcä’da na; quee cönä’döa’to.

DOSECHO 10:36

Töwö Wanaadi Isadaaeeda atöödö wwäiñe cöneecammai yää Jesuuquidiito ecamjödö que täncanoode’da weichojo, ñäädä tameedä Ädhaajäje naadö.

DOSECHO 2:17

Wanaadi yääje nä’döa: Anooto ataamejai yä’döa’jäcä Epíiditu Santo wu’a’de tameedä soto wwäiñe; iiñacoomo untudu woije necammajä’aato’de, dhanwaacomo, wodiiñamo mmaja; ääjömannamo töwäänemjönö neneeaato’de; inchoncomo niwäänetööaato’de.

DOMAANO 1:4

Töwäämaajo jonno Jesuuquidiito waadoncadö que Epíiditu Santo cöneecadeeme’joi Wanaadi nnedö jäduujatooje yeichö.

DOMAANO 8:17

Wanaadi nnacoomoje cöweijäcäiñe cöwwäiñe töweiyemööje na yää Wanaadi necamma’jödö tu’emö. Yää cöwwäiñe nä’tua’de Quidiito wwä utuudu jadä. Eduuwa Quidiito jäcäinchädä cöwäntunaanö’a’comjäcä, chääjadä mmaja aashicha caato’de

1 CODINTIYO 2:7

Ñaa töneecammajä’e weneene Wanaadi sejjedö owaanojöönööne, yää owaanäcä’da jenaadä cönä’ja’dö, edä nono tödöödö owaajodä cöwääwanaacato’comooje Wanaadi cöneejodöichö.

1 CODINTIYO 8:6

Cönwanno cöwwäiñe mmaane tooni Wanaadi ña, ñäädä Cumöötoncomo, tameedä tödööajä naadö tödöönei’jödö. Töwö chäwwonooje caato cönwanno. Tooni mma mmaja Ädhaajä na dea, ñäädä Jesuuquidiito. Töwö yoije tameedä tödööajä weneene, cönwanno jadä’jödöödä.

CAADATA 4:4

Yaawä chu’nädö aca yä’döa’jäcä Wanaadi Tönnedö cönaanontäi; wodi ai cönennui. Töwö cönä’jaacä judhíoje, jenaado’ja waanontänä woije.

EUJEESIYO 1:10

Edääje na yää inchö’tammecöödö: Chu’nä’taajä aca yä’döa’jäcä töwö Wanaadi tameedä nejoodöjaato’de, caju ña naatoodö, nono de’wä naatoodö mmaja, Quidiito iju’jocoomoje.

EUJEESIYO 3:9

Wanaadi yaanontäne tameedä soto wwäiñe ecaademeecödö wetä töwwä tödöötojo yää owaanojöönö’jödö. Yää owaanojöönö’jödö numa tacaade’da cönä’jaacä, Wanaadi woije dea, ñäädä tameedä tödöönei’jödö.

EEWEDEO 1:5

Amoode wwä’da edääje Wanaadi cönä’döaacä: Önnedö amäädä; eduuwa aweichö wutui; quee. Amoode wwä’da mmaja edääje Wanaadi cönä’döa’dea: Öwö wa’de yuumöje, töwö önnedööje na’de; quee.

EEWEDEO 1:8

Tönnedö jäcä mmaane edääje Wanaadi nä’döa: Yeichöje cajiichaanaje ma’de, amäädä Wanaadi. Chäänönge aweichö que cajiichaanaje ma.

EEWEDEO 11:3

Ecamjödö que cowaanäcäiñe na töwa’deuwödö que mma edä nono tödö’jödö Wanaadi wwä. Töwäänemjönö que töwö cönnöi tameedä edä täneemöje naadö.

EEWEDEO 2:3

Töwaacö’je cönwanno eduuwa. ¿Aaquene cöwäätä’maminchajoodöcoomo caneemaichatäädöde’ mädä wa’coto wääwanaacatoojo chiiñeme’ca’jäcä cöwwäiñe? Cajiichaana Jesuuquidiito yää wätunnä cöneecammajäätöi awa’deene. Yää ’jeje ñanno Cajiichaana necammajäätödö etannamo’jödö chäänönge cöneecammajäätöicho dea cöwwäiñe.

EEWEDEO 3:6

Quidiito mmaja chäänönge na dea Wanaadi sotoi edai’chädööcomo jäcä. Yaawääne’, Wanaadi nnedööjeene töwö na, dhanoonöje mma’da. Ñanno cönwanno Wanaadi sotoi tädai’chaamo, yaatameedö jona tödööene ejääduqueejö’da cöweiya’comjäcä cöneecamjödööcomo jäcä, ta’cwaiñe cöweiya’comjäcä mmaja yää cönwomoocödööcomo jäcäinchädä.

EEWEDEO 4:14

Ñäädä Jesuuquidiito, Wanaadi nnedö o’jodhaato, Tumö wwä cöjääcäinchädäiñe töwa’deuwemööje na. Töwö Wanaadi döiña cöntäma. Yääje yeijäcä chäänöngeedä queichäiye cöneecamjödööcomo jäcä.

EEWEDEO 5:8

Wanaadi nnedööje töweichaame töwö Quidiito töwäntunamjödö que cönoowanoomai Tumö woije töweichö.

EEWEDEO 7:28

Waanontänä Moisé nimennä’jödö woije Wanaadi wwono wa’deuwödööje töwääwaaca weneeneto conemjönö tödönnamo mma. Yää waanontänä wä’tu’jeje töwö Wanaadi töwääcammadö que anejja cöneewaacai yaawä töwwono wa’deuwödööje, ñäädä Tönnedö, yeichöödäje chäänönge tödööajä naadö.

EEWEDEO 7:3

Owaanäcä’da na ñäädä Mequiisedeeque umö, yeenö mmaja; yä’jimmä’tädö owaanäcä’da mmaja. Yennu’jödö owaanäcä’da mmaja na dea, yääma’jödö mmaja. Yääje yeijäcä Wanaadi nnedö cu’tädööje täcammajä’emööje na, yeichöödäjaato Wanaadi wwono wa’deuwödööje yeichö.

EEWEDEO 9:26

Yääje ei’jo mmaane weiñäje Jesuuquidiito äämadö cöneiyacä edä nono tödö’jödö jonnoto’jödöödä. Dha’da cönäänejoichö naane’, tooniye mma eduuwa anooto ataamejai yä’döa’jäcä. Töwö cöneejä conemjönö choccadö wetä saaquidiijiisiyooje töwä’tudu que.

1 PEEDHODO 1:20

Edä nono tödöödö owaajodä mädääje töweiyemööje Quidiito cönäätä’täjoichö’je; yaawääne’ eduuwa jeene cönäänejoi, anooto ataamejai yä’döa’jäcä jeene, änwanno äjääcäinchädäiñe.

2 PEEDHODO 3:3

Edääje äwwäiñe wä’dö’se wa awa’deene: Anooto ataamejai yä’döa’jäcä anejjacoomo soto naato’de Wanaadi enno’jä’nnamooje; conemjönö tumjummadööcomo woije mma naato’de.

JUUDHA 1:18

Edääje ñanno cönä’döa’to: “Anooto ataamejai yä’döa’jäcä anejjacoomo naato’de Wanaadi enno’jä’nnamooje. Conemjönö tumjummadööcomo woije mma naato’de;” quee cönä’döa’to Jesuuquidiito nanontädö ñanno chäänöngemjöncomo jäcä.