EEWEDEO 1:14 - Wanaadi A'deddu

¹⁴ Ñanno tameedä Wanaadi amoodedö naato tanontaamoje mma, töwääwanaacaamo i’wa’tännamooje anonta’como.

EEWEDEO 1:14 Iomraidhean Croise

MATEO 1:20

E’nomjadö jäcä chö’tajäätödaawä Cajiichaana amoodedö cönäänejoi chäwwä, iwäänetöödö ai; cönä’döaacä: —Amäädä José, Dawí weichö, ajiiñamooje Madía tödöödö mma monnontäi. Epíiditu Santo woijato wamoodetaajä ñäädä iiñedö, töwennueemöje naadö.

MATEO 13:41

Soto nnedö lamoodedö nanontaato’de tameedä soto sadiijannä’cannamo i’jummaiñe tösootoi antawonnoiñe, tameedä ñanno conemjönö tödönnamo mmaja.

MATEO 18:10

“Canno mudeeshi’chä mänquiiñeme’täi. Yääje wä’döa äwwäiñe, canno mudeeshi’chä edai’chännamo Jaaja caju ñano je’taca töweiye naato, ñanno amoode.

MATEO 2:13

Yää ’jeje, jöwaiñamo wöta’comjäcä, Cajiichaana amoodedö cönäänejoi José wwä, iwäänetöödö ai; cönä’döaacä chäwwä: —Ääma’täcä; shiichu’cä adääcä, yeenö mmaja. Ejiito ña äänejeetäcä. Iiña eichäcä’de öwwä ecammadö wa’cä. Edoodhe dajaane shiichu’cä nujiiya emaadö wetä; quee cönä’döaacä amoode José wwä.

MATEO 24:31

Töwö tamoodedö nanontaato’de yaawä janau’cwa etöödö que tönei’jödö i’jummaiñe, tameedä yeichö wa’cä edä nono de’wä, caju o’wadö jona tödööene.

MATEO 25:34

Yaawä Cajiichaana nä’döa’de ämu’demjönö dö’sencomo wwä: “Ä’täcä änwanno, Jaaja nijummadö, ijaatawä meichäiye, yää edä nono wamoodeta’jödö jonnoto’jödöödä äwwoncomooje choonecaajä naadö.

MATEO 4:11

Yääje mma yaawä odo’sha cöntämä Jesuuquidiito jonno. Wanaadi amoodedö cöneejoto yaawä Jesuuquidiito ’wa’tännamooje.

MAADOCO 10:17

Yäätonno yääma’tädaawä dhanwa cöneeca’tömöi Jesuuquidiito wwadäädä. Tä’mudhe cönä’döi ije’taca; cöneecamma’joi: —Owaanomaanei aashichaato, ¿ane’cäämö tödööjai wanä weichö töwaatamemjönö chaana’catoojoje? quee cönä’döaacä.

DUUCA 1:19

Amoode cönä’döaacä chäwwä: —Caawidiyeede dajaane öwö, Wanaadi je’tacaano. Töwö dea yaanontäi äwwä a’deuwe, mädä aashichaato wätunnä ecamma äwwä.

DUUCA 1:23

Tötaadawaajui dödö töwä’ca’jäcä Saacadía tömmai chaca cönennacai yaawä.

DUUCA 16:22

Yääje mma yaawä ñäädä wentumjato cönäämai. Amoode caju ñancomo cönaadoicho yaawä Awadán döiña, Aashichaato ña. Yaawä ñäädä tönsomaacato cönäämai chea. Cöneewaacaicho yaawä.

DUUCA 2:13

Jadheedä cönäänejoicho yaawä jooje amoode caju ñancomo; aashicha cöna’deuwa’to Wanaadi jäcä; cönä’döa’to:

DUUCA 2:9

Jadheedä chäwwäiñe cönäänejoi yaawä Cajiichaana amoodedö. Ñanno oweeja edhaamo awoodhecääcäiñe tawaane cönä’döi jooje Cajiichaana niweijodö que. Jooje cönääcatoncaicho.

DOSECHO 11:22

Yaawä chääcadööcomo eta’jäcä Jeduusadén ñancomo quedeiyentecoomo Waanawé cönaanontoicho Antiyooquía ña.

DOSECHO 12:23

Yaawä jadheedä Cajiichaana Jesuuquidiito amoodedö Edoodhe cöncädäi’ñäi, Wanaadije töwei’she yeijäcä. Töwö cönäämai yaawä acö otööcomooje.

DOSECHO 12:7

Jadheedä Cajiichaana Jesuuquidiito amoodedö cönäänejoi yaawä; tawaane cönweijoi yaawä jedeeso ewöötö’tädö taca. Ñäädä amoode Peedhodo cönaajojoi yaawä shuudadö jäcä; cönemjacai yaawä; cönä’döaacä chäwwä: —Ma’da’cä ä’jäcä; quee. Yaawä cadheena cönaajämjacai Peedhodo ajäädo jäconno.

DOSECHO 13:2

Yaawä yäänemaadawäiñe, yeecanta’ñädaawäiñe mmaja Epíiditu Santo cönä’döaacä chäwwäiñe: —Waanawé, Saudo mmaja, ewaacatääcä tadaawaaju neecammadö dönnamooje; quee cönä’döaacä.

DOSECHO 16:26

Yaawä jadheedä nono cönäätu’mei jooje, jedeeso ewöötö’tädö o’wadö tu’mejoone. Yaawä tameedä mönaatata cönaata’ducaajätöi, tameedä jedeesoja’como imööjä’a’como cöneesacaajätöi chea.

DOSECHO 27:23

Edä coijaichawä amoode näänejoi öwwä, Waanadiiyö anoonö, ñäädä shootoije waadö.

DOSECHO 5:19

Yaawä, coijai, Cajiichaana Jesuuquidiito amoodedö mönaatata cöna’ducai anonta’como wwäiñe; cönä’döaacä chäwwäiñe:

DOMAANO 11:14

Mädääje wäänene ñanno jimmä judhíocoomo i’ñeimmajoodöcoomo wetä äjääcäiñe, awei’yejeiñe mmaja yeichöcoomo wetä yaawä, dhantai ääwanaacaiyeto yaawä.

DOMAANO 13:6

Mädääje yeijäcä dea acu’shänä jödaata töneejemaajo weneene äwwäiñe, jata cone’catoojoje. Ñanno acu’shänä naato Wanaadi anoonöje; tönwanno tötaadawaajuichomo jäcä töwoowoincha weneeneto.

DOMAANO 15:16

Töwö Wanaadi yöödöne Quidiito anoonöje, judhíojöncomo wwäiñe ecammajäätödö wetä Wanaadi wätunnäi, yää aashichaato wätunnä. Yää töneecammajä’e wäänene Wanaadi wwä judhíojöncomo utuudu wetä yaawä öwwä, saaquidiijiisiyo utuudu töweiye naichöje, Wanaadi wacö’je, Epíiditu Santo nishoomadööje mmaja.

DOMAANO 15:27

Aashicha chäwwäiñe cöntö’taacä yääje töwwäiñe tödöödö. Chäänönge mädääje nichö’tajä’aato; ejeeque’näjöödöcoomo nönge mädä na. Ñanno judhío quedeiyentecoomo judhíojöncomo wwä cuntuicho Wanaadi a’deddu; yääje yeijäcä judhíojöncomo yää inwacaamajai ñaato eduuwa edä nono de’wono que.

DOMAANO 8:17

Wanaadi nnacoomoje cöweijäcäiñe cöwwäiñe töweiyemööje na yää Wanaadi necamma’jödö tu’emö. Yää cöwwäiñe nä’tua’de Quidiito wwä utuudu jadä. Eduuwa Quidiito jäcäinchädä cöwäntunaanö’a’comjäcä, chääjadä mmaja aashicha caato’de

1 CODINTIYO 1:21

Edä nono de’woncomo towaanojo’ne töweichöcoomo que mma Wanaadi towaanäcäiñe tödööjai’cha naato; tösejjeque Wanaadi weichö woijato dea yää. Täcaanö’nnamo mmaane töwö Wanaadi töneewanaaca weneeneto, ñanno ta’deddu ecammajäätödö etannamo’jödö, yää i’jeta’jödööje anejjacoomo töne’tä weneenetoodö.

2 CODINTIYO 9:12

Mädä aashichaato cöödöaatoodö quedeiyentecoomo wäntunamjödööcomo i’wa’tädö mmajöönö mädä; yää jäcäinchädä aashicha Wanaadi wwä soto wa’deuto’como queejodööjaato dea.

CAADATA 3:29

Quidiito sotoije aweijäcäiñe Aawadán atö’jödööje mmaja maato dea. Yääje yeijäcä äwwäiñe nä’tua’de aashichaato, Aawadán wwä Wanaadi cöneecammaichö dea.

CAADATA 3:7

Yääje yeijäcä odhoowanääcäiñe tödööjai maato ñanno Wanaadi ecaanö’nnamo Aawadán nnacoomoje yeichöcoomo.

CAADATA 3:9

Yääje yeijäcä tameedä ecaanö’nnamo wwä töweiye na aashichaato, Wanaadi aashichaato cuntuichöje mmaja Aawadán wwä, ñäädä ecamjödööcato.

EUJEESIYO 3:6

Edä yää owaanojöönö’jödö: Aashichaato wätunnä ecammajäätödö que ñanno judhíojöncomo naato eduuwa Wanaadi nutuudu eiñamooje, judhío naatoodöje mmaja. Tönwanno judhíojöncomo naato dea yää dea ejööje mmaja, Wanaadi necamma’jödö enennamooje töweiyaamoje mmaja, yää Jesuuquidiito jäcäinchädä cöneecammaichö.

JIDIIPENSE 2:17

Öwö ta’cwaiñe dea eijai wa saaquidiijiisiyo nönge töwä’tueemöje weichaame, yää saaquidiijiisiyo ännödööcomo de’wä mmaja, ecamjödö que tönnöe määnetäänedö. Adhaacoodaaneiñe ta’cwaiñe eijai wa.

JIDIIPENSE 2:25

Epaujodiito mmaane eduuwa mma wiiñacaanö’ja adöiñaiñe, ñäädä öwwadäädä ö’wa’täneije menno’jatäänedö. Weichacoono töwö, weetadaawa’cajoodö jäcä ö’wa’tänei’jödö, wewäänä’tänä jäcä mmaja.

2 TEESADOONISENSE 1:7

Änwanno mäntunaanö’aatoodö wwäiñe mmaane töwö nu’a’de äwäädeetato’como; ñaa wäädeetatoojo mmaja nu’a’dede caju ñanno Cajiichaana Jesuuquidiito wääneja’jäcä tamoodedö jäduuja’como jadäiñe.

TIITO 3:7

Aashicha töweichö woije Wanaadi töjaadonooje cödöötäne, töwaatamemjönö cöweicho’como cöwwäiñe yeichö wetä, yää quiiyomo’catoodö.

EEWEDEO 10:11

Anooto waadäi ñanno Wanaadi wwä töwa’deuwaamo saaquidiijiisiyo tönnöe weneeneto weiñäje, conemjönö choccajai’cha yeichaame yää.

EEWEDEO 2:3

Töwaacö’je cönwanno eduuwa. ¿Aaquene cöwäätä’maminchajoodöcoomo caneemaichatäädöde’ mädä wa’coto wääwanaacatoojo chiiñeme’ca’jäcä cöwwäiñe? Cajiichaana Jesuuquidiito yää wätunnä cöneecammajäätöi awa’deene. Yää ’jeje ñanno Cajiichaana necammajäätödö etannamo’jödö chäänönge cöneecammajäätöicho dea cöwwäiñe.

EEWEDEO 5:9

Chäänönge töwä’döa’jäcä töwö Jesuuquidiito wääwanaacatoojo yeichöödoto u’neije cönä’döi yaawä, tameedä ta’deddu woije tödönnamo wwä.

EEWEDEO 6:12

Töquiiñe aweichonse’da ñaa na. Ñanno wei’yejeiñeene aweichonse ñaa na, ecamjödö que mmaja, aaquiñu’tä’da töweichöcoomo que mmaja Wanaadi necamma’jödö ejoodönnamo wei’yejeiñeene.

EEWEDEO 6:17

Yääje yeijäcä Wanaadi chäänönge cönääcammai yaawä, töneecamma’jödö enennamo wwäiñe eneejodö wetä tötö’tajäätödö yäätonno eseecajai’cha töweichö.

EEWEDEO 8:6

Jesuuquidiito nödööaadö mmaane canno nödöödöcoomo e’jodhe’cä na, eduuwaato weiñä ecammaajä jenaado’jä e’jodhe’cä yeijäcä, chäänönge ecammaajä que jeene tödö’jödö weijäcä.

EEWEDEO 9:28

Yääje mmaja Quidiito, tooniye saaquidiijiisiyooje cönä’tui jooja’como soto cone’nadiiyöcoomo choccatoojoje. Äcuude töwö ne’a’dede sadä, conemjönö choccaneije’da yaawä, töwoomo’nenaamo ewaanacäiñeene.

SANTIYAACO 2:5

Etaatäcä, jimmä umjummadö. Ñanno edä nono de’wono que tönsomaaquemjöncomo Wanaadi cöneicho jooje ecamjödö chäwwäiñe töweiyaamoje. Ñanno Wanaadi sotoije naato’de, tujummannamo weicho’como ñeecamma’jödö nönge dea.

1 PEEDHODO 1:12

Wanaadi chäwwäiñe cöneecammai yää chäwwoncomooje’da yeichö, cöwwoncomoojeene. Yää äwwäiñe täcamma na eduuwa aashichaato wätunnä ecammajä’nnamo wwäiñe, ñäädä Epíiditu Santo caju ñanno anontaajä jäduudu que. Wanaadi amoodedö mmaja towaanäcäiñe yei’she naato dea yää.

1 PEEDHODO 1:4

Eduuwaatoje töwennue cöweijäcäiñe cöwwäiñe töweiyemööje na Wanaadi nutuudu töwaatamemjönö, töweecone’mamjönö mmaja, jemi yu’tacoi töweiye naichö nönge’da. Yää cöwwoncomooje tösooma na caju ña.

1 PEEDHODO 3:7

Yääje mmaja änwanno tö’dha’como, aneene’jutu’da’daane eichäcä ajiiñantoncomo tödöödö jäcä. Aashicha ajiiñantoncomo tödöötäcä, odho’näiche töwö ijäädudu weijäcä, a’nädäncädä Wanaadi nutuudu aweichöcoomo äwwäiñe yeijäcä mmaja. Mädääje aweiya’comjäcä Wanaadi wwä awa’deuwödööcomo emu’dänei ’je’da eijai ña.

JUUDHA 1:14

Ñanno jäcäiñe Enooco cöneecammajäätöi, ñäädä Adhán jonno aacä amoojatooto soto adaichö. Edääje Wanaadi woije ñäädä Enooco cönä’döaacä: “Cajiichaana weejödö weneeaqueene wannacoomo tösootoi aashicha’como jadäiñe,

APOOCADIISI 5:6

Yaawä inchoncomo antawäiñe weneeaqueene Oweeja nnedö’cä, jiidi, amiiñä’caajä nönge. Cajiichaana mudei yö’tä töwö cönä’jaacä, ñanno aacäicheea’como amoode’na’como dö’täiñe mmaja. Yeetai cönä’jaacä aacä amoojato, aacä amoojato mmaja chäänudu. Yää chäänudu na aacä amoojato’como Epíiditu cu’tädö, tameedä nono weichö wa’cä Wanaadi nanontädö naatoodö.