CODOOSENSE 4:5 - Wanaadi A'deddu

⁵ Odhoowadäädäiñe eichäcä quedeiyentejöncomo jadä aweichawäiñe. Anooto mma mämmacuudätäi’che.

CODOOSENSE 4:5 Iomraidhean Croise

MATEO 10:16

“Öwö manaanontaato eduuwa. Änwanno maato’de oweeja mado antawäiñe eijai ñaatoodöje. Yääje yeijäcä odhoowadäädäiñe eichäcä’de, äcääyu töweiye naichöje, tääde’cwade’daane, jaduuma weichö nöngeene.

MAADOCO 4:11

Töwö cönä’döaacä chäwwäiñe: —Änwanno äwwäiñe u’ajä na Wanaadi töcaajichaanaije weiñä jäcä owoowanoomato’como, yää owaanojöönö’jödö. Anejjacoomo wwä mmaane yö’seeno joi ecammadö;

DOMAANO 16:19

Chäänönge tönnöe aweichöcoomo tacaade na tameedä yeichö wa’cä; yääje yeijäcä ta’cwaiñe wa äjääcäiñe. Töweesomaajä’e aweichonse wa aashichaato tödöödö jäcä; conemjönö tödöödö jäcä mmaane odhoowoinchadäiñe aweichonse wa.

CODOOSENSE 3:16

Ätö’tajäätödööcomo acaadä Quidiito a’deddu tödöötäcä; yäätä ejannä’catääcä. Ajimmotoncomo owaanomaatäcä, yäätuujatääcäde tameedä asejjedööcomo que. Adheewanööcomo jäcä aashicha Wanaadi jäcä ätö’tajä’ancädäiñe adheecanta’ñätääcä saadomo jäcä, anejja wecanta’ñotoojo jäcä mmaja, ätö’tajäätödööcomo ai mmaja.

1 TEESADOONISENSE 4:12

Yaawä quedeiyentejöncomo aashicha chö’tajä’jai ñaato äjääcäiñe. Mädääje aweiya’comjäcä a’que’da’da äwwäiñe na’de.

1 TIIMOTEO 3:7

Ñäädä ansiyaano aashicha täcaadö etaajojai ña quedeiyentejöncomo wwäiñe, töjääcä cone’da ya’deuwödööcomo queiñe, odo’sha wwä ätäncu’tojo’no yaawä.

SANTIYAACO 1:5

Anejja adhantawäiñe tösejjeque’da tötö’ta’jäcä, Wanaadi wwä nane’cato’ñojo, ä’tuiye chäwwä. Töwö Wanaadi tameedä soto wwäiñe tunu’e, ewontancädä’da, euwancädä’da mmaja.

SANTIYAACO 3:13

¿Änääcö adhantawäiñe towaanojo’ne nai, töseedujä’ne mmaja? Yääje yeiya’jäcä ñäädä tösejjedö neneejo’ñojo aashicha töweichö que, o’jodhe chö’tajäätö’da töweiyancädä, töseedujä’nato neene töweiye naichöje.

SANTIYAACO 3:17

Dha’daane ñäädä caju ñano sejje ’jano. Masuuduije’da töwö, ätäuwö’da mmaja, aashicha soto tönnöe mmaja, soto jäcäiñe ta’cwaiñe mmaja, töweichacoono wa’deuwödö eta’se’da’da mmaja, wentumje äneetä mmaja, aashichaato tönnöe mmaja, ätäncu’tä’da mmaja. Yääjönö wa’cä äänejo’da mmaja na dea ñäädä caju ñano sejje ’jano.

1 PEEDHODO 3:1

Änwanno mmaja töiñoca’como, oiñonootoncomo woije eichäcä, anejja quedeiyenteje’da yeiya’jäcä ecamjöiye yaawä, töwaataquiimajoodö’jo’da, töjiiñamo weichö eneedö que mma,